સૌરાષ્ટ્ર-કચ્છમાં વીજચોરીમાં જામનગર જિલ્લો મોખરે
તાજેતરમાં રાજ્ય સરકારના નિર્દેશ મુજબ પોલીસ અને વીજ કંપની દ્વારા સંયુક્ત રીતે અસામાજીક પ્રવૃત્તિઓ અને ખાસ કરીને વીજ ચોરીના ગુનાઓમાં સંડોવાયેલા તત્વો વિરુદ્ધ હાથ ધરવામાં આવેલા સઘન અભિયાનના ચોંકાવનારા આંકડા સામે આવ્યા છે. આ આંકડા મુજબ, વીજ ચોરીના મામલે ગુનેગારોની યાદીમાં જામનગર શહેર સમગ્ર રાજ્યમાં બીજા ક્રમે સ્થાન ધરાવે છે. આ ઉપરાંત, રાજ્યવ્યાપી નસ્ત્ર100 કલાકના ઓપરેશનસ્ત્રસ્ત્ર અંતર્ગત વીજ જોડાણ કાપવાની કાર્યવાહીમાં સમગ્ર કચ્છ-સૌરાષ્ટ્ર ક્ષેત્રમાં જામનગર અવ્વલ રહ્યું છે, જ્યાં સૌથી વધુ 113 અસામાજીક તત્વોના બિનઅધિકૃત વીજ જોડાણોને કાયમી ધોરણે સ્થગિત કરી દેવામાં આવ્યા છે.
પ્રાપ્ત વિગતો અનુસાર, ગત નાણાંકિય વર્ષના અંતિમ મહિનામાં રાજ્યના પોલીસ વડા દ્વારા સમગ્ર રાજ્યમાં માથાભારે અને ગુનાહિત ઇતિહાસ ધરાવતા તત્વો સામે કાયદાનો સકંજો કસવા માટે 100 કલાકનું એક વિશેષ અને સઘન ઓપરેશન હાથ ધરવાના આદેશ અપાયા હતા. આ ઓપરેશનના ભાગરૂૂપે, રાજ્યભરના કુલ 7612 અસામાજીક તત્વોની એક વિસ્તૃત યાદી તૈયાર કરવામાં આવી હતી, જેમાં જામનગર જિલ્લાના 285 જેટલા ગુનેગારોનો સમાવેશ થાય છે. આ યાદી મુજબ, સમગ્ર કચ્છ-સૌરાષ્ટ્ર ક્ષેત્રમાં ગુનેગારોની સૌથી વધુ સંખ્યા સુરેન્દ્રનગર જિલ્લામાં નોંધાઈ હતી, જ્યારે બીજા ક્રમે જામનગર જિલ્લાનો સમાવેશ થાય છે, જે ચિંતાનો વિષય છે.
રાજ્યવ્યાપી ઓપરેશનના અનુસંધાને, જામનગર જિલ્લા પોલીસ દ્વારા પણ પોતાના કાર્યક્ષેત્રના હિસ્ટ્રીશીટર, બુટલેગર, હત્યાના આરોપીઓ, પ્રોહિબીશનના ગુનામાં સંડોવાયેલા અને અન્ય ગંભીર અપરાધો આચરનાર તત્વોનું એક વિગતવાર લીસ્ટ તૈયાર કરવામાં આવ્યું હતું. આ ગુનેગારો દ્વારા કરવામાં આવેલા ગેરકાયદેસર દબાણો અને અતિક્રમણ સામે કડક કાર્યવાહી હાથ ધરી બુલડોઝર ફેરવી દેવામાં આવ્યું હતું. ખાસ કરીને, બેડી વિસ્તારમાં આવી કાર્યવાહી કરી આશરે પાંચ હજાર ચોરસ મીટર જેટલી સરકારી જગ્યા ખુલ્લી કરાવવામાં આવી હતી, જેની અંદાજિત બજાર કિંમત રૂૂ. 10 કરોડથી પણ વધુ આંકવામાં આવી રહી છે. આ ઉપરાંત, આ જ ઓપરેશનના ભાગરૂૂપે જામનગરમાં 113 જેટલા અસામાજીક તત્વોના ગેરકાયદેસર અને બિનઅધિકૃત વીજ જોડાણો પણ શોધી કાઢીને કાપી નાખવામાં આવ્યા હતા અને તેમને રૂૂા. 114.38 લાખનો માતબર દંડ ફટકારવામાં આવ્યો હતો.
નોંધનીય છે કે તાજેતરમાં પશ્વિમ ગુજરાત વીજ કંપની લિમિટેડ (PGVCL) દ્વારા જાહેર કરવામાં આવેલા વીજ ચોરીના આંકડા પણ જામનગર માટે ચિંતાજનક હતા. PGVCL ના સમગ્ર કચ્છ-સૌરાષ્ટ્રના 16 સર્કલો પૈકી, જામનગર સર્કલ કુલ રૂૂ. 41.28 કરોડની વીજ ચોરી સાથે અવ્વલ સ્થાને રહ્યું હતું. આ આંકડા દર્શાવે છે કે માત્ર સામાન્ય ગ્રાહકો જ નહીં, પરંતુ અસામાજીક તત્વો દ્વારા કરવામાં આવતી વીજ ચોરી પણ એક ગંભીર સમસ્યા છે, અને આ નવા ઓપરેશનના આંકડા દર્શાવે છે કે આ તત્વો દ્વારા થતી વીજ ચોરીમાં પણ જામનગર મોખરે છે.
રાજ્ય સરકારના નિર્દેશ હેઠળ હાથ ધરાયેલા 100 કલાકના આ વિશેષ ઓપરેશન દરમિયાન, સમગ્ર કચ્છ-સૌરાષ્ટ્ર વિસ્તારમાં કુલ 600 જેટલા અસામાજીક તત્વોના બિન-અધિકૃત વીજ જોડાણોને શોધી કાઢીને કાપી નાખવામાં આવ્યા હતા. આ કાર્યવાહી દરમિયાન, આવા તત્વોને કુલ મળીને રૂૂા. 522.6 લાખનો જંગી દંડ પણ ફટકારવામાં આવ્યો હતો. આ સમગ્ર પ્રાદેશિક આંકડામાં, જામનગર સર્કલ/જિલ્લાનું પ્રદર્શન સૌથી વધુ રહ્યું હતું, જ્યાં એકલા જામનગરમાંથી 113 જેટલા અસામાજીક તત્વોના વીજ જોડાણ કાપવામાં આવ્યા હતા. આ 113 જોડાણો પેટે જામનગરના અસામાજીક તત્વોને રૂૂા. 114.38 લાખનો દંડ ફટકારવામાં આવ્યો હતો, જે સમગ્ર કચ્છ-સૌરાષ્ટ્રમાં કોઈ એક જિલ્લા માટે સૌથી વધુ છે. આ કાર્યવાહી દર્શાવે છે કે વીજ ચોરી કરતા અસામાજીક તત્વો સામે તંત્ર દ્વારા લાલ આંખ કરવામાં આવી છે અને ભવિષ્યમાં પણ આવી કાર્યવાહી ચાલુ રહે તેવી શક્યતા છે.