IPL 2025ના રોમાંચક વાતાવરણ વચ્ચે ક્રિકેટ જગતમાં એક ચોંકાવનારી ઘટના જોવા મળી છે. ક્રિકેટના મેદાન પર ખેલાડીઓ વચ્ચે સામાન્ય રીતે ગરમાગરમીનું વાતાવરણ જોવા મળે છે. ક્યારેક ચર્ચા ખૂબ ગરમ થઈ જાય છે. પરંતુ બાંગ્લાદેશમાં આવી એક ઘટના બની, જેમાં બે ખેલાડીઓ વચ્ચે ધક્કો મારવાની ઘટના બની અને તેના કારણે ઝઘડો પણ થયો. આ જોઈને અમ્પાયર વચ્ચે પડ્યા હતા અને મામલો શાંત પડ્યો હતો.
વાસ્તવમાં, આ ઘટના ઢાકાના શેર-એ-બાંગ્લા નેશનલ સ્ટેડિયમમાં દક્ષિણ આફ્રિકા ઈમર્જિંગ અને બાંગ્લાદેશ ઈમર્જિંગ વચ્ચે રમાઈ રહેલી બીજી બિનસત્તાવાર ટેસ્ટ મેચ દરમિયાન બની હતી. રમતના બીજા દિવસે, દક્ષિણ આફ્રિકાના ખેલાડી ત્શેપો ન્ટુલી અને બાંગ્લાદેશના રિપન મંડલ વચ્ચે ઉગ્ર દલીલ થઈ, બંને ખેલાડીઓ એકબીજાને ધક્કો મારતા જોવા મળ્યા. મામલો મારપીટ સુધી પહોંચી ગયો અને બાંગ્લાદેશના રિપન મંડલે બેટથી મારવાનો પ્રયાસ પણ કર્યો, ત્યારબાદ અમ્પાયર અમ્પાયર વચ્ચે પડ્યા. મેચ અધિકારીઓએ હજુ સુધી કોઈ તાત્કાલિક પગલા લીધા નથી, પ્રોટોકોલ મુજબ મેદાન પરના અમ્પાયરોએ કોઈપણ સજાની જાહેરાત કરતા પહેલા સત્તાવાર રિપોર્ટ સબમિટ કરવાનો હોય છે. એક અહેવાલ મુજબ, મેચ રેફરી આ ઘટનાની જાણ BCB અને CSA બંનેને કરશે, જેમના તરફથી પગલા લેવાની અપેક્ષા છે.