Connect with us

આંતરરાષ્ટ્રીય

વિશ્ર્વની સૌથી કિંમતી ચોકલેટ લાખ રૂપિયાની 100 ગ્રામ

Published

on

  • ઇક્વાડોરમાં ખાસ પ્રકારના કોકો બિન્સમાંથી બને છે

ઇક્વાડોરમાં એક ખાસ પ્રકારના કોકો બીન્સમાંથી બનતી ટોઆક ચોકલેટને તાજેતરમાં વિશ્વની સૌથી મોંઘેરી ચોકલેટનું બિરુદ મળ્યું છે. આ ચોકલેટ કદાચ વિશ્વની સૌથી મોંઘી નથી, પરંતુ એ ખૂબ વેલ્યુએબલ છે, કેમ કે જેમાંથી એ બને છે એ નેસિઓનલ કોકોનાં વૃક્ષ ઇક્વાડોરના માત્ર 14 ખેતરોમાં જ ઊગે છે. વિશ્વમાં કોસ્ટલીએસ્ટ ચોકલેટ્સ બીજી ઘણી છે; જેમાં ટ્રફલ્સ, ગોલ્ડ વગેરે ઉમેરવામાં આવે છે, પણ ટોઆક ચોકલેટમાં આવાં કોઈ જ ગિમિક નથી.

એ નેચરલ નેસિઓનલ કોકોબીન્સમાંથી બનેલી સિલ્કી ચોકલેટ છે. ટોઆક ચોકલેટ બનાવતી કંપનીનો દાવો છે કે આ વિશ્વમાં મળતી ધ મોસ્ટ એક્સ્પેન્સિવ નેચરલ ચોકલેટ છે. ટેક્નિકલી એ સાચું પણ છે, કેમ કે આ ચોકલેટનો 100 ગ્રામનો એક બાર લગભગ 99,500 રૂૂપિયાનો છે. નેસિઓનલ કોકો પ્લાન્ટ હવે લગભગ પૃથ્વી પરથી વિલુપ્ત થઈ રહ્યા છે ત્યારે આ કંપની ઇક્વાડોરની પિએડ્રા વેલીમાં માત્ર આંગળીના વેઢે ગણી શકાય એટલાં ખેતરોમાં ઊગતાં જિનેટિકલી પ્યોર વૃક્ષોના કોકોબીન્સ જ વાપરતી હોવાનો દાવો કરે છે. પહેલાં તેઓ આ કોકોબીન્સની ઓરિજિનલિટી ટેસ્ટ કરાવે છે અને પછી જ વાપરે છે. જોકે એને કારણે તેઓ ખૂબ ઓછી માત્રામાં ચોકલેટ બનાવી શકે છે અને એ બનાવવાનો ખર્ચ પણ સારોએવો છે. જેમ વ્હીસ્કી જેટલી જૂની એટલી વધુ સ્વાદિષ્ટ કહેવાય છે એમ આ ટોઆક ચોકલેટ પણ ચોક્કસ સમય સુધી એજિંગ પ્રોસેસમાંથી પસાર થાય એ પછી જ એની ટિપિકલ ફ્લેવર ડેવલપ કરે છે.

આંતરરાષ્ટ્રીય

અમેરિકામાં પત્નીની હત્યામાં ફરાર ગુજરાતી પર અઢી લાખનું ઇનામ

Published

on

By

યુનાઇટેડ સ્ટેટ્સના ફેડરલ બ્યુરો ઓફ ઇન્વેસ્ટિગેશન (FBI)એ ટોપ 10 મોસ્ટ વોન્ટેડની યાદી જાહેર કરી છે. આ યાદીમાં અમદાવાદના વિરમગામના રહેવાસી ભારતીય નાગરિક ભદ્રેશકુમાર પટેલનું નામ પણ છે. FBIએ તેના પર અઢી લાખ ડોલરનું ઈનામ રાખ્યું છે. એફબીઆઈએ એક્સ પર પોસ્ટ કરીને આ વિશે માહિતી આપી છે. ઉલ્લેખનીય છે કે ભદ્રેશ કુમાર પટેલ 2015થી ફરાર છે જ્યારે તેણે મેરીલેન્ડ રાજ્યના હેનોવરમાં ડંકિન ડોનટ્સ કોફી શોપની અંદર તેની પત્ની પલકની કથિત રીતે હત્યા કરી હતી.

