Sports
મેન્સ T20 ઇમર્જિંગ ટીમ એશિયા કપનું નેતૃત્વ કરશે તિલક વર્મા
ક્રિકેટ બોર્ડે ઓમાનમાં આયોજિત મેન્સ T20 ઇમર્જિંગ ટીમ એશિયા કપ માટે ભારત અ ટીમની જાહેરાત કરી છે. વન-ડે અને ટેસ્ટ-કેપ્ટન રોહિત શર્માના નજીકના અને મુંબઈ ઇન્ડિયન્સના પ્લેયર તિલક વર્માને અ ટીમનો કેપ્ટન બનાવવામાં આવ્યો છે.
યુવા ઓપનર અભિષેક શર્મા સતત બીજી વાર આ ટુર્નામેન્ટ રમશે. છેલ્લી વખત ભારત યશ ધુલની કપ્તાનીમાં આ ટુર્નામેન્ટમાં રમ્યું હતું, જ્યાં ફાઇનલમાં પાકિસ્તાન સામે હાર્યું હતું.
18થી 27 ઑક્ટોબર વચ્ચે આયોજિત આ ટુર્નામેન્ટમાં 8 ટીમ રમશે. ઇમર્જિંગ એશિયા કપ એશિયાના યુવા અને વિકાસશીલ ખેલાડીઓ માટેની ક્રિકેટ ટુર્નામેન્ટ છે. એનું આયોજન એશિયન ક્રિકેટ કાઉન્સિલ દ્વારા કરવામાં આવે છે.