ઓલ ઇન્ડિયા પાવર એન્જીનિયર્સ ફેડરેશને પાવર સેક્ટરના ખાનગીકરણ અને વીજળી (સુધારા) બિલ 2025 સામે 12 ફેબ્રુઆરીએ રાષ્ટ્રવ્યાપી હડતાળની નોટીસ આપી: સંસદમાં EA બિલને કોઈપણ ઉતાવળમાં પસાર કરવા સામે કડક કાર્યવાહીની ચેતવણી આપેલ છે. જીબિયા પણ AIPEF (ઓલ ઇન્ડિયા પાવર એન્જીનિયર્સ ફેડરેશન) ની સંકલન સમિતિમાં જોડાયેલ હોય તેને ધ્યાનમાં લઈને ખાનગીકરણ ના વિરોધમાં ગુજરાતના સાત હજાર ઈજનેરો પણ હડતાળમાં ઝંપલાવવાની જાહેરાત કરી છે.
દેશભરમાં રાજ્ય વીજ ઉપયોગિતાઓ, સેન્ટ્રલ ઇલેકિટ્રસિટી ઓથોરિટી (CEA) દામોદર વેલી કોર્પોરેશન (DVC) અને ભાખરા બિયાસ મેનેજમેન્ટ બોર્ડ (BBMB)માં કાર્યરત પાવર એન્જિનિયરોનું પ્રતિનિધિત્વ કરતી ઓલ ઇન્ડિયા પાવર એન્જિનિયર્સ ફેડરેશન (AIPEF) એ કેન્દ્રીય ઉર્જા મંત્રીને 12 ફેબ્રુઆરી, 2026ના રોજ દેશવ્યાપી હડતાલ / કામ બહિષ્કારની સૂચના ઔપચારિક રીતે આપી છે.
AIPEF એ કડક ચેતવણી પણ આપી છે કે જો બજેટ સત્ર દરમિયાન સંસદમાં વીજળી (સુધારા) બિલ 2025 રજૂ કરવામાં આવશે. તો દેશભરના વીજ કર્મચારીઓ સાથે મળીને પાવર એન્જિનિયરો તાત્કાલિક વીજળી વિરોધી કાર્યવાહી શરૂૂ કરશે. જેમાં કામ બંધ કરવું અને સામૂહિક રસ્તા પર આંદોલનનો સમાવેશ થાય છે.
AIPEF એ કેન્દ્ર સરકારના આક્રમક ખાનગીકરણ તરફના દબાણનો સખત વિરોધ કર્યો છે, જેમાં વિતરણમાં મલ્ટિ-લાયસન્સિંગ, ફરજિયાત સ્માર્ટ મીટરિંગ, ટ્રાન્સમિશનમાં PPP અને TBCB મોડેલ્સ, કામગીરીનું આઉટસોર્સિંગ અને નોકરીઓનું કરારીકરણનો સમાવેશ થાય છે. ફેડરેશને ચંદીગઢમાં નિષ્ફળ ખાનગીકરણ પ્રયોગ પર પ્રકાશ પાડ્યો હતો અને ઉત્તર પ્રદેશ (PVVNL અને DVVNLમાટે ), રાજસ્થાન, મહારાષ્ટ્ર, મધ્યપ્રદેશ અને અન્ય રાજ્યોમાં સમાન પગલાં સામે ચેતવણી આપી હતી.
ફેડરેશન દ્વારા વીજળી (સુધારા) બિલ, 2025 તાત્કાલિક પાછું ખેંચવા માંગણી કરાઇ છે. જે ખાનગીકરણ અને બહુ-લાયસન્સિંગને પ્રોત્સાહન આપે છે. ક્રોસ-સબસિડીને જોખમમાં મૂકે છે, ટેરિફમો વધારો કરે છે અને ખાનગી ખેલાડીઓને નફાકારક ગ્રાહકો પસંદ કરવાની મંજૂરી આપે છે.
ઉપરાંત રાષ્ટ્રીય વીજળી નીતિ, 2026 પાછી ખેંચી લેવી. જે ઉત્પાદન, ટ્રાન્સમિશન અને વિતરણમાં ખાનગીકરણને આક્રમક રીતે આગળ ધપાવે છે. ઉત્તર પ્રદેશમાં PVVNL અને DVVNLમાટે ખાનગીકરણના નિર્ણયો તાત્કાલિક પાછા ખેંચવા સહિત, વીજ ઉપયોગિતાઓના ખાનગીકરણ પર સંપૂર્ણ રોક લગાવવા તેમજ સ્માર્ટ મીટરિંગ પાછું ખેંચવા માંગણી કરવામાં આવી છે.
જો સરકાર અર્થપૂર્ણ રીતે જોડાવવાનો ઇનકાર કરશે તો વીજ પુરવઠામાં કોઈપણ વિક્ષેપ માટે તે સંપૂર્ણ જવાબદારી લેશે. પાવર એન્જિનિયરો પાસે જાહેર શક્તિ અને ગ્રાહકોના હિતોનું રક્ષણ કરવા સિવાય કોઈ વિકલ્પ બચ્યો નથી. દુબેએ ભારપૂર્વક જણાવ્યું અને આ યાદીમાં GEBEAના સેક્રેટરી જનરલ એચ.જી.વઘાસીયા દ્વારા શૈલેન્દ્ર દુબેની માંગણીઓને વ્યાજબી ઠેરવી છે અને સહમતી આપેલ છે.