દર્દીઓની સુરક્ષા, ડુપ્લીકેટ દવાઓ અને કંપનીઓ દ્વારા અપાતા અસાધારણ ડિસ્કાઉન્ટ સામેના વિરોધમાં રાજકોટ કેમિસ્ટ એસો. જોડાશે: ઇમરજન્સીમાં દવાઓ મેળવવા ખાસ વ્યવસ્થા
દેશભરમાં ઓનલાઇન દવાઓા વેચાણ, ઇ-ફાર્મસી પ્લેટફોર્મ્સ દ્વારા થતી અનિયમિતતાઓ અને કોર્પોરેટ ગૃહો દ્વારા અપાતા અસાધારણ ડિસ્કાઉન્ટ સામે કેમિસ્ટોમાં ભારે રોષ જોવા મળી રહ્યો છે. દર્દીઓની સુરક્ષા, અસલી દવાઓની ઉપલબ્ધી અને સમગ્ર દવા વ્યવસાયમાં પારદર્શિતા જળવાઇ રહે તેવા મુખ્ય હેતુ સાથે આગામી 20મી મેને બુધવારના રોજ સમગ્ર ભારતના અંદાજે 12.50 કેમિસ્ટ વેપારીઓ દ્વારા એક દિવસીય બંધનું આહવાન કરવામાં આવ્યું છે. આ રાષ્ટ્રવ્યાપી આંદોલનમાં કેમિસ્ટ એસો. રાજકોટ પણ સક્રિય પણે જોડાયુ છે અને સ્થાનિક સ્તરે બંધને સફળ બનાવવા તૈયારીઓ શરૂ કરી દેવામાં આવી છે.
કેમિસ્ટ એસો. દ્વારા આરોપ લગાવવામાં આવ્યો છે કે GSR 817(E) દ્વારા ઈ-ફાર્મસી / ઓનલાઈન દવાઓના વેચાણ માટે માર્ગ મોકળો થયો, પરંતુ અનેક બિનનિયમિત પ્લેટફોર્મ દ્વારા નિયમોનું પાલન કર્યા વિના દવાઓ વેચાઈ રહી હોવાના ગંભીર પ્રશ્નો ઉભા થયા છે. તેના કારણે ડોક્ટરના યોગ્ય પ્રિસ્ક્રિપ્શન વગર દવાઓ વેચાવાનો ભય, દર્દીઓને ખોટી, સમયમર્યાદા નજીકની અથવા શંકાસ્પદ દવાઓ મળવાની શક્યતા, સ્થાનિક લાઇસન્સધારક કેમિસ્ટ પર અસમાન સ્પર્ધા, દર્દીની સલામતી અને દવા નિયંત્રણ વ્યવસ્થાને જોખમ, આથી GSR 817(E) ને પાછું ખેંચી કડક અને સમાન નિયંત્રણની માંગ કરવામાં આવે છે.
મોટા કોર્પોરેટ ગૃપ અને ઓનલાઈન પ્લેટફોર્મ દર્દીઓને આકર્ષવા માટે ભારે ડિસ્કાઉન્ટ આપે છે, જેના
કારણે નાના અને મધ્યમ કેમિસ્ટનો વ્યવસાય ખોરવાય છે, સસ્તી કિંમતના નામે ગુણવત્તા અંગે શંકા ઊભી થાય છે. ડુપ્લીકેટ દવાઓનું મોટા પાયે વેચાણ ઓનલાઇન પ્લેટફોર્મ દ્વારા થઈ રહ્યું છે. ડુપ્લીકેટ દવાઓ ના કારણે જન આરોગ્ય મોટા પાયે જોખમમાં છે. તેમજ GSR 220(E) સંબંધિત જોગવાઈઓના ગેરઉપયોગથી બિનઅધિકૃત સપ્લાય ચેઇન અને શંકાસ્પદ સ્ત્રોતોથી દવાઓના પ્રવેશ અંગે ચિંતા વ્યક્ત કરવામાં આવી છે. તેના કારણે નકલી / ડુપ્લિકેટ / મ્યુરિયસ દવાઓનું જોખમ, દર્દીઓના આરોગ્ય પર ગંભીર અસર અસલી દવા સપ્લાય સિસ્ટમ પર નકારાત્મક અસર, આથી દર્દી સુરક્ષા માટે GSR 220(E) ની સમીક્ષા / પરત ખેંચવાની માંગ છે.
આ સિવાય કોઈપણ ઈમરજન્સી મેડિસિનની જરુરીયાત ઊભી થાય તો કેમિસ્ટ એસો. અમિતભાઈ મજેઠીયા – 98243 27279, અંકિતભાઈ કાછેલા 98250 81360, ભૂપેશભાઈ તન્ના 94282 97127, પ્રતિકભાઇ ગોસ્વામી 90339 17618, હિતેષભાઇ ત્રાડા 99243 51569 સહીતનાઓને વ્યવસ્થાની જવાબદારી સોંપેલ છે.
ઇમરજન્સી દવા માટે ખુલ્લા રહેવાના મેડિકલ સ્ટોર્સની યાદી
ઈમરજન્સી માટે નીચે મુજબના મેડિકલ સ્ટોર વિસ્તાર પ્રમાણે ખુલ્લા રાખવાની વ્યવસ્થા અમારી સંસ્થા કેમિસ્ટ એસોસિએશન રાજકોટ દ્વારા કરવામાં આવેલ છે.
1-સ્ટાર સિનરજી હોસ્પિટલ ઇન્ડોર મેડિકલ મવડી મેઇન રોડ
2-ક્રાઈસ્ટ હોસ્પિટલ માધાપર ચોકડી
3-એસસીજી હોસ્પિટલ ઇન્ડોર ફાર્મસી અયોધ્યા ચોક
4-સિનરજી હોસ્પિટલ ઇન્ડોર ફાર્મસી 150 ફૂટ રીંગ રોડ
5-સ્ટર્લીંગ હોસ્પિટલ ઇન્ડોર ફાર્મસી ગાંધીગ્રામ
6-વોકાર્ડ હોસ્પિટલ ઇન્ડોર ફાર્મસી કાલાવડ રોડ
7-બી.ટી. સવાણી કિડની હોસ્પિટલ ઇન્ડોર ફાર્મસી યુનિવર્સિટી રોડ
8-કેન્સર હોસ્પિટલ નિર્મલા મેઇન રોડ
9-જી ટી શેઠ ઓર્થોપેડિક હોસ્પિટલ ઇન્ડોર ફાર્મસી
10-એચ જે દોશી હોસ્પિટલ ઇન્ડોર ફાર્મસી મવડી પ્લોટ વિસ્તાર
11-જલારામ હોસ્પિટલ પંચવટી મેઇન રોડ
12-શ્રી ગીરીરાજ હોસ્પિટલ ઇન્ડોર ફાર્મસી કાલાવડ રોડ 150 ફૂટ
13-ગોકુલમ હોસ્પિટલ ઇન્ડોર ફાર્મસી રણછોડ નગર
14-ગોકુલ હોસ્પિટલ ઇન્ડોર ફાર્મસી વિદ્યાનગર મેઇન રોડ
15-નક્ષ કિરણ હોસ્પિટલ ઇન્ડોર ફાર્મસી ગાયત્રી નગર મેઇન રોડ
