સંસદના ચોમાસુ સત્ર પહેલા, પ્રધાનમંત્રી નરેન્દ્ર મોદીએ જણાવ્યું હતું કે આ સત્ર ખૂબ જ ઐતિહાસિક છે. સરકાર આ સત્ર દરમિયાન ઘણા મુખ્ય બિલ રજૂ કરવાનો ઇરાદો ધરાવે છે. પ્રધાનમંત્રીએ વિપક્ષી પક્ષોને સકારાત્મક વલણ અપનાવવા અને ગૃહનું સુગમ સંચાલન સુનિશ્ચિત કરવા પણ અપીલ કરી. મીડિયાને સંબોધતા, પ્રધાનમંત્રીએ કહ્યું, “ચોમાસુ હોય કે ચોમાસુ સત્ર, જો બંને સક્રિય હોય, તો તે ખૂબ જ ઉત્પાદક બને છે. અને જ્યારે બંને ઉત્પાદક હોય, તો તે રાષ્ટ્રના કલ્યાણ અને તમામ જીવોના કલ્યાણ તરફ દોરી જાય છે.
તેથી, અમે પ્રાર્થના કરીએ છીએ કે ચોમાસુ સક્રિય રહે અને ચોમાસુ સત્ર ઉત્પાદક રહે. તેમણે ટકોર કરી હતી કે જ્યાં તર્ક અને તથ્યો હોય ત્યાં તોફાનની જરૂર નથી.પ્રધાનમંત્રીએ નોંધ્યું કે દેશે છેલ્લા મહિનામાં અસંખ્ય સીમાચિહ્નો હાંસલ કર્યા છે – નાગરિકોને ગર્વથી ભરી દે તેવી સિદ્ધિઓની શ્રેણી. રાષ્ટ્રીય કે આંતરરાષ્ટ્રીય સ્તરે હોય કે અવકાશમાં પણ, આ ભારત માટે ગર્વની ક્ષણો રહી છે. હવે આપણે અવકાશ ક્ષેત્ર વિશે પણ વાત કરી શકીએ છીએ. ગયા વર્ષના ચોમાસુ સત્ર પહેલા, એક ભારતીય નાગરિક આંતરરાષ્ટ્રીય અવકાશ મથક પર સવાર હતો. બે દિવસ પહેલા, ભારતના યુવાનોના નેતૃત્વ હેઠળના એક સ્ટાર્ટ-અપે એક મોટો સીમાચિહ્ન હાંસલ કર્યો – જે આજ સુધી બહુ ઓછા દેશો દ્વારા પ્રાપ્ત થયેલ સિદ્ધિ છે.
રાષ્ટ્રીય સન્માનના અપમાન નિવારણ (સુધારા) બિલ, 2026: રાષ્ટ્રીય ગીત ’વંદે માતરમ’ ને કાનૂની રક્ષણ મળશે. જન્મ અને મૃત્યુ નોંધણી (સુધારા) બિલ, 2026: નોંધણીમાં વિલંબ અને સંબંધિત દંડ સંબંધિત નિયમો કડક કરવામાં આવશે. સૂક્ષ્મ, લઘુ અને મધ્યમ ઉદ્યોગ વિકાસ (સુધારા) બિલ, 2026: ખજખઊ ને નાણાકીય રાહત આપવા અને વ્યવસાય કરવામાં સરળતા લાવવા માટે સુધારાઓ રજૂ કરવામાં આવશે. વિદેશી યોગદાન (સુધારા) બિલ, 2026: વિદેશી દાનના ઉપયોગ અંગે કડક દેખરેખ લાગુ કરવામાં આવશે. વિકાસ ભારત શિક્ષણ સ્થાપના બિલ, 2025: ઞૠઈ, અઈંઈઝઊ અને ગઈઝઊ ને બદલવા માટે એક જ નિયમનકારી સત્તા સ્થાપિત કરવામાં આવશે.
