મુંબઈ એન્ટી ટેરરિઝમ સ્ક્વોડે માહિમ વિસ્તારમાંથી 33 વર્ષીય મોહમ્મદ હસન અબૂ સરમદ અખ્તરની ધરપકડ કરી છે. તેના પર આતંકવાદી સંગઠન જૈશ-એ-મોહમ્મદ સાથે જોડાયેલા હોવાનો આરોપ છે. આરોપી બિહારનો રહેવાસી છે અને મુંબઈમાં રેપિડો ડ્રાઇવર હતો.
અઝજ મુજબ, આરોપીના મોબાઇલ ફોનની તપાસમાં ઉશ્કેરણીજનક પોસ્ટ્સ અને જૈશ-એ-મોહમ્મદના સ્થાપક મસૂદ અઝહરના ઑડિયો ક્લિપ્સ મળી આવ્યા છે. તપાસ એજન્સી તેના સોશિયલ મીડિયા અકાઉન્ટ અને એક ટેલિગ્રામ ગ્રુપ સાથે જોડાયેલી પ્રવૃત્તિઓની પણ તપાસ કરી રહી છે.
અધિકારીઓના જણાવ્યા અનુસાર, આરોપીની સોશિયલ મીડિયા પ્રવૃત્તિઓ અને એક ટેલિગ્રામ ગ્રુપ સાથે જોડાયેલી કડીઓના આધારે મામલો સામે આવ્યો. પોલીસનો આરોપ છે કે તે સોશિયલ મીડિયા પર જૈશ-એ-મોહમ્મદને પ્રોત્સાહન આપતી સામગ્રી પોસ્ટ કરતો હતો.અઝજ એ પણ તપાસ કરી રહી છે કે આરોપીના પાકિસ્તાની ગુપ્તચર એજન્ટો સાથે સંપર્ક હતા કે નહીં. મામલાની તપાસ મુંબઈ અઝજની કાલાચૌકી યુનિટ કરી રહી છે.
અહેવાલ મુજબ, આરોપી બિહારનો રહેવાસી છે અને લગભગ 10 વર્ષથી મુંબઈમાં રહેતો હતો. તે માહિમ વિસ્તારમાં બાબા ફલૂદાની નજીક પરફ્યુમ વેચતો હતો. આ ઉપરાંત, તે રેપિડો ડ્રાઇવર તરીકે પણ કામ કરતો હતો. મુંબઈ અઝજની કાલાચૌકી યુનિટે આરોપી વિરુદ્ધ ભારતીય ન્યાય સંહિતા (BNS)ની કલમ 196(1) હેઠળ કેસ નોંધ્યો છે. આ કલમ ધર્મ, ભાષા અથવા અન્ય આધાર પર અલગ-અલગ જૂથો વચ્ચે દુશ્મની વધારવા અને સામાજિક સૌહાર્દ બગાડવા સાથે સંકળાયેલા મામલાઓમાં લાગુ પડે છે.
