મંગળવારે મધ્ય કોંગોમાં લોકોથી ખચાખચ ભરેલી એક બોટ ફિમી નદીમાં પલટી ગઈ. આ દુર્ઘટનામાં બાળકો સહિત 25 લોકોના મોત થયા અને ડઝનેક લોકો લાપતા થઈ ગયા. આ ઘટના કોંગોની રાજધાની કિંશાસાના ઉત્તર-પૂર્વમાં ઇનોન્ગો શહેર નજીક બની. અધિકારીઓ અને સ્થાનિક રહેવાસીઓના જણાવ્યા અનુસાર બોટમાં 100થી વધુ લોકો સવાર હતા.
ઈનોન્ગો નદીના કમિશનર ડેવિડ કાલેમ્બાએ જણાવ્યું કે બોટમાં ઘણા બધા લોકો સવાર હતા. અત્યાર સુધીમાં 25 મૃતદેહો મળી આવ્યા છે. સ્થાનિક રહેવાસીએ બોટ સામાનથી ભરેલી હતી અને માર્યા ગયેલાઓમાં બાળકો પણ સામેલ છે. તેમણે કહ્યું કે બોટમાં એટલા બધા મુસાફરો હતા કે મૃત્યુ પામનારાઓની ચોક્કસ સંખ્યા જણાવવી મુશ્કેલ છે.
માઈ-એનડોમ્બે પ્રાંતમાં આ વર્ષની આ ચોથી બોટ દુર્ઘટના છે. આ વિસ્તાર નદીઓથી ઘેરાયેલો છે અને અહીંના લોકો નદી પરિવહન પર નિર્ભર છે. કોંગો સરકારે વારંવાર ઓવરલોડિંગ સામે ચેતવણી આપી છે અને જેઓ જળ પરિવહન માટે સલામતીનાં પગલાંનું ઉલ્લંઘન કરે છે તેમને સજા કરવા માટે પ્રતિબદ્ધતા દર્શાવી છે. આમ છતાં, દૂરના વિસ્તારોમાં લોકોને ઉપલબ્ધ રસ્તાઓ માટે જાહેર પરિવહનનો ખર્ચ પરવડતો નથી.