વડોદરાથી ટ્રેનિંગમાં આવેલા પીએસઆઇનું જૂનાગઢમાં હાર્ટ એટેકથી મૃત્યુ થતા પોલીસ બેડામાં ગમગીની છવાઈ ગઈ હતી. વડોદરાના જેપી નગર પોલીસ સ્ટેશનના પીએસઆઇ વિનોદભાઈ વીરસીંગભાઇ ચૌધરી ઉં. વ. 53 છેલ્લા બે મહિનાથી જુનાગઢ પોલીસ તાલીમ મહાવિદ્યાલય ખાતે ટ્રેનિંગમાં આવ્યા હતા.
શુક્રવારની વહેલી સવારે પીટીસીની બેરેક નંબર 02 રૂૂમમાં ઓચિંતા જ હાર્ટ એટેક આવતા તેઓ પડી ગયા હતા અને માથાના ભાગે ગંભીર ઈજા થતાં તાત્કાલિક તેઓને સારવાર માટે ખસેડવામાં આવ્યા હતા. પરંતુ તબીબે પીએસઆઇ વી. વી. ચૌધરીને મૃત જાહેર કરતા પોલીસ બેડામાં શોકનું મોજુ ફરી વળ્યું હતું. ઘટના અંગે એડવિઝન પોલીસે પીટીસીના પીએસઆઇ જે. જી. ચૌધરીનું નિવેદન લઈ આગળની કાર્યવાહી કરી હતી.
