ઈન્ડિયન પ્રીમિયર લીગની 19મી સીઝનની 62મી લીગ મેચ દિલ્હી કેપિટલ્સ અને રાજસ્થાન રોયલ્સ વચ્ચે દિલ્હીના અરુણ જેટલી સ્ટેડિયમ ખાતે રમાઈ હતી, જેમાં દિલ્હી કેપિટલ્સ ટીમ 5 વિકેટથી મેચ જીતવામાં સફળ રહી હતી. આ મેચમાં દિલ્હી કેપિટલ્સ કેપ્ટન અક્ષર પટેલે ટોસ જીતીને પ્રથમ બોલિંગ કરવાનો નિર્ણય લીધો હતો. આ પછી, રાજસ્થાન રોયલ્સ ટીમ 20 ઓવરમાં 193 રનનો સ્કોર બનાવવામાં સફળ રહી.
રાજસ્થાન રોયલ્સે મેચની શરૂૂઆત ખરાબ કરી હતી, જેમાં યશસ્વી જયસ્વાલ માત્ર 12 રનમાં આઉટ થયો. ત્યારબાદ વૈભવ સૂર્યવંશી અને ધ્રુવ જુરેલે બીજી વિકેટ માટે 70 રનની ઝડપી પાર્ટનરશીપ કરી. વૈભવ સૂર્યવંશી 46 રન બનાવીને આઉટ થયો, અને ધ્રુવ જુરેલની સાથે કેપ્ટન રિયાન પરાગ પણ જોડાયા, અને બંનેએ ત્રીજી વિકેટ માટે 72 રન બનાવ્યા. રિયાન પરાગની 51 રન બનાવીને આઉટ થયો, પરંતુ તેના ગયા પછી ટીમની ઝડપી વિકેટ પડી.
રાજસ્થાન રોયલ્સ 161 રન પર માત્ર 2 વિકેટ ગુમાવી ચૂક્યું હતું, પરંતુ 173 રન સુધી પહોંચતા સુધીમાં 6 વિકેટ ગુમાવી દીધું. ધ્રુવ જુરેલના 53 રનના ઈનિંગે ટીમને 193 સુધી પહોંચવામાં મહત્વપૂર્ણ ભૂમિકા ભજવી હતી. દિલ્હી કેપિટલ્સ માટે મિચેલ સ્ટાર્કે સૌથી વધુ 4 વિકેટ લીધી, જ્યારે લુંગી એનગીડી અને માધવ તિવારીએ 2-2 વિકેટ લીધી. દિલ્હી કેપિટલ્સ માટે ટાર્ગેટનો પીછો કરવા ઉતરેલી કેએલ રાહુલ અને અભિષેક પોરેલની ઓપનિંગ જોડીએ શાનદાર શરૂૂઆત આપી, પ્રથમ વિકેટ માટે 105 રનની સદીની પાર્ટનરશીપ કરી. અભિષેક પોરેલ 51 રનની ઈનિંગ રમીને પેવેલિયન પરત ફર્યો, જ્યારે કેએલ રાહુલે પણ 56 રનના વ્યક્તિગત સ્કોર પર પોતાની ફિફ્ટી પૂરી કર્યા પછી પોતાની વિકેટ ગુમાવી દીધી. દિલ્હીના કેપ્ટન અક્ષર પટેલે અંત સુધી રમી અને 34 રનની અણનમ ઈનિંગ રમીને ટીમને વિજય તરફ દોરી ગયા, જેમાં આશુતોષ શર્માએ પણ 5 બોલમાં 18 રનની અણનમ ઈનિંગ રમીને મહત્વપૂર્ણ યોગદાન આપ્યું.
રાજસ્થાન રોયલ્સ માટે, જોફ્રા આર્ચર અને બ્રિજેશ શર્માએ 2-2 વિકેટ લીધી, જ્યારે દાસુન શનાકાએ 1 વિકેટ લીધી. અત્યાર સુધી, IPLની કોઈ એક સિઝનમાં સૌથી વધુ સિક્સર ફટકારવાનો ભારતીય રેકોર્ડ સનરાઇઝર્સ હૈદરાબાદના અભિષેક શર્માના નામે હતો. અભિષેકે IPL2024 માં કુલ 42 સિક્સર ફટકારી હતી. પરંતુ હવે, વૈભવ સૂર્યવંશીએ IPL2026 ની આ સિઝનમાં 43 સિક્સર ફટકારીને તેને પાછળ છોડી દીધો છે. હાલમાં IPL2026 માં સૌથી વધુ સિક્સર મારનારા ખેલાડીઓના લિસ્ટમાં પણ વૈભવ (43 સિક્સર) જ ટોચ પર છે. જ્યારે અભિષેક શર્મા 37 સિક્સર સાથે બીજા નંબરે છે અને મુંબઈ ઇન્ડિયન્સનો રાયન રિકેલ્ટન પણ 37 સિક્સર સાથે બરાબરી પર ચાલી રહ્યો છે.
