ગુજરાત
માર્કેટ યાર્ડ પાસે ક્વાર્ટરમાં હાર્ટએટેકથી મહિલાનું મોત
કોઠી કમ્પાઉન્ડમાં રેલવે કર્મચારીનું બેભાન હાલતમાં મોત
શહેરના જૂના માર્કેટ યાર્ડ પાસે આવેલા ક્વાર્ટરમાં રહેતી મહિલાનું હાર્ટ એટેકથી મોત નિપજતા પરિવારમાં શોકની લાગણી છવાઈ જવા પામી છે. જાણવા મળતી વિગત મુજબ જૂના માર્કેટ યાર્ડની પાછળ હુડકો ક્વાર્ટરમાં રહેતા મનીષાબેન અલ્પેશભાઈ પાટડિયા (ઉ.વ.40) નામની મહિલા પોતાના ઘરે હતી ત્યારે છાતીમાં દુખાવો ઉપડતા તેને બેભાન હાલતમાં સારવાર માટે સિવિલ હોસ્પિટલમાં ખસેડવામાં આવતા તેનું મોત નિપજ્યું હતું. હાર્ટ એટેકતી મૃત્યુ થયાનું તબીબો દ્વારા જાહેર કરવામાં આવ્યુ છે.
પ્રાથમિક તપાસમાં મહિાલને સંતાનમાં એક પુત્ર અને એક પુત્રી હોવાનું જાણવા મળ્યું છે. જ્યારે બીજા બનાવમાં કોઠી કમ્પાઉન્ડમાં રેલવે કોલોનીમાં રહેતા અને ખલાસી તરીકે નોકરી કરતા દિનેશભાઈ બચુભાઈ ચૈહાણ (ઉ.વ.59) નામના પ્રૌઢ આજે સવારે પોતાના ઘરે બેભાન થઈ જતાં સારવાર માટે હોસ્પિટલમાં ખસેડાતા તેનું મોત નિપજ્યું હતું. આ બનાવથી પરિવારમાં ગમગીની છવાઈ જવા પામી છે.