દિવાળીને હવે ગણતરીના દિવસો જ બાકી છે, ત્યારે બોલિવૂડ સેલિબ્રિટીઓએ તહેવારની ઉજવણી શરૂૂ કરી દીધી છે. આ ઉત્સાહમાં વધારો કરતા, આયુષ્માન ખુરાના અને તાહિરા કશ્યપે મુંબઈ સ્થિત તેમના નિવાસસ્થાને દિવાળી પાર્ટીનું આયોજન કર્યું હતું જેમાં ફિલ્મ નિર્માતા કરણ જોહર, સારા અલી ખાન, શિલ્પા શેટ્ટી, રાજકુમાર રાવ, સાન્યા મલ્હોત્રા, ટ્વિંકલ ખન્ના અને અન્ય ઘણી હસ્તીઓ સામેલ થઈ હતી.
મહેમાનોની યાદીમાં નિર્માતા ભૂષણ કુમાર, અપૂર્વ મહેતા, ગુનીત મોંગા, ફિલ્મ નિર્માતા અમર કૌશિક, ’ઉડતા તીર’ના દિગ્દર્શક આકાશ કૌશિક, અપારશક્તિ ખુરાના અને તેમની પત્ની આકૃતિ, રાજકુમાર રાવ, રકુલ પ્રીત સિંહ અને જેકી ભગનાનીનો સમાવેશ થતો હતો.
આ ઉપરાંત, ફેશન ડિઝાઈનર મનીષ મલ્હોત્રા, શ્રેયા ચૌધરી અને રાજ કુન્દ્રા પણ આ ઉજવણીનો ભાગ બન્યા હતા. તાહિરાએ તેના ઇન્સ્ટાગ્રામ પર એક વીડિયો શેર કરીને ચાહકોને આ દિવાળી પાર્ટીની ઝલક બતાવી. આ વીડિયોમાં મહેમાનો તસવીરો માટે પોઝ આપતા અને મિત્રો સાથે ડાન્સ કરતા જોવા મળે છે. કેપ્શનમાં તેમણે લખ્યું, પ્રેમ અને પ્રકાશ ફેલાવો મારા અને ayushmannk માટે દિવાળીની ઉજવણી હંમેશા અમારા પરિવાર અને મિત્રો સાથે જ રહી છે! મુંબઈ હવે અમારું ઘર બની ગયું છે, તેથી અહીંના મિત્રો જ અમારો વિસ્તૃત પરિવાર છે! અમે સવારે 5 વાગ્યે સૂવા ગયા અને ત્યાં સુધી ડાન્સ કર્યો જ્યાં સુધી અમારા પગ દુખવા ન લાગ્યા આ શ્રેષ્ઠ અનુભવ છે!
