અંતર મુજબ ચાર્જ સાથે જીએસટી વસુલાશે, વિદ્યાર્થીઓને 10% ડિસ્કાઉન્ટ
જો તમે પણ ખાનગી કુરિયર કંપનીઓને બદલે ભારતીય પોસ્ટલ સર્વિસનો ઉપયોગ કરનારામાંના એક છો તો આ સમાચાર તમને લાગુ પડી શકે છે. કેમ કે ભારતીય પોસ્ટલ વિભાગે સ્પીડ પોસ્ટ દ્વારા દસ્તાવેજ મોકલવા માટેના ચાર્જમાં ફેરફારની ઘોષણા કરી છે. નવા દરો બુધવાર એટલે કે 1 ઓક્ટોબરથી લાગુ પડશે. તેની હેઠળ હવે તમારે પહેલાથી વધુ કિંમત ચૂકવવી પડશે.
તેની સાથે જ પોસ્ટ વિભાગે કેટલાક ફીચર્સ પણ જોડ્યા છે. તેમાં ઓટીપી આધારિત ડિલીવરી, રિયલ ટાઇમ ટ્રેકીંગ અને ઓનલાઇન બુકીંગ પણ સામેલ છે. નવા ઇનલેન્ડ સ્પીડ પોસ્ટ કાલથી અમલમાં આવશે. સ્થાનિક વિસ્તારોમાં, 50 ગ્રામ સુધીના સ્પીડ પોસ્ટ માટે નવો ચાર્જ રૂૂ. 19 હશે. 50થી 250 ગ્રામ વજનની વસ્તુઓ માટે રૂૂ. 24 અને 250થી 500 ગ્રામથી વધુ વજનની વસ્તુઓ માટે રૂૂ. 28 વસૂલવામાં આવશે.
અંતરમાં વધારો થતાં ચાર્જ વધશે. 200 કિમીથી 2000 કિમી સુધીના અંતર માટે, 50 ગ્રામ સુધીના માલ માટે ચાર્જ રૂૂ. 47 રહેશે. 51થી 250 ગ્રામ વજનના માલ માટે, ચાર્જ રૂૂ. 59થી રૂૂ. 77 રહેશે. 251થી 500 ગ્રામ વજનના માલ માટે, ચાર્જ રૂૂ. 70 થી રૂૂ. 90 રહેશે. ગુડ્સ એન્ડ સર્વિસ ટેક્સ (GST) પણ લાગુ પડશે.
વિદ્યાર્થીઓ માટે સ્પીડ પોસ્ટ સેવાઓની સુલભતા વધારવા માટે, સ્પીડ પોસ્ટ ચાર્જ પર 10% ડિસ્કાઉન્ટ રજૂ કરવામાં આવ્યું છે. ગ્રાહકો નોંધણી સેવા દ્વારા સ્પીડ પોસ્ટ ડિલિવરી પણ મોકલી શકે છે. આ સેવા દસ્તાવેજો અને પાર્સલ બંનેને સુરક્ષિત રીતે પ્રાપ્તકર્તાને મોકલવાની મંજૂરી આપે છે. આ સેવા ફક્ત પ્રાપ્તિકર્તા અથવા પ્રાપ્તિકર્તા દ્વારા અધિકૃત વ્યક્તિને વસ્તુઓ પહોંચાડશે. સ્પીડ પોસ્ટ આઇટમ દીઠ રૂૂ. 5 ફી વત્તા જીએસટી વસૂલવામાં આવશે. તેવી જ રીતે, વન-ટાઇમ પાસવર્ડ ડિલિવરી સેવા પર પણ સ્પીડ પોસ્ટ આઇટમ દીઠ રૂૂ. 5 ફી વત્તા જીએસટી લાગશે.