સૌરાષ્ટ્ર-ગુજરાતમાં સતત બીજા દિવસે છુટોછવાયો કમોસમી વરસાદ પડયો હતો અને આજે સવારથી રાજકોટ સહિત સૌરાષ્ટ્રમાં અનેક સ્થળે વાદળછાયુ વાતાવરણ સર્જાતા માવઠુ થવાની શકયતા છે.
છેલ્લા 24 કલાકમાં ગુજરાતના હવામાનમાં નોંધપાત્ર ફેરફાર જોવા મળ્યો છે. ઉત્તર ગુજરાત અને સૌરાષ્ટ્રના કેટલાક વિસ્તારોમાં છૂટાછવાયા વરસાદે વાતાવરણમાં ઠંડક પ્રસરાવી હતી. ત્યારે હવામાન વિભાગ દ્વારા આજે પણ રાજ્યના કેટલાક ભાગોમાં ગાજવીજ અને વરસાદની આગાહી કરવામાં આવી છે. આ ઉપરાંત આગામી બે દિવસમાં મહત્તમ તાપમાનમાં 3 ડિગ્રી સુધી ઘટાડો થવાની શક્યતા વ્યક્ત કરવામાં આવી છે.
આજે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, અમદાવાદ, પંચમહાલ, દાહોદ, મહીસાગર, ડાંગ, નવસારી, વલસાડ, સુરેન્દ્રનગર, જામનગર, પોરબંદર, મોરબી, દ્વારકા અને કચ્છ સહિતના જિલ્લાઓમાં છૂટાછવાયા સ્થળોએ હળવાથી મધ્યમ વરસાદ/ગાજવીજ સાથે વરસાદ થવાની સંભાવના છે. આ ઉપરાંત, આ જ વિસ્તારોમાં વીજળીના કડાકા-ભડાકા અને 30-40 કિલોમીટર પ્રતિ કલાકની ઝડપના સપાટી પરના પવન (ઝડપી ઝાપટાં સાથે) સાથે હળવોથી મધ્યમ વરસાદ પણ થવાની સંભાવના છે. પ્રદેશના બાકીના જિલ્લાઓમાં સૂકું હવામાન રહેવાની સંભાવના છે.
02 એપ્રિલ 2026ના રોજ બનાસકાંઠા, પાટણ, સાબરકાંઠા, મહેસાણા, નર્મદા, તાપી, નવસારી, ડાંગ, વલસાડ અને દમણ, દાદરા નગર હવેલી જેવા ગુજરાત પ્રદેશના જિલ્લાઓમાં તેમજ કચ્છ જિલ્લાના છૂટાછવાયા સ્થળોએ હળવાથી મધ્યમ વરસાદ/ગાજવીજ સાથે વરસાદ થવાની સંભાવના છે. આ વિસ્તારોમાં વીજળીના કડાકા-ભડાકા અને 30-40 કિલોમીટર પ્રતિ કલાકની ઝડપના સપાટી પરના પવન (ઝડપી ઝાપટાં સાથે) સાથે હળવોથી મધ્યમ વરસાદ પણ થવાની સંભાવના છે. પ્રદેશના બાકીના જિલ્લાઓમાં સૂકું હવામાન રહેવાની સંભાવના છે.