યુ.એસ. ઓપનમાં ભારતના યુકી ભાંબરી સેમિ ફાઇનલમાં

યુએસ ઓપન ટેનિસ માં ભારતના યુકી ભાંબરીએ સેમિ ફાઇનલમાં પ્રવેશ મેળવીને તરખાટ મચાવી દીધો છે. તેણે મેન્સ ડબલ્સમાં ન્યૂ ઝીલેન્ડના માઇકલ વીનસ સાથેની જોડીમાં નિકોલા મેટિચ તથા રાજીવ રામની જોડીને 6-3, 6-8, 6-3થી પરાજિત કરી હતી. ભાંબરી પહેલી જ વખત ગ્રેન્ડ સ્લેમની સેમિમાં પહોંચવામાં સફળ થયો છે. તે ભૂતપૂર્વ જુનિયર વર્લ્ડ નંબર-વન છે.

સિંગલ્સમાં પુરુષોના વર્ગમાં ફેલિક્સ ઑગર-ઍલિયાસિમે ચાર કલાક, 10 મિનિટ સુધી ચાલેલી ક્વોર્ટર ફાઇનલ મેચમાં ઍલેક્સ દ મિનોરને 4-6, 9-7, 7-5, 7-4થી હરાવીને ફરી એકવાર આ જ સ્પર્ધાની સેમિ ફાઇનમાં એન્ટ્રી કરી હતી. કેનેડાનો ફેલિક્સ સેમિમાં વર્લ્ડ નંબર-વન યાનિક સિનર સામે રમશે. સિનરે ક્વોર્ટર ફાઇનલમાં લોરેન્ઝો મુસેટીને 6-1, 6-4, 6-2થી પરાજિત કરીને સેમિમાં લાગલગાટ બીજા વર્ષે યુએસ ઓપનની સેમિમાં પ્રવેશ કર્યો છે. તે ગયા વર્ષે ટાઇટલ જીત્યો હતો આ વખતે પણ જીતવા માટે ફેવરિટ છે.