આઇપીએલ 2025ની ચેમ્પિયન ટીમ રોયલ ચેલેન્જર્સ બેંગલુરુનો ફાસ્ટ બોલર યશ દયાલ ફરી એકવાર ગંભીર કાનૂની વિવાદમાં ફસાયો છે. જયપુરમાં એક સગીરાએ તેના પર બળાત્કારનો આરોપ લગાવ્યા બાદ રાજસ્થાન હાઈકોર્ટે તેની ધરપકડ પર રોક લગાવવાનો ઈનકાર કરી દીધો છે.
જયપુર હાઈકોર્ટે સ્પષ્ટ કર્યું છે કે પીડિતા સગીરા છે, તેથી ધરપકડ અને પોલીસ કાર્યવાહી રોકી શકાતી નથી. કોર્ટે આ કેસમાં કેસ ડાયરી સમન્સ મોકલી છે અને આગામી સુનાવણી 22 ઓગસ્ટ, 2025ના રોજ નક્કી કરી છે. આ કેસ યશ દયાલ માટે નવી મુશ્કેલીઓ ઉભી કરી રહ્યો છે, ખાસ કરીને જ્યારે થોડા અઠવાડિયા પહેલા ગાઝિયાબાદમાં બીજી એક મહિલાએ પણ તેના પર બળાત્કારનો આરોપ લગાવ્યો હતો.
યશ દયાલ પર આ પહેલો આરોપ નથી. આ પહેલા, જુલાઈ 2025માં, ગાઝિયાબાદની એક મહિલાએ યશ પર લગ્નના ખોટા વચનો આપીને પાંચ વર્ષ સુધી શારીરિક અને ભાવનાત્મક રીતે શોષણ કરવાનો આરોપ લગાવ્યો હતો. યશે આ મામલે અલ્હાબાદ હાઈકોર્ટમાં અરજી દાખલ કરી હતી, અને કોર્ટે 15 જુલાઈ 2025ના રોજ તેની ધરપકડ પર રોક લગાવી હતી.