અહેવાલો અનુસાર, તે સમયે ભદ્રેશ કુમાર પટેલની ઉમર 24 વર્ષ હતી, તેણે રસોડામાં ચપ્પા વડે તેની 21 વર્ષીય પત્નીના ચહેરો પર ઘા માર્યા હતા અને દુકાનના પાછળના રૂૂમમાં જ્યાં તેઓ બંને કામ કરતા હતા ત્યાં પણ ઘણી વખત ચપ્પાના ઘા માર્યા હતા. આ ઘટના જે સમયે બની હતી ત્યારે ઘણા ગ્રાહકો ઘટનાસ્થળ પર હાજર હતા. WTOP રિપોર્ટ અનુસાર હત્યાના લગભગ એક મહિના પહેલા દંપતીના વિઝા પૂરા થઈ ગયા હતા, અને તપાસકર્તાઓ માનવું હતું કે ભદ્રેશ કુમારની પત્ની પલક પટેલ ભારત પરત ફરવા માંગતી હતી, પરંતુ તેના પતિએ તેનો વિરોધ કર્યો હતો. ઉલ્લેખનીય છે કે FBIભદ્રેશ પટેલને સશસ્ત્ર અને અત્યંત ખતરનાક ગુનેગાર માને છે.
અગાઉ પણ એફબીઆઈએ ભદ્રેશની ધરપકડ કરવામાં મદદ કરવા બદલ એક યાદી અને ઈનામ જાહેર કર્યું હતું. વર્ષ 2017માં માહિતી માટે 100,000 ડોલરના ઈનામ સાથે યાદી પ્રસિદ્ધ કરવામાં આવી હતી, પરંતુ તે હજી પણ ફરાર છે. એપ્રિલ 2015માં, 24 વર્ષીય પટેલ અને તેની પત્ની પલક, ડંકિન ડોનટ્સ સ્ટોરમાં નાઈટ શિફ્ટમાં કામ કરતા હતા. ગુનાની રાતના સીસીટીવી ફૂટેજમાં ભદ્રેશ અને પલક રેકની પાછળ ગાયબ થતા પહેલા સ્ટોરના કિચન તરફ સાથે ચાલતા જોવા મળ્યા હતા

Continue Reading

આંતરરાષ્ટ્રીય

બલૂચિસ્તાનમાં ભયાનક આતંકી હુમલો, બસમાંથી ઉતારી 11 લોકોને વિંધી નાખ્યા

Published

on

By

પાકિસ્તાનના અશાંત બલૂચિસ્તાન પ્રાંતમાં કાલે અજાણ્યા આતંકવાદીઓ દ્વારા નવ બસ મુસાફરો સહિત ઓછામાં ઓછા 11 લોકોની હત્યા કરવામાં આવી છે.
પ્રથમ ઘટનામાં, સશસ્ત્ર માણસોએ નોશકી જિલ્લામાં હાઇવે પર બસ રોકી હતી અને બંદૂકની અણીએ 11 માણસોનું અપહરણ કર્યું હતું, પોલીસે જણાવ્યું હતું. આ નવ માણસોના મૃતદેહો પાછળથી એક પુલ નજીક નજીકના પર્વતીય વિસ્તારોમાં ગોળીઓના ઘા સાથે મળી આવ્યા હતા, બસ ક્વેટાથી તફ્તાન જઈ રહી હતી જ્યારે સશસ્ત્ર માણસોએ તેને રોકી અને મુસાફરોની ઓળખ કર્યા પછી નવ માણસોને પર્વતીય વિસ્તારોમાં લઈ ગયા.

એક અલગ ઘટનામાં એ જ હાઈવે પર એક કાર પર ફાયરિંગ કરવામાં આવ્યું હતું જેમાં બે મુસાફરોના મોત થયા હતા અને અન્ય બે ઘાયલ થયા હતા. બલૂચિસ્તાનના મુખ્યમંત્રી મીર સરફરાઝ બુગતીએ કહ્યું કે નોશ્કી હાઈવે પર 11 લોકોની હત્યામાં સામેલ આતંકવાદીઓને માફ કરવામાં આવશે નહીં અને ટૂંક સમયમાં તેનો શિકાર કરવામાં આવશે.

