NEET-UG 2026 પુન:પરીક્ષા પહેલા ટેલિગ્રામ એપ પર સરકારના હંગામી પ્રતિબંધને પડકારતી કંપનીએ દિલ્હી હાઈકોર્ટમાં અરજી કરી છે. ટેલિગ્રામે આ નિર્ણયને પડકાર્યો હતો અને તાત્કાલિક સુનાવણીની માંગ કરી હતી, જેને હાઈકોર્ટે મંજૂર કરી હતી. મંગળવારે કેન્દ્રએ નેશનલ ટેસ્ટિંગ એજન્સીની ભલામણ પર ટેલિગ્રામ પર 24 કલાકનો પ્રતિબંધ લાદ્યો હતો.
નેશનલ ટેસ્ટિંગ એજન્સી એ દેશભરમાં મેડિકલ અભ્યાસક્રમોમાં પ્રવેશ માટે જરૂૂરી નેશનલ એન્ટ્રન્સ એલિજિબિલિટી ટેસ્ટ જેવી લાયકાત પરીક્ષાઓ યોજવા માટે જવાબદાર કેન્દ્રીય સંસ્થા છે. કેન્દ્રએ જણાવ્યું હતું કે આ હંગામી પ્રતિબંધ પરીક્ષા પહેલા પ્રશ્નપત્ર લીક અને ખોટી માહિતી ફેલાવવા અને છેતરપિંડી કરતા નેટવર્કને બંધ કરવા માટે લાદવામાં આવ્યો હતો. ટેલિગ્રામને 30 જૂન સુધીમાં તેની મેસેજ એડિટિંગ સુવિધાને બંધ કરવા માટે પણ કહેવામાં આવ્યું હતું.
NTA એ દાવો કર્યો હતો કે ’પેપર લીક’ ના પુરાવા આ સુવિધાનો દુરુપયોગ કરીને, સંદેશાઓ સંપાદિત કરીને અને પરીક્ષા પછી પ્રશ્નપત્રો અપલોડ કરીને સમયરેખા જાળવી રાખીને બનાવવામાં આવ્યા હતા. NTA એ જણાવ્યું હતું કે પ્રશ્નો લીક કરતી ગેંગનો સામનો કરવા અને પરીક્ષા પાસ કરવા ઇચ્છુક મેડિકલ વિદ્યાર્થીઓને લાખો રૂૂપિયામાં પ્રી-સોલ્વ કરેલા પ્રશ્નપત્રો પૂરા પાડવા માટે બંને પગલાં લેવાની ભલામણ કરવામાં આવી હતી.
ગૂગલ અને એપલે તેને તેમના મોબાઇલ એપ્લિકેશન સ્ટોર્સમાંથી દૂર કરી દીધો છે.ટેલિગ્રામના CEO પાવેલ દુરોવે આ નિર્ણયની સખત ટીકા કરી હતી, દલીલ કરી હતી કે તે “મૂળભૂત સમસ્યાને સંબોધ્યા વિના લાખો સામાન્ય વપરાશકર્તાઓને અસર કરે છે. આ 150 મિલિયનથી વધુ સામાન્ય ભારતીય વપરાશકર્તાઓને સજા કરી રહ્યું છે.” જ્યારે ઘણા વિદ્યાર્થી સંગઠનો અને વાલીઓ સુરક્ષા પગલાંનું સ્વાગત કરી રહ્યા છે, ત્યારે કેટલાક કહે છે કે ટઙગ દ્વારા બાયપાસ થવાની શક્યતાને કારણે અસર મર્યાદિત રહેશે.
