જામનગરની સરકારી જી.જી. હોસ્પિટલના કમ્પાઉન્ડમાંથી ગઈકાલે એક અજાણ્યા પુરુષનો મૃતદેહ મળી આવ્યો છે. પોલીસે જેનો કબજો સંભાળી પોસ્ટમોર્ટમ કરાવવામાં આવ્યું છે, અને તેની ઓળખ કરવા માટે જી.જી. હોસ્પિટલના કોલ્ડ રૂમમાં રાખવામાં આવ્યો છે.
જામનગરની સરકારી જી.જી. હોસ્પિટલના કોલેજ ગેટ પાસે ઓટલા ઉપર એક અજાણ્યો પુરુષ બેભાન હાલતમાં પડેલો જોવા મળ્યો હતો. આ અંગે માહિતી સામાજિક કાર્યકર હિતેશગીરી લાલગીરી ગોસાઈએ પોલીસને આપતાં સીટી બી. ડિવિઝનની પોલીસ ટીમ દ્વારા તાત્કાલિક સ્થળ પર પહોંચી તપાસ હાથ ધરવામાં આવી હતી. દરમિયાન આ વ્યક્તિનું મૃત્યુ થયેલ હોવાનું સામે આવ્યું હતું.
મૃતકની ઉંમર અંદાજે 40 વર્ષ જેટલી હોવાનું જણાય છે. પ્રાથમિક તપાસમાં આ વ્યક્તિ રખડતું જીવન જીવતો હોવાની શક્યતા વ્યક્ત કરવામાં આવી છે તથા કોઈ બીમારીના કારણે તેનું મૃત્યુ થયેલ હોવાનો અંદાજ છે. પોલીસ દ્વારા મૃતદેહને કબજામાં લઇ વધુ તપાસ તથા ઓળખ મેળવવાના પ્રયાસો હાથ ધરવામાં આવ્યા છે. આ અંગેની વધુ તપાસ એસ.જી. કેશવાલા, (પો.સબ ઇન્સ્પેક્ટર, સીટી બી ડિવિઝન) દ્વારા ચલાવાઈ રહી છે.