યુદ્ધવિરામ અમલમાં આવ્યા બાદ ગાઝા ફરી એકવાર હચમચી ઉઠ્યું છે. ઇઝરાયલી ગોળીબારમાં ઓછામાં ઓછા 23 પેલેસ્ટિનિયનો માર્યા ગયા. મૃતકોમાં મોટાભાગની મહિલાઓ અને બાળકો છે. ઇઝરાયલનો દાવો છે કે આતંકવાદીઓના ગોળીબારમાં તેનો એક સૈનિક ગંભીર રીતે ઘાયલ થયો હતો, જેના કારણે જવાબી કાર્યવાહી કરવામાં આવી. હોસ્પિટલના અધિકારીઓના જણાવ્યા અનુસાર, મૃતકોમાં સાત મહિલાઓ અને પાંચ બાળકોનો સમાવેશ થાય છે.
હોસ્પિટલે અહેવાલ આપ્યો છે કે સવારે ઉત્તરી ગાઝાના તુફાહ વિસ્તારમાં ઇઝરાયલી સૈનિકોએ એક ઇમારત પર ગોળીબાર કર્યો હતો, જેમાં ઓછામાં ઓછા 11 લોકો માર્યા ગયા હતા, જેમાંથી મોટાભાગના એક જ પરિવારના સભ્યો હતા.
10 ઓક્ટોબર, 2025 ના રોજ યુદ્ધવિરામ અમલમાં આવ્યા પછી આ નવીનતમ પેલેસ્ટિનિયન મૃત્યુઆંક છે. ગાઝા આરોગ્ય મંત્રાલયના જણાવ્યા અનુસાર, કરાર અમલમાં આવ્યા પછી ઇઝરાયલી ગોળીબારમાં આજ સુધીમાં કુલ 73000થી વધુ પેલેસ્ટિનિયનો માર્યા ગયા છે. ગાઝા શહેરની શિફા હોસ્પિટલના ડિરેક્ટર ડો. મોહમ્મદ અબુ સેલમિયાએ ફેસબુક પોસ્ટમાં જણાવ્યું હતું કે ગાઝા પટ્ટીમાં આપણા લોકો સામે નરસંહાર યુદ્ધ ચાલુ છે. યુદ્ધવિરામ ક્યાં છે? મધ્યસ્થી ક્યાં છે?
ઇજિપ્તથી ગાઝા પટ્ટી પરત ફરતા પેલેસ્ટિનિયનોનું બીજું જૂથ મંગળવારે ઇજિપ્ત અને ગાઝાને જોડતા રફાહ ક્રોસિંગ પર પહોંચ્યું. ઇજિપ્તના રાજ્ય સંચાલિત અલ-કાહેરા ન્યૂઝ ટીવીએ આ અહેવાલ આપ્યો. સોમવારે ક્રોસિંગ ફરી ખુલ્યું. અહેવાલો અનુસાર, આ જૂથ ગાઝા પાછા ફરતા પહેલા પ્રવેશ પ્રક્રિયાઓ પૂર્ણ કરવા માટે દિવસની શરૂૂઆતમાં ક્રોસિંગની ઇજિપ્તીયન બાજુ પહોંચ્યું હતું. તેઓએ અગાઉ ઇજિપ્તીયન હોસ્પિટલોમાં તબીબી સારવાર લીધી હતી.
રવિવારે પ્રારંભિક અજમાયશ પછી, ઇઝરાયલ અને હમાસ વચ્ચેના યુદ્ધવિરામ કરારના બીજા તબક્કાના ભાગ રૂૂપે, મે 2024 પછી પહેલી વાર સોમવારે ક્રોસિંગની પેલેસ્ટિનિયન બાજુ સત્તાવાર રીતે ફરીથી ખોલવામાં આવી. ઇજિપ્તના આરોગ્ય મંત્રાલયે જણાવ્યું હતું કે સરહદ ફરી ખુલ્યા પછી ઘાયલ પેલેસ્ટિનિયનો અને દર્દીઓને લેવા માટે 150 હોસ્પિટલોમાં લગભગ 12,000 ડોકટરો તૈયાર છે.
ગાઝાના આરોગ્ય અધિકારીઓના જણાવ્યા અનુસાર, ઇઝરાયલ અને હમાસ વચ્ચે બે વર્ષના સંઘર્ષ પછી 10 ઓક્ટોબર, 2025 ના રોજ એક નબળો યુદ્ધવિરામ અમલમાં આવ્યો હતો, જેમાં ઓછામાં ઓછા 71,800 પેલેસ્ટિનિયનો માર્યા ગયા હતા અને 171,500 થી વધુ ઘાયલ થયા હતા.