ઓસ્ટ્રેલિયાના દિગ્ગજ ક્રિકેટર ડોન બ્રેડમેનની 1947-48ની ભારત સામેની શ્રેણી દરમિયાન પહેરેલી બેગી ગ્રીન ટેસ્ટ કેપ હરાજીમાં 2.63 કરોડ રૂૂપિયા (479,700 ડોલર)માં વેચાઈ ગઈ. આ કેપ આ શ્રેણી દરમિયાન બ્રેડમેન દ્વારા પહેરવામાં આવતી એકમાત્ર બેગી ગ્રીન માનવામાં આવે છે, જેના કારણે આ વસ્તુ ખૂબ જ ઐતિહાસિક છે. જો કે 1947-48 શ્રેણીમાં બ્રેડમેનનું પ્રદર્શન અસાધારણથી ઓછું નહોતું.
ઘરની ધરતી પર તેની અંતિમ ટેસ્ટ શ્રેણીમાં, ઓસ્ટ્રેલિયન કેપ્ટને 178.75ની શ્રેષ્ઠ એવરેજથી માત્ર છ ઇનિંગ્સમાં 715 રન બનાવ્યા, જેમાં ત્રણ સદી અને એક બેવડી સદીનો સમાવેશ થાય છે
હરાજીનું સંચાલન બોનહેમ્સ ઓક્શન હાઉસ દ્વારા કરવામાં આવ્યું હતું, અને તેમને આ કેપ એક દુર્લભ કલાકૃતિ ગણાવી અને બ્રેડમેનની શાનદાર કારકિર્દી સાથે સીધી રીતે જોડાયેલી છે. આ કેપને બ્રેડમેને ભારતીય ટૂર મેનેજર પંકજ પીટર કુમાર ગુપ્તાને ભેટમાં આપી હતી. હરાજી માત્ર 10 મિનિટ સુધી ચાલી, પરંતુ ઘણી બધી હાઇ બિડ્સ બાદ આ કેપ 390,000 ડોલરમાં વેચાઈ હતી. આ રકમ તેને અત્યાર સુધીમાં સૌથી મોંઘી ક્રિકેટ મેમોરેબિલિયા બનાવે છે.
ડોન બ્રેડમેનને સર્વકાલીન શ્રેષ્ઠ બેટ્સમેન માનવામાં આવે છે. તેમણે 52 ટેસ્ટ મેચોમાં 6996 રન બનાવ્યા, જેમાં 29 સદી અને 13 અર્ધસદી પણ સામેલ છે. તેમનો 99.94નો એવરેજ આજ સુધીનો સૌથી વધુ છે. સૌથી લાંબા ફોર્મેટમાં, પ્રખ્યાત બેટ્સમેન સૌથી વધુ બેવડી સદી (12) અને સંયુક્ત રીતે સૌથી વધુ ટ્રિપલ સદી (2) ધરાવે છે. બ્રેડમેન માટે, બેગી ગ્રીન કારકિર્દીનું પ્રતિનિધિત્વ કરે છે જે ક્રિકેટના ઇતિહાસમાં અજોડ છે. તેની સર્વકાલીન સર્વોચ્ચ ટેસ્ટ બેટિંગ એવરેજ 99.94 એક કાયમી બેંચમાર્ક બની ગઈ છે. ડોન બ્રેડમેન, જેને ઘણીવાર ધ ડોન તરીકે ઓળખવામાં આવે છે, તેણે ક્રિકેટની દુનિયામાં એક અલગ છાપ છોડી છે. 2001માં 92 વર્ષની વયે તેમનું અવસાન થયું હતું.