ગાલે ટેસ્ટની અંતિમ ઇનિંગ્સમાં ભારતે શ્રીલંકા સામે 372 રનનો મોટો લક્ષ્યાંક મૂક્યો હતો. જોકે, લક્ષ્યાંકનો પીછો કરવા ઉતરેલી શ્રીલંકાની શરૂૂઆત જ ખરાબ રહી અને માનવ સુથારે નવા બોલથી યજમાન ટીમને શરૂૂઆતમાં જ મોટો ઝટકો આપ્યો.
શ્રીલંકાના અનુભવી બેટ્સમેન દિનેશ ચંદીમલને ફિલ્ડિંગ દરમિયાન ઈજા થતાં હોસ્પિટલમાં લઈ જવામાં આવ્યો હતો. ત્યારબાદ પાસિંદુ સૂર્યબંદરાને કોન્કશન સબસ્ટિટ્યુટ તરીકે ટેસ્ટ ડેબ્યૂ કરવાની તક મળી હતી. જોકે, સૂર્યબંદરાની ટેસ્ટ કારકિર્દીની શરૂૂઆત યાદગાર રહી નહીં. માનવ સુથારની ઓવરના પહેલા જ બોલે તેણે બેકફૂટ પર રમવાનો પ્રયાસ કર્યો, પરંતુ બોલ અંદર આવતા તેના પેડ સાથે અથડાયો.
અમ્પાયરે શરૂૂઆતમાં અપીલ નકારી હતી, પરંતુ કેપ્ટન શુભમન ગિલે ડીઆરએસ લીધો. રિપ્લેમાં બોલ સ્ટમ્પને અથડાતો હોવાનું સ્પષ્ટ થતાં ત્રીજા અમ્પાયરે સૂર્યબંદરાને એલબીડબલ્યુ આઉટ જાહેર કર્યો. આમ, તે ગોલ્ડન ડક પર પેવેલિયન પરત ફર્યો. આ વિકેટ સાથે માનવ સુથારે 32 વર્ષ જૂના રેકોર્ડની બરાબરી કરી. ટેસ્ટ ડેબ્યૂ કરનાર બેટ્સમેનને ગોલ્ડન ડક પર આઉટ કરનાર તે બીજો ભારતીય બોલર બન્યો. 1994માં અનિલ કુંબલેએ વેસ્ટ ઈન્ડિઝના ડેબ્યૂ કરનાર કેમેરોન કફીને તેના પહેલા જ બોલે ગોલ્ડન ડક પર આઉટ કર્યો હતો. હવે સુથારે આ ખાસ સિદ્ધિનું પુનરાવર્તન કર્યું છે.
