ઓખા નગરપાલિકાએ આજે શહેરમાં ગેરકાયદેસર દબાણો સામે મોટી કાર્યવાહી હાથ ધરી હતી. નગરપાલિકાની ટીમે ચુસ્ત પોલીસ બંદોબસ્ત વચ્ચે બુલડોઝર દ્વારા અસામાજિક તત્વોના દબાણો દૂર કર્યા હતા.
આ કાર્યવાહી દરમિયાન નગરપાલિકાએ છ જેટલા ગેરકાયદેસર બાંધકામોને તોડી પાડ્યા હતા. આ અગાઉ પણ ઓખા નગરપાલિકા વિસ્તારમાં આવી ડિમોલિશનની કાર્યવાહી હાથ ધરવામાં આવી હતી.
આ કાર્યવાહીને પગલે ગેરકાયદેસર દબાણો કરનારા અસામાજિક તત્વોમાં ભયનો માહોલ ફેલાયો છે. નગરપાલિકાની આ કડક કાર્યવાહીથી શહેરમાં ગેરકાયદે દબાણો સામે સખત સંદેશો ગયો છે.