આજે સંસદને ઘેરાવ કરશે ખેડૂતો: ત્રણ જૂની માગણીઓને લઇ આંદોલન તેજ

ખેડૂતો સોમવારે સંસદનો ઘેરાવ કરવા જઈ રહ્યા છે, તેમની તરફથી તેમની માંગણીઓને લઈને માર્ચ કાઢવામાં આવી રહી છે. જેના કારણે દિલ્હી-એનસીઆરના ઘણા માર્ગો પર ટ્રાફિક જામ થઈ શકે છે. હાલમાં હજારો ખેડૂતો સંયુક્ત કિસાન મોરચા હેઠળ રાજધાની દિલ્હી તરફ કૂચ કરવા જઈ રહ્યા છે. ખેડૂતોની ત્રણ મુખ્ય માંગણીઓ સામે આવી છે – ચાર ગણું વળતર, જમીન સંપાદન કાયદાનો લાભ અને 10% વિકસિત પ્લોટનો અમલ.

સમજવા જેવી વાત એ છે કે ખેડૂતો છેલ્લા કેટલાક દિવસોથી યમુના ઓથોરિટી ઓફિસની સામે બેઠા હતા, ત્યાં પણ તેમના તરફથી વિરોધ પ્રદર્શન કરવામાં આવી રહ્યું હતું. પરંતુ હવે ખેડૂતોનો આરોપ છે કે સરકારે તેમની કોઈપણ માંગ પર ધ્યાન આપ્યું નથી અને તેના કારણે તેઓ હવે દિલ્હી કૂચ કરવાની તૈયારી કરી રહ્યા છે. ખેડૂતો તો એમ પણ કહે છે કે છેલ્લા ઘણા સમયથી સર્કલ રેટમાં કોઈ વધારો થયો નથી, તેથી તેમની આવક વધારવા માટે કોઈ સાધન નથી. એવો પણ આક્ષેપ કરવામાં આવ્યો છે કે સરકાર હાઈ પાવર કમિટીની ભલામણોનો અમલ કરતી નથી.

હાલમાં, એલઆઈસી અને ઓથોરિટીના અધિકારીઓ સાથેની બેઠકમાં ખેડૂતોની કોઈપણ માંગણી સ્વીકારવામાં આવી ન હતી, જેના કારણે વિવાદની સ્થિતિ ઉભી થઈ હતી અને મોટા પાયે વિરોધ થવાની ચર્ચા છે. ખેડૂતોની સૂચીત કુચના પગલે દિલ્હીની સરહદે આડસો ઉભી કરાઇ છે. દિલ્હી પોલીસે લોકોને મેટ્રોનો બને તેટલો ઉપયોગ કરવા સલાહ આપી છે. આ ઉપરાંત માલસામાનના વાહનો પર પ્રતિબંધ રહેશે તથા નોઈડા-ગ્રેટર નોઈડા એક્સપ્રેસવે થઈને યમુના એક્સપ્રેસ વેથી દિલ્હી જતા માલસામાન વાહનોના પ્રવેશ પર પ્રતિબંધ મુકાયો છે.