નિકાસ ઠપ અને ગેસનો પુરવઠો ખોરવાતા ઉદ્યોગ બંધ થતા બેવડો માર
સિરામિક, ખાણી-પીણી, કાપડ, રસાયણ, એન્જિનિયરિંગ, હીરા-ઝવેરાત સહિતના ક્ષેત્રોને અસર
ઇરાન અને ઇઝરાયેલ યુધ્ધની આગમાં આખુ વિશ્ર્વ દાઝી રહ્યું છે ત્યારે સમૃધ્ધ રાજય ગણાતા ગુજરાતનો વ્યાપાર-ઉદ્યોગને પણ મોટો ફટકો પડયો છે અને ગુજરાતના વ્યાપાર ક્ષેત્રને 20 દિવસના યુધ્ધમાં 10 હજાર કરોડ રૂપીયાનું નુકશાન થવાનો અંદાજ છે.
યુધ્ધના કારણે નિકાસને સૌથી મોટી અસર થઇ છે તો ગેસનો પુરવઠો ખોરવાઇ જતા અનેક ઉદ્યોગોમાં પ્રોડકશન ઠપ થઇ ગયું છે. બીજી તરફ રો મટિરિયલના ભાવ સતત વધી રહ્યા છે.
ભારતીય ઉદ્યોગ સંઘ (CII), ગુજરાતના અધિકારીઓના જણાવ્યા અનુસાર, ઈરાન, ઈઝરાયલ અને યુનાઇટેડ સ્ટેટ્સ વચ્ચેના સંઘર્ષને કારણે રાજ્યમાંથી નિકાસ લગભગ 30% ઘટી ગઈ છે. આમાંથી, આશરે 10,000 કરોડ રૂૂપિયાનું નુકશાન થયું છે. આ નુકશાની ફરી પ્રાપ્ત થવાની શકયતા ઓછી છે. યુધ્ધની સૌથી વધુ અસર સિરામિક્સ, ખાદ્ય અને પીણાં, એન્જાિનિયરિગ, રત્નો અને ઝવેરાત અને રસાયણો, કાપડ અને અન્ય ઉદ્યોગો સહિતના મુખ્ય ક્ષેત્રો ઉપર પડી છે.
CII ગુજરાત ખાતે આંતરરાષ્ટ્રીય વેપાર, નિકાસ અને સહયોગ (ITEC) પેનલના ક્ધવીનર સુનિલ દવેએ જણાવ્યું હતું કે જો પરિસ્થિતિ ચાલુ રહે તો નુકસાન વધુ ગંભીર થઈ શકે છે. 10,000 કરોડ રૂૂપિયાનો આંકડો એક ન્યૂનતમ અંદાજ છે. લગભગ 30% નિકાસને અસર થઈ છે, જો સંઘર્ષ ચાલુ રહે તો આગામી ક્વાર્ટરમાં નુકસાન નોંધપાત્ર રીતે વધી શકે છે.
ગુજરાતના ફેડરેશન ઓફ ઇન્ડિયન ચેમ્બર્સ ઓફ કોમર્સ એન્ડ ઇન્ડસ્ટ્રી (FICCI) ના અધ્યક્ષ ગોકુલ જયકૃષ્ણે વેપાર વિક્ષેપ અને ઇંધણના ભાવમાં વધારાથી ઉદ્વવતા વ્યાપક આર્થિક પરિણામોની ચેતવણી આપી હતી. તેમણે કહ્યું કે સંઘર્ષને વધુ ત્રણ મહિના લંબાવવાથી વૈશ્વિક અર્થતંત્ર મંદી જેવી પરિસ્થિતિઓ તરફ ધકેલી શકે છે.
બદલી ન શકાય તેવા નુકસાનની પ્રકૃતિ સમજાવતા, જયકૃષ્ણે વધતા ઇનપુટ ખર્ચ અને સંચાલન અવરોધો તરફ ધ્યાન દોર્યું. ક્રૂડ ઓઇલના ભાવ પહેલાથી જ લગભગ 35% વધી ગયા છે, જેના કારણે ઉદ્યોગોને ઉત્પાદન પૂર્ણ ક્ષમતાથી લગભગ 50% સુધી ઘટાડવાની ફરજ પડી છે. આ એવા નુકસાન છે જે પરિસ્થિતિ સામાન્ય થાય તો પણ પુન:પ્રાપ્ત કરી શકાતા નથી.
તેમણે ઉમેર્યું કે ઝડપી ઉકેલ નુકસાનને મર્યાદિત કરવામાં મદદ કરી શકે છે. જો પરિસ્થિતિ 30 થી 45 દિવસમાં સ્થિર થાય છે, તો ઉદ્યોગો કેટલાક નુકસાનને પુન:પ્રાપ્ત કરી શકે છે. જો કે, જો સંઘર્ષ લંબાય છે, તો નુકસાન બે થી ત્રણ ગણું વધી શકે છે.
એસોસિએટેડ ચેમ્બર્સ ઓફ કોમર્સ એન્ડ ઇન્ડસ્ટ્રી ઓફ ઇન્ડિયા (એસોચેમ) ખાતે ગુજરાત કાઉન્સિલના સહ-અધ્યક્ષ જૈમિન શાહે વધતા ખર્ચના દબાણ પર પ્રકાશ પાડ્યો. યુદ્ધ-જોખમ વીમો, ઊંચા નૂર ચાર્જ, લાંબા શિપિગ રૂૂટ, વધેલા ઇંધણ ખર્ચ અને મોંઘા કાચા માલના કારણે ઇનપુટ ખર્ચમાં વધારો થયો છે, જેનાથી બદલી ન શકાય તેવા નુકસાનમાં વધારો થયો છે. એકમાત્ર બચત મજબૂત સ્થાનિક વપરાશ છે જેણે ફિનિશ્ડ અને સેમી-ફિનિશ્ડ માલના નોંધપાત્ર ભાગને શોષવામાં મદદ કરી છે
LPGની અછત અને એક્ષપોર્ટ બંધ થતાં સુરતના ટેક્ષટાઈલ કારખાનાઓમાં અઠવાડિયામાં બે દિવસ રજા
સુરતના ટેક્સટાઈલ ઉદ્યોગમાં ત્રણેય મોટા સંકટોને એકસાથે સામનો કરવા માટે મહત્વનો નિર્ણય લેવામાં આવ્યો છે. સુરત ટેક્સટાઈલ ટ્રેડર્સ એસોસિએશન અને ટેક્સટાઈલ યુનિટ માલિકોની બેઠકમાં નક્કી કરવામાં આવ્યું છે કે આગામી સમયમાં સુરતના તમામ ટેક્સટાઈલ યુનિટ્સ અઠવાડિયામાં બે દિવસ બંધ રહેશે. આ નિર્ણય અનુસાર, રવિવાર ઉપરાંત બીજો એક દિવસ (સામાન્ય રીતે સોમવાર કે મંગળવાર) યુનિટ્સ બંધ રાખવામાં આવશે. એલ.પી.જી.ગેસની અછત અને ભાવમાં તીવ્ર વધારો થવાથી યુનિટ્સ માટે ઉત્પાદન ખર્ચમાં ભારે વધારો થયો છે.