વકફ બોર્ડ સુધારા બિલ ચાલુ સત્રમાં નહીં આવે, સંસદીય સમિતિની મુદત વધારવા પ્રસ્તાવ

વકફ સુધારા બિલને લઈને છેલ્લા ત્રણ દિવસથી સંસદમાં હોબાળો ચાલી રહ્યો છે. હવે માનવામાં આવી રહ્યું છે કે આ બિલ આવતા વર્ષે બજેટ સત્રમાં રજૂ થઈ શકે છે. આ દરમિયાન કેન્દ્રીય લઘુમતી બાબતોના પ્રધાન કિરેન રિજિજુએ સંસદમાં જણાવ્યું છે કે દેશભરમાં વક્ફ બોર્ડની 58 હજારથી વધુ મિલકતો હાલમાં અતિક્રમણ હેઠળ છે.

સંસદમાં પૂછવામાં આવેલા એક પ્રશ્નના જવાબમાં, કેન્દ્રીય મંત્રીએ કહ્યું, ભારતીય વકફ પ્રોપર્ટી મેનેજમેન્ટ સિસ્ટમ (WAMSI) પર ઉપલબ્ધ ડેટા અનુસાર, 58,929 વક્ફ મિલકતો હાલમાં અતિક્રમણ માટે સંવેદનશીલ છે. તેમાંથી 869 વક્ફ મિલકતો માત્ર કર્ણાટકમાં છે.

કિરેન રિજિજુએ સંસદમાં કહ્યું, પરાજ્ય વકફ બોર્ડના મુખ્ય કાર્યકારી અધિકારી (સીઇઓ)ને વકફ મિલકતો પર ગેરકાયદે કબજો અને અતિક્રમણ વિરુદ્ધ કાનૂની કાર્યવાહી કરવાનો અધિકાર છે. નિયમો અનુસાર વકફ મિલકત વેચી શકાતી નથી. તે કોઈને ભેટ આપી શકાય નહીં. વકફ મિલકત પણ ટ્રાન્સફર કરી શકાતી નથી.

નોંધનીય છે કે બીજેપી સાંસદ નિશિકાંત દુબેએ પોતે જેપીસીનો કાર્યકાળ વધારવાનો પ્રસ્તાવ મૂક્યો છે. દુબેના જણાવ્યા અનુસાર સમિતિએ સંસદના બજેટ સત્રના પહેલા સપ્તાહમાં પોતાનો રિપોર્ટ સોંપવો જોઈએ. હવે જેપીસી અધ્યક્ષ જગદંબિકા પાલ આ પ્રસ્તાવ લોકસભા અધ્યક્ષ ઓમ બિરલાને મોકલશે. વિપક્ષી નેતાઓ, ખાસ કરીને અઈંખઈંખના વડા અસદુદ્દીન ઓવૈસીએ પણ જેપીસીની કાર્યશૈલી અને બિલની જોગવાઈઓ પર સવાલો ઉઠાવ્યા છે.

યાદ રહે કે 2013માં યુપીએ સરકાર દરમિયાન વકફ બોર્ડની સત્તામાં વધારો કરવામાં આવ્યો હતો. સામાન્ય મુસ્લિમો, ગરીબ મુસ્લિમ મહિલાઓ, છૂટાછેડા લીધેલ મુસ્લિમ મહિલાઓના બાળકો, શિયા અને બોહરા જેવા સમુદાયો લાંબા સમયથી કાયદામાં ફેરફારની માંગ કરી રહ્યા હતા. આ લોકોએ કહ્યું કે આજે વકફમાં સામાન્ય મુસ્લિમો માટે કોઈ સ્થાન નથી. જ્યારે રેવન્યુ રેકોર્ડ પર આવશે ત્યારે તેનો ઉપયોગ માત્ર મુસ્લિમો માટે જ થશે. દેશમાં હાલમાં 30 વક્ફ બોર્ડ છે. તમામ વકફ મિલકતોમાંથી દર વર્ષે રૂૂ. 200 કરોડની આવક થવાનો અંદાજ છે.

કેબિનેટે વકફ એક્ટમાં લગભગ 40 સુધારાઓને મંજૂરી આપી છે. મોદી સરકાર કોઈપણ મિલકતને વક્ફ પ્રોપર્ટી બનાવવા માટે કેબિનેટમાં વકફ બોર્ડની સત્તા પર અંકુશ લગાવવા માંગે છે. આ સુધારાઓનો હેતુ વકફ બોર્ડના કોઈપણ મિલકતને વકફ મિલકત તરીકે નિયુક્ત કરવાના અધિકારને પ્રતિબંધિત કરવાનો છે. મિલકતો પર કરવામાં આવેલા દાવાઓ વકફ બોર્ડ દ્વારા ફરજિયાતપણે ચકાસવામાં આવશે. સુધારો બિલ પસાર થયા બાદ વકફ પ્રોપર્ટીના મેનેજમેન્ટ અને ટ્રાન્સફરમાં મોટો ફેરફાર થશે.