સિગ્નલ મેસેજિંગ એપ પર હૂથી બળવાખોરો પર હુમલાની વિગતો પત્ની, ભાઈ સહિત અનેક લોકોને મોકલી: રાજીનામાની માંગ કરતા ડેમોક્રેટ્સ
હુથી વિદ્રોહીઓ પર હુમલો કરવાની યોજના ફરી એકવાર લીક થઈ ગઈ છે. યુએસ ડિફેન્સ સેક્રેટરી પીટ હેગસેથે યમનના ઈરાન સમર્થિત હુથીઓ પર માર્ચમાં થયેલા હુમલાની વિગતો આપતી યોજના લીક કરી હતી. રાષ્ટ્રપતિ ડોનાલ્ડ ટ્રમ્પના સંરક્ષણ પ્રધાન પીટ હેગસેથે સિગ્નલ મેસેજિંગ એપ પર હુથી પર હુમલો કરવાની યોજના લીક કરી છે.
પીટ હેગસેથ પર યમનના હુથી બળવાખોરો સામે યુએસ સૈન્ય હુમલા અંગેની સંવેદનશીલ માહિતી સિગ્નલ પર લીક કરવાનો આરોપ છે. આ મામલો ખૂબ જ ગંભીર છે. હેગસેથે તેની પત્ની જેનિફર રૌચેટ હેગસેથ, ભાઈ ફિલ હેગસેથ અને અંગત એટર્ની ટિમ પાર્લાટોર સહિત લગભગ એક ડઝન લોકો હાજર રહેલા એક ખાનગી સિગ્નલ જૂથમાં માહિતી શેર કરી હતી.
બીજી ચેટમાં, હેગસેથે હુમલા વિશેની વિગતો શેર કરી હતી જે ગયા મહિને ધ એટલાન્ટિક મેગેઝિને અહેવાલ આપેલી હતી, જ્યારે તેના એડિટર-ઇન-ચીફ જેફરી ગોલ્ડબર્ગને ભૂલથી સિગ્નલ એપ્લિકેશન પર અલગ ચેટમાં સામેલ કરવામાં આવ્યો હતો, જે શરમજનક ઘટના હતી જેમાં પ્રમુખ ડોનાલ્ડ ટ્રમ્પના તમામ વરિષ્ઠ રાષ્ટ્રીય સુરક્ષા અધિકારીઓ સામેલ હતા.
બીજી ચેટમાં લગભગ એક ડઝન લોકો સામેલ હતા અને વિગતવાર લશ્કરી આયોજનને બદલે વહીવટી મુદ્દાઓ પર ચર્ચા કરવા માટે તેની પુષ્ટિ પ્રક્રિયા દરમિયાન રચના કરવામાં આવી હતી, આ બાબતથી પરિચિત વ્યક્તિએ નામ ન આપવાની શરતે જણાવ્યું હતું. વ્યક્તિએ કહ્યું કે ચેટમાં હવાઈ હુમલાના સમયપત્રકની વિગતો શામેલ છે. આ ચેટ પછી સંરક્ષણ સચિવના રાજીનામાની માંગ ઉઠવા લાગી છે. પીટ હેગસેથને બરતરફ કરવાની જરૂૂર છે.
અમેરિકાનો હૂથી પર સપ્તાહમાં બીજો હુમલો: 12નાં મોત
અમેરિકાએ યમનમાં હુથી વિદ્રોહીઓ પર મોટો હવાઈ હુમલો કર્યો છે. યમનની રાજધાની સનામાં વિદ્રોહીઓને નિશાન બનાવવામાં આવ્યા છે. સોમવારે, હુથી બળવાખોરોએ અહેવાલ આપ્યો કે યુએસ હવાઈ હુમલામાં 12 લોકો માર્યા ગયા અને 30 અન્ય ઘાયલ થયા. જોકે, યુએસ આર્મીના સેન્ટ્રલ કમાન્ડે હુમલાની પુષ્ટિ કરી નથી. હુતી વિદ્રોહીઓના જણાવ્યા અનુસાર, અમેરિકાએ સનાના શુબ જિલ્લામાં ફરવા વિસ્તારના બજાર પર આ હુમલો કર્યો છે. અમેરિકી સેના આ વિસ્તારમાં પહેલા પણ હુમલા કરી ચૂકી છે. અમેરિકાએ સોમવારે આખી રાત હુમલા કર્યા હતા. યમનના અન્ય ભાગોને પણ નિશાન બનાવવામાં આવ્યા હતા. ગયા અઠવાડિયે અમેરિકાએ યમનના રાસ ઈસા ફ્યુઅલ પોર્ટ પર હવાઈ હુમલો કર્યો હતો. જેમાં 74 લોકોના મોત થયા હતા અને 171 લોકો ઘાયલ થયા હતા.