ગુજરાત યુનિવર્સિટી ફાઇવ સ્ટાર હોટેલ અને મેનેજમેન્ટનો કોર્ષ શરૂ કરશે: બોર્ડની મળેલી બેઠકમાં નિર્ણય
ગુજરાત યુનિ. દ્વારા GMDCના નામે ઓળખાતા યુનિ. ગ્રાઉન્ડમાં 300 બેડની હોસ્પિટલ અને મેડિકલ કોલેજ શરૂૂ કરવાનો મહત્વનો નિર્ણય કરાયો છે. આ ઉપરાંત અંધજન મંડળ પાસે આવેલા યુનિ.ના પ્લોટમાં ફાઇવ સ્ટાર હોટલ અને તેને સંલગ્ન હોટલ મેનેજમેન્ટનો કોર્સ શરૂૂ કરવાનું પણ નક્કી કરાયું છે. અમદાવાદ મ્યુનિ. કોર્પોરેશન દ્વારા જે પ્રમાણે મેડિકલ કોલેજ ચલાવવામાં આવે છે તે મોડ પર ગુજરાત યુનિ. પણ મેડિકલ કોલેજ ચલાવશે. આજે મળેલી બોર્ડ અને એક્ઝિક્યુટિવની સંયુક્ત બેઠકમાં દરખાસ્ત રજૂ કરવામાં આવી હતી.
યુનિ.માં આજે બોર્ડ ઓફ મેનેજમેન્ટ અને એક્ઝિક્યુટિવ કાઉન્સિલની સંયુક્ત બેઠક બોલાવવામાં આવી હતી. સભ્યોના કહેવા પ્રમાણે આ માટે યુનિ. દ્વારા બજેટની ફાળવણી પણ કરી દેવામાં આવી છે. GMDC તરીકે ઓળખાતા યુનિ.ના ગાઉન્ડમાંથી 25 કે 35 ટકા જમીન પર નવી મેડિકલ કોલેજ અને 300 બેડની મેડિકલ કોલેજ શરૂૂ કરવામાં આવશે. આ કોલેજ એનએચએલ મેડિકલ કોલેજ જે પ્રમાણે ચાલે છે તે મોડ પર ચલાવવામાં આવશે.હોસ્પિટલની સાથે સાથે હેલીપેડ પણ બનાવવામાં આવશે કે જેથી ભવિષ્યમાં એર એબ્યુલન્સ લાવવા-લઇ જવાની વ્યવસ્થા પણ થઇ શકશે. એટલું જ નહીં, યુનિ.ના અંધજન મંડળ પાસે આવેલા પ્લોટમાં આગામી દિવસોમાં ફાઇવ સ્ટાર હોટેલ શરૂૂ કરવાનું પણ નક્કી કરવામાં આવ્યું છે.
આ હોટલની સાથે ઇન્સ્ટિટ્યૂટ ઓફ હોટેલ મેનેજમેન્ટ શરૂૂ કરવામાં આવશે. હોટેલ મેનેજમેન્ટના કોર્સનું સંચાલન પણ ઇન્સ્ટિટ્યૂટ દ્વારા જ કરવામાં આવશે. આજે મળેલી સંયુક્ત બેઠકમાં આ માટેની દરખાસ્ત રજૂ કરી દેવામાં આવી છે. સભ્યોના કહેવા પ્રમાણે આગામી બેઠકમાં સત્તાવાર મંજુરી આપી દેવામાં આવશે. આ ઉપરાંત રીસર્ચ પાર્ક 2નું નામ વિદ્યાગૌરી નિલકંઠ રાખવાનું પણ નક્કી કરવામાં આવ્યું હતું.
ગુજરાત યુનિ.ની હોસ્ટેલ પાસે આવેલો પ્લોટ અમદાવાદ એજ્યુકેશન સોસાયટી દ્વારા મેળવવા માટે છેલ્લા કેટલાય સમયથી પ્રયાસો કરવામાં આવી રહ્યા છે. સભ્યો કહે છે કે, આ પ્લોટની સામે યુનિ.ને પ્લોટ આપવાની સાથે સાથે હોસ્ટેલ તૈયાર કરીને આપવાની દરખાસ્ત પણ કરવામાં આવી હતી. આ મુદ્દે આજે મળેલી બેઠકમાં લાંબી ચર્ચા કરવામાં આવી હતી. જોકે, યુનિ.ને દાનમાં મળેલી જમીનનું કોઇ અન્ય હેતુ માટે હેતુફેર થઇ શકશે નહી તેવી નોંધ કરવામાં આવી છે. આ સ્થિતિમાં યુનિ. ઇચ્છે તો પણ આ જમીન એજયુકેશન સોસાયટીને આપી શકે તેમ નથી.
બીજીબાજુ સરકાર દ્વારા પણ પ્લોટ એજ્યુકેશન સોસાયટીને આપી દેવામાં આવે તે પ્રકારની ભલામણ કરવામાં આવી રહી છે. આ સ્થિતિમાં હવે આગામી દિવસોમાં સોસાયટીના વકીલ અને યુનિ.ના વકીલ બેઠક કરીને બન્ને પ્લોટ આપવા માટે કોઇ રસ્તો નીકળતો હોય તો કાઢવા માટે પ્રયાસ કરશે તેવું પણ નક્કી કરવામાં આવ્યું હતુ. ભૂતકાળમાં પણ આ પ્લોટની માંગણી કરવામાં આવી હતી પરંતુ જે તે સમયના કુલપતિએ આ પ્લોટ આપી શકાય તેમ નથી તેમ કહીને સમગ્ર મામલે પૂર્ણવિરામ મુકી દીધુ હતુ. યુનિ. સત્તાધીશો કહે છે કે આ મુદ્દે માત્ર ચર્ચા થઇ હતી. બેઠકના આ અંગેનો કોઇ એજન્ડા નહોતો.
