GST કાઉન્સિલની બેઠકનો પ્રારંભ: રાહતો ઉપર નજર

પાંચ અને અઢાર ટકાના સ્લેબને ઔપચારિક મંજૂરી મળશે

નાણામંત્રી નિર્મલા સીતારમણની અધ્યક્ષતામાં GST કાઉન્સિલની બે દિવસીય બેઠક આજથી શરૂ થઇ છે. આ બેઠકમાં, ટેક્સ સ્લેબમાં ફેરફાર અંગે નિર્ણય લઈ શકાય છે. આ બેઠક એવા સમયે થઈ રહી છે જ્યારે કેન્દ્ર સરકાર ઓક્ટોબરની શરૂૂઆતમાં ગુડ્સ એન્ડ સર્વિસ ટેક્સ (GST ) સિસ્ટમ હેઠળ નવા સુધારા લાગુ કરવાની સમયમર્યાદા નજીક આવી રહી છે.

આ GST કાઉન્સિલની 56મી બેઠક હશે, જે આજે સવારે 11 વાગ્યે શરૂૂ થશે. આ બેઠક નવી દિલ્હીમાં યોજાશે અને નવી દિલ્હીમાં યોજાતી GST કાઉન્સિલની બેઠક સામાન્ય રીતે વિજ્ઞાન ભવનમાં યોજાય છે. આ બેઠક આવતીકાલે 4 સપ્ટેમ્બરે પૂર્ણ થશે.GST કાઉન્સિલ GST માળખા હેઠળ કર દરો, મુક્તિઓ અને પાલનના પગલાં અંગે નિર્ણયો લેવા માટે જવાબદાર છે.

હાલના GST સ્લેબમાં ફેરફાર 56મી GST કાઉન્સિલની બેઠકમાં કરવામાં આવનારી સૌથી મોટી જાહેરાત હોઈ શકે છે. કાઉન્સિલ 12 ટકા અને 28 ટકા GST સ્લેબને સંપૂર્ણપણે નાબૂદ કરીને GST સ્લેબમાં મોટા ફેરફારો કરે તેવી અપેક્ષા છે. આ સાથે, 12 ટકાના મોટા ભાગના માલ અને સેવાઓ 5 ટકાના ટેક્સ સ્લેબમાં આવશે અને 28 ટકાના માલ અને સેવાઓ 18 ટકાના ટેક્સ સ્લેબમાં આવશે. GST ટેક્સ દરમાં ફેરફાર સાથે, ટૂથપેસ્ટ, શેમ્પૂ અને ટેલ્કમ પાવડર, ઇલેક્ટ્રોનિક્સ, જેમાં ટેલિવિઝન અને એર ક્ધડીશનર અને કાર અને બાઇકનો સમાવેશ થાય છે તે સસ્તું થઈ શકે છે. તે જ સમયે, ખૂબ ઓછી વસ્તુઓ છે જેના પર ટેક્સ દર વધી શકે છે અને તેના કારણે તે મોંઘા થશે. આમાં ફ્લાઇટ ટિકિટનો સમાવેશ થાય છે.