ઐશ્વર્યા રાય અને અભિષેક બચ્ચનના લગ્ન જીવનને લઈને ઘણા સમયથી અટકળો ચાલી રહી છે. હાલમાં જ એવા દાવા પણ કરવામાં આવ્યા હતા કે બંને છૂટાછેડા લેવાના છે. જો કે, આ અહેવાલોમાં કોઈ સત્ય નથી અને ન તો કોઈ સત્તાવાર જાહેરાત થઈ છે. આ વચ્ચે અમિતાભ બચ્ચને તેમના બ્લોગ પર એક નોંધ શેર કરી છે. દરેક વ્યક્તિ સારી રીતે જાણે છે કે જ્યારે પણ અમિતાભ બચ્ચનને પોતાના દિલની વાત વ્યક્ત કરવી હોય છે ત્યારે તેઓ બ્લોગ પોસ્ટનો સહારો લે છે.
અમિતાભ બચ્ચને બ્લોગમાં તેણે જે પણ લખ્યું છે જે હવે સમાચારોમાં છે. એવો દાવો કરવામાં આવી રહ્યો છે કે બિગ બીએ તેમના બ્લોગ દ્વારા તેમના પુત્ર અને પુત્રવધૂના સંબંધોને લઈને ચાલી રહેલી અટકળો પર પહેલીવાર પોતાનું મૌન તોડ્યું છે. બિગ બીએ એમ કહીને બ્લોગની શરૂૂઆત કરી હતી કે, જીવનમાં તેની હાજરી પર વિશ્વાસ કરવા માટે ઘણી હિંમત, દૃઢ વિશ્વાસ અને પ્રામાણિકતાની જરૂૂર પડે છે. હું મારા પરિવાર વિશે બહુ ઓછું બોલું છું કારણ કે તે મારું ડોમેન છે. હું તેની ગોપનીયતા જાળવી રાખું છું.
અટકળો એ માત્ર અટકળો છે અને કોઈપણ ચકાસણી કર્યા વિના તેને સત્ય તરીકે સ્વીકારવું અત્યંત ખોટું છે અને સફેદ અસત્ય સમાન છે. જેઓ તેમની ચકાસણી માટે કહે છે તેમની રજૂઆતને હું પડકારીશ નહીં. અમિતાભ બચ્ચનની આ બ્લોગ પોસ્ટ પરથી સરળતાથી અનુમાન લગાવી શકાય છે કે તેઓ કોના વિશે વાત કરી રહ્યા છે. જોકે, બિગ બીએ પોસ્ટમાં કોઈ નામનો ઉલ્લેખ કર્યો નથી. અમિતાભના આ નિવેદન બાદ એવું લાગી રહ્યું છે કે હાલમાં ઐશ્વર્યા રાય અને અભિષેકના છૂટાછેડાના સમાચાર માત્ર અફવા છે.