કોઈપણ પ્રતિબંધિત સંગઠને આ હત્યાઓની જવાબદારી સ્વીકારી નથી પરંતુ આ વર્ષે તાજેતરના અઠવાડિયામાં પ્રાંતમાં પ્રતિબંધિત સંગઠનો અને આતંકવાદીઓ દ્વારા આતંકવાદી હુમલાઓમાં વધારો થયો છે જેમાં સુરક્ષા દળો અને સ્થાપનોને પણ નિર્દયતાથી નિશાન બનાવવામાં આવ્યા છે.

Continue Reading

આંતરરાષ્ટ્રીય

ઑસ્ટ્રેલિયાના મૉલમાં અંધાધૂંધ ફાયરિંગ અને છરાબાજી, હુમલાખોર સહીત ૬ લોકોના મોત, અનેક ઘાયલ

Published

on

By

 

 

ઓસ્ટ્રેલિયામાંથી એક મોટા સમાચાર સામે આવી રહ્યા છે. ઓસ્ટ્રેલિયાના સિડનીના એક શોપિંગ સેન્ટરમાં ગોળીબાર અને છરાબાજી બાદ આ 6 લોકોની હત્યા કરવામાં આવી હતી. સિડની પોલીસ આ ઘટનાને આતંકવાદી હુમલો માની રહી છે. હુમલા બાદ મોલમાં અરાજકતા ફેલાઈ ગઈ હતી. પોલીસ ઘટનાસ્થળે પહોંચી હતી અને મોલમાં ફસાયેલા હજારો લોકોને બહાર કાઢવામાં આવ્યા હતા. ઘાયલોને સ્થાનિક હોસ્પિટલમાં દાખલ કરવામાં આવ્યા છે.

ન્યૂ સાઉથ વેલ્સ સ્ટેટ પોલીસે જણાવ્યું કે સમગ્ર મોલને કોર્ડન કરી લેવામાં આવ્યો છે. મળતી માહિતી મુજબ બે હુમલાખોરો હતા જેમાંથી એક માર્યો ગયો છે. જ્યારે અન્ય એકની શોધખોળ ચાલુ છે. સ્થાનિક મીડિયાના અહેવાલો મુજબ, આ ઘટના વેસ્ટફિલ્ડ બોન્ડી જંક્શન શોપિંગ સેન્ટર માં બની હતી. ગોળીબારનો અવાજ પણ સંભળાયો હતો. ઘટનાના એક સાક્ષીઓએ જણાવ્યું હતું કે પોલીસ દ્વારા ગોળી ચલાવવામાં આવે તે પહેલાં એક વ્યક્તિએ મહિલા અને તેના બાળક સહિત દુકાનદારોને ચપ્પા વડે હુમલો કરીને ઉપરા છાપરી ઘા મારી દીધા હતા. અહેવાલો અનુસાર, મોલમાં ચાર લોકો પર ચપ્પા વડે હુમલો કરવામાં આવ્યો હતો. પોલીસ દ્વારા હાલ રેસ્ક્યુ ઓપરેશન હાથ ધરવામાં આવી રહ્યું છે.

સિડની પોલીસના જણાવ્યા અનુસાર હુમલાખોરોનો હેતુ સંભવતઃ દુકાનદારોને નિશાન બનાવવાનો હતો. મોલ કેમ્પસમાં ઇમરજન્સી સેવાઓ પુનઃસ્થાપિત કરવામાં આવી છે. લોકોને સલામત સ્થળોએ રહેવા સૂચનાઓ આપવામાં આવી છે. હાલમાં મોલ બંધ કરી દેવામાં આવ્યો છે અને પોલીસે લોકોને આ વિસ્તારથી દૂર રહેવાની વિનંતી કરી છે. બનાવ સંદર્ભે પોલીસ તપાસ કરી રહી છે. પોલીસ તપાસ કરી રહી છે કે હુમલો ક્યાંથી થયો અને તેની માંગણી શું હતી.

Continue Reading

Trending