મીઠાપુર તાબેના સુરજકરાડી ગામે રહેતા અને પત્રકારત્વ સહિતના વ્યવસાય સાથે સંકળાયેલા રામભા ભીમાભા જગતિયા નામના 48 વર્ષના યુવાનને આરોપી નથુભા આલાભા માણેક (રહે. ભીમરાણા) ના સાસુના જમીનના પૈસાની લેતી દેતી બાબતે નથુભા માણેક દ્વારા પૂછવામાં આવતા ફરિયાદી રામભા જગતિયાએ કહેલ કે “તે તારી સાસુ અને મારે જોવાનું છે” એમ કહેતા આરોપી ઉશ્કેરાઈ ગયો હતો અને ફરિયાદી રામભાને ઢીકાપાટુનો માર મારી, તેમનું શર્ટ ફાડી નાખ્યું હતું અને જાનથી મારી નાખવાની ધમકી આપી, ચાલ્યો ગયો હતો.
આ પછી ફરિયાદી રામભા જગતિયા અન્ય યુવાનો સાથે નજીકની એક હોટલમાં બહાર ખાટલા ઉપર બેઠા હતા, ત્યારે આરોપી નથુભા તેમની ઓટો રીક્ષા લઈને આવ્યો હતો અને પૂરઝડપે આવી અને ફરિયાદી રામભા તેમજ આ સ્થળે રહેલા અન્ય સાહેદો ફિરોજભાઈ માંગલીયા, રણજીતસિંહ નવલસિંહ જેઠવા વિગેરે પર મારી નાખવાના ઇરાદે રીક્ષા ચડાવી દીધી હતી. જેના કારણે તેઓને શરીરના જુદા જુદા ભાગોમાં નાની મોટી ઈજાઓ સાથે હોસ્પિટલમાં સારવાર આપવામાં આવી હતી.
આ રીતે આરોપી દ્વારા પોતાની રીક્ષા વડે ફરિયાદી રામભા જગતિયા અને અન્ય સાહેદોને મારી નાખવાના ઇરાદાથી પોતાની રીક્ષા વડે ઇજાઓ પહોંચાડી રીક્ષા લઈને નાસી છૂટ્યો હોવાનું પોલીસ ફરિયાદમાં જાહેર થયું છે. જેને અનુલક્ષીને મીઠાપુર પોલીસે બીએનએસની જુદી જુદી કલમ હેઠળ ગુનો નોંધી, સ્થાનિક ડીવાયએસપી સાગર રાઠોડના માર્ગદર્શન હેઠળ મીઠાપુરના પી.એસ.આઈ. જે.એમ. અગ્રાવત દ્વારા આગળની તપાસ હાથ ધરવામાં આવી છે.
સલાયામાં બે ઘરમાં ચોરી
ખંભાળિયા તાલુકાના સલાયા ગામે ડી.વી. નગર વિસ્તારમાં રહેતા જુલેખા અને અલી અસગરભાઈ ચબા નામના 30 વર્ષના મુસ્લિમ માર્કેટ મહિલાના ઘરમાં શુક્રવારે રાત્રિના સમયે તસ્કરોએ પ્રવેશ કરી, તેમના ઘરના કબાટનું તાળું તોડી નાખ્યું હતું. આ પછી આ કબાટમાં રાખવામાં આવેલા સોના ચાંદીના રૂૂ. 37,880 ની કિંમતના વિવિધ દાગીના તેમજ રૂૂ. 60 ની રોકડ રકમ સહિત કુલ રૂૂપિયા 37,940 ના મુદ્દામાલની ચોરી કરીને લઈ ગયા હોવાનો બનાવ સલાયા મરીન પોલીસ મથકમાં નોંધાવવામાં આવ્યો છે.અન્ય એક બનાવમાં આ જ વિસ્તારમાં રહેતા સમીરાબેન સદામભાઈ દાઉદભાઈ ચબા નામના 26 વર્ષના મુસ્લિમ વાઘેર મહિલાના ઘરમાંથી પણ આ જ સમયે કોઈ તસ્કરોએ અનધિકૃત રીતે પ્રવેશ કરી અને કબાટમાં રાખવામાં આવેલા રૂૂપિયા 20,700 ની કિંમતના સોના-ચાંદીના દાગીના તથા રૂૂપિયા 1,500 ની રોકડ મળી, કુલ રૂૂપિયા 22,200 નો મુદ્દામાલ ચોરી કરીને લઈ ગયા હોવાનું પોલીસ ફરિયાદમાં જાહેર થયું છે. જેને અનુલક્ષીને પોલીસે ધોરણસર ગુનો નોંધી, તસ્કરોને ઝડપી લેવામાં માટેના ચક્રો ગતિમાન કર્યા છે.
