‘મીઠા’ના વધુ સેવનથી પ્રતિ વર્ષ 18 લાખ લોકોનાં મોત

શરીર માટે 5 ગ્રામ થી વધુ મીઠુ (સોલ્ટ)જોખમી, WHOનો આંખ ઉઘાડતો અહેવાલ

જો ભોજનમાં SALT ન હોય તો ભોજનનો સ્વાદ નહિવત બની જાય છે. આજે તમે મીઠા(SALT) વગર તમારા જીવનની કલ્પના પણ કરી શકતા નથી. મીઠું કેટલું મહત્ત્વનું છે તેની તમે કલ્પના કરી શકો છો કે ભારતમાં તેના માટે રાષ્ટ્રવ્યાપી આંદોલન પદાંડી કૂચથ અથવા મીઠાના સત્યાગ્રહ પણ થયો હતો. ત્યારે જણાવીએ કે મીઠું આપણા શરીર માટે કેટલું મહત્ત્વનું છે અને તેના કારણે દર વર્ષે કેટલા લાખ લોકો મૃત્યુ પામે છે.

બીબીસી વર્લ્ડ સર્વિસે આના પર એક કાર્યક્રમ ધ ફૂડ ચેઈન કર્યો છે. તે જણાવે છે કે મીઠું આપણા શરીર માટે કેટલું જોખમી હોઈ શકે છે. જો કે, ઘણા નિષ્ણાતો છે જેઓ કહે છે કે મીઠું(SALT) આપણા શરીર માટે ખૂબ જ મહત્ત્વપૂર્ણ છે. ઉદાહરણ તરીકે, અમેરિકાની રુટગર્સ યુનિવર્સિટીના ન્યુટ્રિશનલ સાયન્સના પ્રોફેસર પોલ બ્રેસ્લિન બીબીસી સાથે વાત કરતા કહે છે, મીઠું જીવન માટે જરૂૂરી છે.

આ એટલા માટે છે કારણ કે સક્રિય માનવ કોષો માટે મીઠુ(SALT) ખૂબ જ મહત્વપૂર્ણ છે. આ સિવાય જો આપણે પૂરતા પ્રમાણમાં સોડિયમનું સેવન ન કરીએ તો મૃત્યુ પણ થઈ શકે છે. હકીકતમાં, સોડિયમની ઉણપ હાઈપોનેટ્રેમિયા નામની બીમારીનું કારણ બની શકે છે, જે મૂંઝવણ, ઉલટી, હુમલા, ચીડિયાપણું અને કોમા જેવી ગંભીર સ્થિતિઓનું કારણ બની શકે છે.

વર્લ્ડ હેલ્થ ઓર્ગેનાઈઝેશન (ઠઇંઘ) અનુસાર, દૈનિક આહારમાં 5 ગ્રામ મીઠું(SALT) લેવું જરૂૂરી છે. 5 ગ્રામ મીઠામાં લગભગ 2 ગ્રામ સોડિયમ હોય છે, જે એક ચમચી જેટલું હોય છે. જો કે, લોકો માત્ર 5 ગ્રામ મીઠું ખાતા નથી પરંતુ તેનો બમણો ઉપયોગ કરે છે. ઠઇંઘ ના રિપોર્ટ અનુસાર, વૈશ્વિક સ્તરે લોકો દરરોજ સરેરાશ 11 ગ્રામ મીઠું ખાય છે.

જેના કારણે હ્રદય રોગ, ગેસ્ટ્રિક કેન્સર, ઓસ્ટીયોપોરોસીસ, સ્થૂળતા અને કિડનીના રોગોનું જોખમ વધી જાય છે.
દર વર્ષે મીઠાના(SALT) કારણે થતા મૃત્યુની વાત કરીએ તો, વિશ્વ આરોગ્ય સંસ્થાના અંદાજ મુજબ દર વર્ષે સમગ્ર વિશ્વમાં મીઠાના કારણે લગભગ 18.9 લાખ લોકો મૃત્યુ પામે છે. આ મૃત્યુમાં મીઠું સીધી ભૂમિકા ભજવતું નથી. ઊલટાનું, મીઠું રોગોની પ્રગતિમાં ભૂમિકા ભજવે છે જે લોકોના મૃત્યુનું કારણ બને છે. તેથી જ આરોગ્ય નિષ્ણાતો હંમેશા ભલામણ કરે છે કે મીઠાનો ઉપયોગ ઓછો કરવો જોઈએ. શુગરને લઈને પણ લોકોને આ પ્રકારની સલાહ આપવામાં આવે છે.