પશ્ચિમ બંગાળમાં દાયકાઓથી કટ્ટર હરીફ રહેલા મમતા બેનર્જીના નેતૃત્વવાળી તૃણમૂલ કોંગ્રેસ (TMC) અનેCPI(M)વચ્ચે વાતચીતનો દોર શરૂૂ થયો છે. ધ ઈન્ડિયન એક્સપ્રેસમાં ચૂંટણી પંચ (EC) દ્વારા મતદાર યાદીની સ્પેશિયલ ઈન્ટેન્સિવ રિવિઝન (SIR) પ્રક્રિયા અંગે પંચની અંદર જ પડેલી તિરાડ વિશેના અહેવાલો બાદ વિપક્ષમાં ચિંતાનું વાતાવરણ સર્જાયું છે, જેના પગલે આ બંને પક્ષોએ સંપર્ક સાધ્યો છે. આ બંને પક્ષો વિપક્ષી ગઠબંધન ઈંગઉઈંઅના સ્થાપક સભ્યો છે, પરંતુ અત્યાર સુધી તેમણે કોઈ પણ પ્રકારનો ઔપચારિક સંવાદ કે સંપર્ક ટાળ્યો હતો.
સૂત્રોના જણાવ્યા અનુસાર, શુક્રવારે મમતા બેનર્જી અને ઈઙઈં(ખ)ના જનરલ સેક્રેટરી એમ. એ. બેબી વચ્ચે ફોન પર વાતચીત થઈ હતી. તેમણે ચૂંટણી પંચ, ચૂંટણી પ્રક્રિયા અને લોકશાહીની વિશ્વસનીયતાના રક્ષણ માટે વિપક્ષી પક્ષોએ એકજૂથ થઈને અભિયાન શરૂૂ કરવાની જરૂૂરિયાત અંગે ચર્ચા કરી હતી. સૂત્રોએ વધુમાં જણાવ્યું હતું કે, બેનર્જીએ વિપક્ષના નેતા રાહુલ ગાંધી સાથે પણ વાત કરી હતી અને તેમને INDIAગઠબંધનની બેઠક તાત્કાલિક બોલાવવા – શક્ય હોય તો આવતા અઠવાડિયે સોમવાર કે મંગળવારે – અનુરોધ કર્યો હતો. બેનર્જી અને બેબી વચ્ચેની આ ટેલિફોનિક વાતચીત એ ઘટનાના બે દિવસ બાદ થઈ હતી જેમાં ઈઙઈં(ખ)ના જનરલ સેક્રેટરીએ તેમને તથા INDIAગઠબંધન અને બિન-ભાજપ પક્ષોના અન્ય નેતાઓને પત્ર લખીને ચૂંટણી પંચને લગતા ઘટનાક્રમ પર ચર્ચા કરવા માટે એકજૂથ થવાની અપીલ કરી હતી. બેનર્જીએ ગુરુવારે બેબીને જવાબ આપ્યો હતો અને તેમની સાથે સહમતી દર્શાવી હતી કે ખરેખર અસાધારણ પરિસ્થિતિ સર્જાઈ છે.
બેબીએ કહ્યું કે વિપક્ષ માટે એ યોગ્ય રહેશે કે તેઓ મળે અને પરિસ્થિતિની ગંભીરતાને અનુરૂૂપ તાકીદ સાથે વિચાર-વિમર્શ કરે.CPI(M)નેતાએ કહ્યું કે લોકો લોકતંત્ર, બિનસાંપ્રદાયિકતા અને મતદાનના અધિકારના મૂલ્યોનું રક્ષણ કરવા માટે વિપક્ષ તરફ જોઈ રહ્યા છે. તેમણે લખ્યું કે પક્ષો પરસ્પર અનુકૂળ તારીખ અને સ્થળ નક્કી કરી શકે છે જ્યાં તેઓ મળીને આ અસાધારણ પરિસ્થિતિનો સામનો કેવી રીતે કરવો તે અંગે ચર્ચા કરી શકે.
સૂત્રોના જણાવ્યા અનુસાર, બેબીએ BRS, AAP, DMK,, તમિલનાડુના સત્તાધારી પક્ષ TVK, BJD અને કોકરોચ જનતા પાર્ટી જેવા INDIAગઠબંધનનો ભાગ ન હોય તેવા પક્ષોને પણ પત્ર લખ્યો હતો. જાણવા મળ્યું છે કે બેનર્જીએ બેબીને કહ્યું હતું કે INDIAગઠબંધનના પક્ષોએ તાત્કાલિક મળવું જોઈએ અને સંયુક્ત વ્યૂહરચના ઘડવી જોઈએ. પશ્ચિમ બંગાળના ભૂતપૂર્વ મુખ્યમંત્રી અને તેમનો પક્ષ છેલ્લા કેટલાક વર્ષોથી ચૂંટણી પંચ સાથે સંઘર્ષમાં રહ્યા છે.
મતદાર યાદી શુદ્ધ કરવા બદલ જ્ઞાનેશ કુમાર પદ્મ ભૂષણના હકદાર છે: બંગાળ ભાજપ અધ્યક્ષ
પશ્ચિમ બંગાળ ભાજપના અધ્યક્ષ સમિક ભટ્ટાચાર્યએ મુખ્ય ચૂંટણી કમિશનર જ્ઞાનેશ કુમારને ’પદ્મ ભૂષણ’ – જે ભારતનો ત્રીજો સર્વોચ્ચ નાગરિક પુરસ્કાર છે – આપવાની હિમાયત કરી છે. તેમણે કહ્યું કે આ ટોચના ચૂંટણી અધિકારીએ રાજ્યમાં હિંસા-મુક્ત વિધાનસભા ચૂંટણી સુનિશ્ચિત કરી હતી. તેમણે ગેરકાયદેસર બાંગ્લાદેશીઓના નામ દૂર કરીને મતદાર યાદીને “શુદ્ધ” કરવાનો શ્રેય પણ તેમને આપ્યો. ચૂંટણી પંચની કામગીરી અંગે વધી રહેલા વિવાદ વચ્ચે ભાજપ નેતાનું આ સમર્થન સામે આવ્યું છે. આ વિવાદ ત્યારે શરૂૂ થયો જ્યારે એવા અહેવાલો આવ્યા કે ’સ્પેશિયલ ઇન્ટેન્સિવ રિવિઝન’ પ્રક્રિયા દરમિયાન તેમના નામે લેવામાં આવેલા કથિત નિર્ણયો સામે બે ચૂંટણી કમિશનરોએ વાંધો ઉઠાવ્યો હતો.
