દક્ષિણ કોરિયાના રાષ્ટ્રપતિ લી જે-મ્યુંગ હાલમાં ભારતની મુલાકાતે છે. આજે રાષ્ટ્રપતિ ભવનના પ્રાંગણમાં તેમનું ઔપચારિક સ્વાગત કરવામાં આવ્યું. રાષ્ટ્રપતિ દ્રૌપદી મુર્મુ અને વડા પ્રધાન નરેન્દ્ર મોદીએ દક્ષિણ કોરિયાથી આવેલા રાજ્ય મહેમાનોનું ઉષ્માભર્યું સ્વાગત કર્યું. વધુમાં, રાષ્ટ્રપતિ લીએ મહાત્મા ગાંધીને શ્રદ્ધાંજલિ આપવા માટે રાજઘાટની મુલાકાત લીધી હતી. રાષ્ટ્રપતિ લીની સાથે દક્ષિણ કોરિયાના પ્રથમ મહિલા કિમ હીઆ-ક્યુંગ પણ છે.
રાષ્ટ્રપતિ લી આજે વડા પ્રધાન મોદી સાથે દ્વિપક્ષીય મુલાકાત પણ કરવાના છે. બંને નેતાઓ વિવિધ ક્ષેત્રોમાં દ્વિપક્ષીય સહયોગને મજબૂત બનાવવા અંગે ચર્ચા કરશે. આમાં જહાજ નિર્માણ, વેપાર, રોકાણ, અઈં અને સેમિક્ધડક્ટરનો સમાવેશ થાય છે. તેઓ મહત્વપૂર્ણ અને ઉભરતી ટેકનોલોજી, લોકો-થી-લોકોના સંબંધો અને સાંસ્કૃતિક આદાન-પ્રદાન પર પણ ચર્ચા કરશે. પ્રધાનમંત્રી મોદી આજે બપોરે મુલાકાતી નેતાના માનમાં ભોજન સમારંભનું પણ આયોજન કરશે. રાષ્ટ્રપતિ લી રાષ્ટ્રપતિ દ્રૌપદી મુર્મુ સાથે પણ વાતચીત કરશે. રાષ્ટ્રપતિ ભવનમાં ભોજન સમારંભનું પણ આયોજન કરવામાં આવશે.