ચાહકોનો ક્રેઝ જોતા છ દિવસ વહેલી રિલીઝ કરવામાં આવશે
એપ્રિલ ટૂંક સમયમાં પૂરો થવાનો છે. આવનારો મે મહિનો દેશમાં હોલીવુડની લહેર લાવવાનો છે. મે મહિનામાં ઘણી હોલીવુડ ફિલ્મો રિલીઝ થઈ રહી છે. અને આમાંની એક એવી ફિલ્મ છે, જેની ખૂબ જ ઉત્સુકતાથી રાહ જોવાઈ રહી છે. આ ફિલ્મનું નામ મિશન ઇમ્પોસિબલ – ધ ફાઇનલ રેકનિંગ છે. ફિલ્મ પ્રત્યે લોકોનો ક્રેઝ એટલો બધો છે કે નિર્માતાઓએ એક મોટો નિર્ણય લીધો છે. કે ફિલ્મ રિલીઝ તારીખ પહેલા સિનેમાઘરોમાં રિલીઝ કરવામાં આવશે.
આ ફિલ્મ ભારતમાં 17 મેના રોજ રિલીઝ થવા જઈ રહી છે. તે ભારતમાં હિન્દી, અંગ્રેજી, તમિલ અને તેલુગુમાં રિલીઝ થવાનું હતું. ફિલ્મ વિવેચક તરણ આદર્શની ટ્વિટર પોસ્ટ અનુસાર, ચાહકોની બમ્પર ડિમાન્ડને ધ્યાનમાં રાખીને, નિર્માતાઓ આ ફિલ્મને ખઈં ચાહકો માટે છ દિવસ વહેલા રિલીઝ કરવા જઈ રહ્યા છે. હવે આ ફિલ્મ 6 દિવસ વહેલા એટલે કે 17 મેના રોજ રિલીઝ થશે.
વધુ આશ્ચર્યજનક વાત એ છે કે નિર્માતાઓએ આ નિર્ણય ફક્ત ભારતીય ચાહકો માટે લીધો છે. એનો અર્થ એ થયો કે ફક્ત ભારતમાં જ, મિશન ઇમ્પોસિબલ – ધ ફાઇનલ રેકનિંગ તેના વૈશ્વિક રિલીઝના 6 દિવસ પહેલા રિલીઝ થઈ રહી છે. ભારતના ચાહકો માટે આ ખૂબ મોટી વાત છે. 1996માં આવેલી મિશન: ઇમ્પોસિબલ ફ્રેન્ચાઇઝીની શરૂૂઆતથી જ ટોમ ક્રૂઝે એથન હન્ટની ભૂમિકા ભજવી છે. આ પછી, ટોમ ક્રૂઝે પમિશન ઇમ્પોસિબલ 2થ (2000), મિશન ઇમ્પોસિબલ III (2006), મિશન ઇમ્પોસિબલ – ઘોસ્ટ પ્રોટોકોલ (2011), મિશન ઇમ્પોસિબલ – રોગ નેશન (2015), મિશન ઇમ્પોસિબલ – ફોલઆઉટ (2018) અને મિશન ઇમ્પોસિબલ – ડેડ રેકનિંગ (2023) જેવી સફળ સિક્વલ બનાવી છે.