ગઢડાના બોટાદ રોડ પર સીએનજી પમ્પ નજીક મોડી રાત્રે એક ગમખ્વાર અકસ્માત સર્જાયો હતો. એક અજાણ્યા ફોરવ્હીલર ચાલકે બાઈકને અડફેટે લેતા બાઈક ચાલક યુવકનું ઘટનાસ્થળે જ મોત નીપજ્યું હતું, જ્યારે અન્ય એક યુવક ગંભીર રીતે ઘાયલ થયો હતો.
મૃતક યુવકની ઓળખ ગઢડાના ભટ્ટી આસીમ યુનુસભાઈ તરીકે થઈ છે. જ્યારે બાઈક પર સવાર અન્ય યુવક સલમાન પઠાણને ગંભીર ઈજાઓ થતાં તેને વધુ સારવાર માટે ભાવનગર ખસેડવામાં આવ્યો છે. અકસ્માત સર્જ્યા બાદ ફોરવ્હીલર ચાલક વાહન સાથે ઘટનાસ્થળેથી ફરાર થઈ ગયો હતો. પોલીસે મૃતદેહને પોસ્ટમોર્ટમ માટે હોસ્પિટલ ખસેડ્યો છે.
ગઢડા પોલીસે ઘટનાસ્થળે અને હોસ્પિટલ પહોંચીને આ મામલે તપાસ હાથ ધરી છે. પોલીસ ફોરવ્હીલર ચાલક કોણ હતો અને ક્યાંનો હતો તે દિશામાં વધુ તપાસ કરી રહી છે.