ગોંડલના ખાંડાધારની સગીરા ઉપર કૌટુંબિક ભાઇએ દુષ્કર્મ ગુજાર્યું

રાજકોટ જિલ્લાના ગોંડલ તાલુકાના ખાંડાધાર ગામેથી એક અત્યંત શરમજનક અને હચમચાવી નાખનારી ઘટના સામે આવી છે. ગામના જ એક કૌટુંબિક ભાઈએ પોતાની નાની સગીર બહેન…

રાજકોટ જિલ્લાના ગોંડલ તાલુકાના ખાંડાધાર ગામેથી એક અત્યંત શરમજનક અને હચમચાવી નાખનારી ઘટના સામે આવી છે. ગામના જ એક કૌટુંબિક ભાઈએ પોતાની નાની સગીર બહેન સમાન પવિત્ર સંબંધને લજવીને તેની સાથે દુષ્કર્મ આચર્યું હોવાની ઘટનાથી સમગ્ર પંથકમાં ભારે ચકચાર મચી જવા પામી છે. આ મામલે સગીરાના પરિવારે ગોંડલ તાલુકા પોલીસ સ્ટેશનમાં ફરિયાદ નોંધાવતા પોલીસે તાત્કાલિક ગુનો નોંધીને આરોપીની ધરપકડ કરવા માટે ચક્રો ગતિમાન કર્યા છે.

પ્રાપ્ત વિગતો અનુસાર, ખાંડાધાર ગામે રહેતી સગીરાને તેનો જ કૌટુંબિક ભાઈ મંદિરે દર્શન કરવાના બહાને પોતાની સાથે બહાર લઈ ગયો હતો. ભાઈ પરનો વિશ્વાસ રાખીને સગીરા તેની સાથે ગઈ હતી, પરંતુ આ નરાધમ ભાઈના મનમાં કંઈક અલગ જ પાપી ઇરાદો હતો. તે સગીરાને દર્શને લઈ જવાના બદલે સીધા મોરબી તરફ લઈ ગયો હતો. મોરબી નજીક આવેલા એક નિર્જન અને અવાવરુ સ્થળે પહોંચીને આ જાનવર બનેલા કૌટુંબિક ભાઈએ સગીરાની મરજી વિરુદ્ધ બળજબરીપૂર્વક તેની સાથે દુષ્કર્મ આચર્યું હતું. આટલું જ નહીં, આઘાતમાં સરી પડેલી સગીરાને ત્યાંજ એકલી અવાવરુ જગ્યાએ તરછોડીને આરોપી ઘટના સ્થળેથી નાસી છૂટ્યો હતો. બીજી બાજુ, ખાંડાધાર ગામે પોતાના ઘરેથી સગીરા અચાનક લાપતા થઈ જવાથી પરિવારજનો ચિંતામાં મુકાયા હતા અને તેની ભારે શોધખોળ શરૂૂ કરી હતી. પરિવારજનો દીકરીની ચારેય બાજુ તપાસ કરી રહ્યા હતા, તે દરમિયાન સગીરા મોરબી પાસેથી એકદમ એકલી અને ડરેલી હાલતમાં મળી આવી હતી. પરિવારજનોએ તાત્કાલિક તેને સાંત્વના આપી પૂછપરછ કરતાં સગીરાએ રડતા-રડતા પોતાની પર વીતેલી સમગ્ર આપવીતી પરિવારને જણાવી હતી.

આ અમાનવીય અને ગંભીર ઘટના સાંભળીને પરિવારના પગ નીચેથી જમીન સરકી ગઈ હતી. તાત્કાલિક સગીરાને સાથે રાખીને તેના પરિ વારજનો ગોંડલ તાલુકા પોલીસ સ્ટેશન પહોંચ્યા હતા અને સમગ્ર હકીકત જણાવી નરાધમ કૌટુંબિક ભાઈ વિરુદ્ધ કાયદેસરની ફરિયાદ નોંધાવી હતી. પોલીસે ફરિયાદના આધારે સગીરાનું અપહરણ કરી તેની પર દુષ્કર્મ ગુજારનાર આરોપી ભાઈ વિરુદ્ધ પોક્સો એક્ટ સહિતની ગંભીર કલમો હેઠળ ગુનો નોંધી દીધો છે. હાલ ગોંડલ પોલીસે સગીરાનું મેડિકલ પરીક્ષણ કરાવવાની સાથે નાસી છૂટેલા પશુવૃત્તિ ધરાવતા આરોપી ભાઈને ઝડપી પાડવા માટે જુદી-જુદી ટીમો બનાવીને સઘન શોધખોળ હાથ ધરી છે. આ ઘટનાએ ફરી એકવાર સંબંધોને શર્મસાર કર્યા છે અને સમગ્ર વિસ્તારમાં ભારે રોષની લાગણી ફેલાઈ ગઈ છે.