મનોરંજન
સસ્પેન્સથી ભરપૂર કાજલ, કૃતિની ‘દો પત્તી’નું ટે્રલર રિલીઝ
કાજોલ, કૃતિ સેનન અને શાહિર શેખ સ્ટારર ફિલ્મ દો પત્તીનું ટ્રેલર રિલીઝ થઈ ગયું છે. 2014માં પોતાની ફિલ્મી કરિયરની શરૂૂઆત કરનાર નેશનલ એવોર્ડ વિનિંગ અભિનેત્રી કૃતિ સેનન દો પત્તીથી નિર્માતા તરીકે ડેબ્યૂ કરી રહી છે અને આ સાથે ટીવી એક્ટર શાહીર શેખ ટીવી પર દેખાતા બોલિવૂડમાં ડેબ્યૂ કરી રહ્યો છે.
અભિનેત્રી નિર્માતા તરીકે તેની પ્રથમ ફિલ્મની રજૂઆત માટે તૈયારી કરી રહી છે. ટીવી હાર્ટથ્રોબ શાહીર શેખ દો પત્તી નામની આ ફિલ્મથી બોલિવૂડમાં ડેબ્યૂ કરી રહ્યો છે. હાલમાં જ દો પત્તીનું ટીઝર રિલીઝ થયું હતું. જે ખૂબ જ પસંદ કરવામાં આવ્યું હતું. હવે આ ફિલ્મનું ટ્રેલર પણ રિલીઝ થઈ ગયું છે. આ ફિલ્મના દિગ્દર્શક શશાંક ચતુર્વેદી છે. આ ફિલ્મમાં કાજોલ પોલીસ ઈન્સ્પેક્ટરના રોલમાં જોવા મળશે. આ પહેલીવાર છે જ્યારે કાજોલ પોલીસની ભૂમિકા ભજવી રહી છે. કૃતિ સેનન આ ફિલ્મમાં ડબલ રોલમાં જોવા મળશે, જ્યારે શાહિર શેખ બે જોડિયા બહેનો વચ્ચે ફસાયેલા વ્યક્તિની ભૂમિકા ભજવશે. નેટફ્લિક્સ થ્રિલરનું નિર્માણ કનિકા ઢિલ્લોનની કથા પિક્ચર્સ અને કૃતિ સેનનની બ્લુ બટરફ્લાય ફિલ્મ્સ દ્વારા કરવામાં આવ્યું છે.