18મા દિવસે આ સિધ્ધિ મેળવી, કમાણીમાં સૌથી મોખરે રહી
અહાન પાંડે અને અનિત પડ્ડાની ફિલ્મ સૈયારા 300 કરોડ ક્લબમાં એન્ટ્રી કરી છે. ફિલ્મે સોમવારે 18મા દિવસે આ સિદ્ધિ મેળવી છે. આ ફિલ્મ વિદેશોમાં પણ સારી કમાણી કરી રહી છે અને વિશ્વભરમાં 400 કરોડ ક્લબનો ભાગ બની ગઈ છે. તેણે ભારતીય બોક્સ ઓફિસ પર 300 કરોડ ફિલ્મોની યાદીમાં પોતાનું નામ નોંધાવ્યું છે.
મોહિત સુરી દ્વારા દિગ્દર્શિત ફિલ્મ સૈયારા 300 કરોડ પરિવારમાં જોડાનાર પ્રથમ ફિલ્મ છે, જેમાં નવા સ્ટાર્સ છે. યશ રાજ ફિલ્મ્સના બેનર હેઠળ બનેલી આ પાંચમી ફિલ્મ છે, જેણે 300 કરોડની કમાણી કરી છે.
સૌથી ઝડપી 300 કરોડની કમાણીની બાબતમાં, સૈયારા ફિલ્મે વોર, બજરંગી ભાઈજાન અને સુલતાન જેવી ફિલ્મોને પાછળ છોડી દીધી છે. વોર એ 19 દિવસમાં 300 કરોડની કમાણી કરી. બજરંગી ભાઈજાન એ 20 દિવસમાં અને સુલતાન એ 35 દિવસમાં આ સિદ્ધિ મેળવી.
ચાહકોને અનિત અને અહાનની પ્રેમકથા ખૂબ જ પસંદ આવી રહી છે. અહાન અને અનિતની પ્રેમકહાનીમાં ઘણા ટ્વિસ્ટ છે, જે તમને ભાવુક કરી દે છે. જોકે, એવું કહેવામાં આવી રહ્યું છે કે કોરિયન ફિલ્મ અ મોમેન્ટ ટુ રિમેમ્બરમાં પણ આવી જ વાર્તા જોવા મળી હતી.