ભારતીય ક્રિકેટ ટીમ માટે આગામી ન્યૂઝીલેન્ડ પ્રવાસ ખૂબ જ મહત્વપૂર્ણ માનવામાં આવી રહ્યો છે. આ પ્રવાસમાં સિનિયર ટીમની સાથે સાથે ભારત એ ટીમ પણ મેદાને ઊતરવાની છે. પરંતુ, આ પ્રવાસની શરૂૂઆત પહેલા જ ભારતીય છાવણીમાંથી એક નિરાશાજનક સમાચાર સામે આવ્યા છે.
ટીમના વિસ્ફોટક વિકેટકીપર-બેટ્સમેન ઋષભ પંત ઈજાના કારણે ભારત અ ટીમના ન્યૂઝીલેન્ડ પ્રવાસની શરૂૂઆતની 2 મેચમાંથી બહાર થઈ ગયા છે. પંતની આ અણધારી વિદાયથી ક્રિકેટ ચાહકોમાં નિરાશા જોવા મળી રહી છે. જોકે, પસંદગીકારોએ તેમની જગ્યાએ એક યુવા અને આશાસ્પદ ખેલાડીને તક આપી છે.
ઋષભ પંત બહાર થતાં ઝારખંડના ઉભરતા સ્ટાર વિકેટકીપર-બેટ્સમેન કુમાર કુશાગ્રને ભારત અ ટીમમાં સ્થાન આપવામાં આવ્યું છે. કુમાર કુશાગ્ર તાજેતરમાં જ પોતાની આક્રમક અને શાનદાર બેટિંગના કારણે ચર્ચામાં આવ્યા હતા. તેમણે દુલીપ ટ્રોફીની ફાઇનલ અને ત્યારબાદ ઈરાની કપમાં શાનદાર સદી ફટકારીને સૌનું ધ્યાન પોતાના તરફ ખેંચ્યું હતું. સ્થાનિક ક્રિકેટમાં તેમના આ સતત અને શાનદાર પ્રદર્શનનું જ આ પરિણામ છે કે તેમને હવે ન્યૂઝીલેન્ડ સામે રમવાની આટલી મોટી તક મળી છે.
તાજેતરમાં રમાયેલા ઈરાની કપમાં રેસ્ટ ઓફ ઈન્ડિયાની કેપ્ટનશીપ કરતી વખતે ઋષભ પંતને ડાબા પગની ઘૂંટીમાં મચકોડ આવી હતી. આ ઉપરાંત તેમને હેમસ્ટ્રિંગની સમસ્યા પણ સતાવી રહી છે. આ જ કારણોસર મેડિકલ ટીમે તેમને શરૂૂઆતની મેચોમાં આરામ કરવાની સલાહ આપી છે. હાલમાં પંત BCCIની મેડિકલ ટીમની સઘન દેખરેખ હેઠળ છે અને તેમની ઈજામાં ઝડપથી સુધારો થઈ રહ્યો છે. પ્રવાસની 3 જી અને અંતિમ મેચમાં તેઓ રમી શકશે કે નહીં, તેનો અંતિમ નિર્ણય થોડા દિવસો પછી તેમની ફિટનેસની સમીક્ષા કર્યા બાદ જ લેવામાં આવશે. આ શ્રેણીને લઈને વધુ એક મહત્વની માહિતી સામે આવી છે. આ ત્રણેય ખેલાડીઓનું વનડે ટીમમાં સ્થાન લગભગ નિશ્ચિત માનવામાં આવી રહ્યું છે, જેથી તેઓ આ 4 દિવસીય મેચો મિસ કરે તેવી પૂરી શક્યતા છે.
ન્યૂઝીલેન્ડ પ્રવાસ માટે ભારત અ ની અપડેટેડ ટીમ: યશસ્વી જયસ્વાલ, કેએલ રાહુલ, દેવદત્ત પડિકલ, રવિચંદ્રન અશ્વિન, ધ્રુવ જુરેલ (કેપ્ટન અને વિકેટકીપર), વોશિંગ્ટન સુંદર, આકિબ નબી, આકાશ દીપ, અંશુલ કંબોજ, માનવ સુથાર, મુકેશ ચૌધરી, સાઈ સુદર્શન, યશ રાઠોડ, મુકેશ કુમાર અને કુમાર કુશાગ્ર (વિકેટકીપર – માત્ર 1 લી અને 2 જી મેચ માટે).
