ભારતીય અંડર-18 પુરુષોની હોકી ટીમે અંડર-18 એશિયા કપ 2026 ના રોમાંચક અને હાઈ-વોલ્ટેજ સેમિફાઈનલ મુકાબલામાં કટ્ટર હરીફ પાકિસ્તાનને 5-3 થી હરાવ્યું હતું. ગઇકાલે રમાયેલી આ મેચમાં ભારત છેલ્લા ક્વાર્ટર સુધી 2-3 થી પાછળ હતું, પરંતુ અંતિમ મિનિટોમાં ભારતીય ફોરવર્ડ લાઈને આક્રમક રમત દર્શાવી પાકિસ્તાની ડિફેન્સને સંપૂર્ણપણે તોડી નાખ્યું. આ શાનદાર જીત સાથે, ભારતે ટુર્નામેન્ટની ફાઈનલમાં પોતાનું સ્થાન સુરક્ષિત કરી લીધું.
મેચ સાવધાનીપૂર્વક અને રક્ષણાત્મક રીતે શરૂૂ થઈ, બંને ટીમો મિડફિલ્ડને નિયંત્રિત કરવામાં સંઘર્ષ કરી રહી હતી. ભારતને પહેલી સફળતા 12મી મિનિટમાં મળી જ્યારે તેમના જ હાફમાંથી એક શાનદાર ચાલને કારણે પાકિસ્તાની ડિફેન્ડર્સે ભૂલ કરી, જેના કારણે ભારતને પેનલ્ટી સ્ટ્રોક મળ્યો. ફોરવર્ડ આશિષ તાની પૂર્ટીએ કોઈ ભૂલ ન કરી અને બોલને નેટમાં નાખીને ભારતને શરૂૂઆતમાં 1-0ની લીડ અપાવી.પરંતુ બીજા ક્વાર્ટરમાં પાકિસ્તાને વાપસી કરી.
16 મી મિનિટે, ભારતીય ગોલકીપર આયુષ રજક અને ડિફેન્ડર અંશ બહુત્રાએ પેનલ્ટી કોર્નરથી અહેમદ ઉઝૈરના શક્તિશાળી ડ્રેગફ્લિકને બ્લોક કરી દીધો. જોકે, 27 મી મિનિટે અદીલે ભારતીય પાસને અટકાવીને ફિલ્ડ ગોલ કરીને મેચ 1-1 ની બરાબરી પર લાવી દીધી.હાફ ટાઈમ પછી રમતની ગતિ ઝડપી થઈ. 35 મી મિનિટમાં, શાહરુખ અલીએ પાસિંગ પ્લેનો લાભ ઉઠાવીને શાનદાર ગોલ કરીને ભારતને 2-1ની લીડ અપાવી. પરંતુ ભારતની આ ખુશી ક્ષણભર જ રહી. પાકિસ્તાનના મુહમ્મદ ફરહાન અસલમે બે મિનિટ પછી 37 મી મિનિટે ફિલ્ડ ગોલ કરીને સ્કોર 2-2 પર કર્યો.
ત્યારબાદ, 42 મી મિનિટે ઉઝૈર અહેમદ કુરેશીએ પેનલ્ટી કોર્નરને સચોટ ડ્રેગફ્લિક સાથે ગોલમાં રૂૂપાંતરિત કરીને પાકિસ્તાનને મેચમાં પહેલી વાર 3-2 ની લીડ અપાવી. ચોથા અને અંતિમ ક્વાર્ટરમાં, ભારતીય ટીમ બહાર થવાના ભયમાં હતી, ત્યારબાદ છોકરાઓએ કરો યા મરો જેવી રમત બતાવી અને આક્રમક ગેમ શરૂૂ કરી. 46મી મિનિટે પાકિસ્તાનના મુઝમ્મિલ સઈદને ગ્રીન કાર્ડ મળ્યું, અને ભારતે તેનો ફાયદો ઉઠાવતા સતત પેનલ્ટી કોર્નર મેળવ્યા.
આશિષે 49મી મિનિટે શાનદાર ડ્રેગફ્લિક સાથે ગોલ કરીને ભારતને 3-3 થી ડ્રો અપાવ્યો. 53મી મિનિટે, આશિષે બીજા પેનલ્ટી કોર્નરને ગોલમાં રૂૂપાંતરિત કરીને ન માત્ર તેની હેટ્રિક પૂર્ણ કરી, પણ ભારતને 4-3 ની લીડ પણ અપાવી. મેચ પૂરી થવાના ચાર મિનિટ પહેલા ભારતને બીજો પેનલ્ટી કોર્નર મળ્યો અને મેચના હીરો આશિષે 56મી મિનિટે પોતાનો ચોથો ગોલ કરીને પાકિસ્તાનના કોઈપણ સંભવિત કમબેકના ચાન્સને પોરો કરી દીધો અને સ્કોર 5-3 પર કરી દીધો. ભારતીય અંડર-18 ટીમ આજે બપોરે 3:30 વાગ્યે ફાઈનલમાં જાપાન સામે ટકરાશે.
