Connect with us

ગુજરાત

ભાવનગરના શોભાવડ ગામે બે જૂથ વચ્ચે શસસ્ત્ર ધીંગાણુ

Published

on


ટ્રેકટરમા ટેપ ધીમું વગાડવાનુ ટ્રેક્ટરના ચાલકને કહેવા જેવી સામન્ય બાબતને લઈ ગઈકાલ રાત્રે ભાવનગર જિલ્લાના તળાજાના શોભાવડ ગામે જૂની કામરોલ અને શોભાવડ ગામના બે જૂથ સામસામે આવી ગયા હતા.હાથ લાગ્યું તે હથિયાર સમજી ને એકબીજા પર હુમલો કર્યો હતો.જેને લઈ થોડો સમયતો ચુસ્ત બંદોબસ્ત જાળવવા માટે પોલીસ ટૂંકી પડતા હોમગાર્ડ ની મદદ લેવી પડી હતી.બંને જૂથના ટોળા પોત પોતાના વિસ્તાર, હોસ્પિટલમા વળ્યાં હતા. ઇજા ગ્રસ્તોને અહીંની સરકારી,ખાનગી અને જરૂૂર જણાયે વધુ સારવાર માટે ભાવનગર રીફર કરવાની ફરજ પડી હતી.પંદરેક વ્યક્તિ ને થયેલ ઇજાને લઈ પોલીસે કુલ 22 વ્યક્તિઓ જીવલેણ હુમલા સહિતની કલમો મુજબ ગુન્હો નોંધી સાંજ સુધીમાં 14 આરોપીઓની ધરપકડ કરી હથિયારો કબ્જે લઈ કડક કાર્યવાહી એસ.પીના આદેશ મુજબ કરી છે.


તળાજા પંથકમાં ચકચાર માચાવતા બનાવ ની મળતી વિગતો મુજબ ગઈકાલ રાત્રે લગભગ સાડા નવેક વાગ્યાબાદ જુના શોભાવડ ગામમાં ટ્રેકટર લઈ ને કડબ નાખવા માટે ટ્રેકટર ચાલક શક્તિ શંકરભાઈ ભીલ અને ટ્રેકટર માલિક અને હરપાલસિંહ પ્રવીણસિંહ સરવૈયા આવેલ હતા.તેઓ શોભાવડ ગામના બિલાલભાઈ ની દુકાને પાન માવો ખાવા ઉભા રહેલ તે સમયે દર્શન અને અંકિત ભરવાડ આવેલ.ટ્રેકટર મા વાગતું ટેપ ધીમું વગાડવા ની શક્તિ ભીલ ને કહેલ તે બાબત મૂળ ઝઘડાનું કારણ બની હતી.


જેને લઈ બંને જૂથો સામસામે આવી ગયાહતા.
બનાવ ને લઈને જૂની કામરોળ ગામના હરપાલસિંહ પ્રવીણસિંહ સરવૈયા ઉ.વ.29 એ જુના શોભાવડ ગામના અગિયાર ઈસમો દર્શન, અંકિત, સંતોષ, ગોપાલ,અનિલ, ધનાભાઈ, દેવાભાઈ, વિપુલભાઈ, ગોબરભાઈ જીણાભાઈ ચોસલા, હિંમતભાઈ જેસાભાઈ અને જીણાભાઈ ટેમ્પા વાળા વિરુદ્ધ ફરિયાદ આપી છે. જેમાં પથર અને બોથડ તથા તીક્ષ્ણ હથિયારો ધારણ કરી એક સંપ કરી ને આવી દશરથસિંહ સહદેવસિંહ, પૃથ્વીસિંહ મહેન્દ્રસિંહ, ચેતનસિંહ પ્રદ્યુમનસિંહ, કુલદીપસિંહ ઘોઘુભા, સૂર્યદીપસિંહ ધર્મેન્દ્રસિંહ, મયૂરસિંહ પ્રદ્યુમનસિંહ, યુવરાજસિંહ, સિદ્ધરાજસિંહ, ટ્રેક્ટરના ચાલક શક્તિ શંકરભાઈ ભીલને હેડ ઈંજરીથી લઈ મૂંઢમાર સુધીની ઇજાઓ થતા તળાજા ની સદવિચાર જનરલ હોસ્પિટલમાં સારવાર અર્થે અને વધુ ઇજાગ્રસ્ત ને ભાવનગર ખસેડવામાં આવ્યા ની ફરિયાદ આપી છે.


સામા પક્ષે પરેશ ભોળાભાઈ ચોસલા. ઉ.વ.33 રે.જુના શોભાવડ એ જૂની કામરોલ ગામના 11 વ્યક્તિ શક્તિભાઈ, હરપાલસિંહ, સિદ્ધરાજસિંહ, દશરથસિંહ સહદેવસિંહ, પૃથ્વીરાજસિંહ મહેન્દ્રસિંહ, ચેતનસિંહ પ્રદ્યુમનસિંહ, મયૂરસિંહ પ્રદ્યુમનસિંહ, કુલદીપસિંહ ઘોઘુભા, યુવરાજસિંહ, કાનભા મહેન્દ્રસિંહ, લક્કીરાજસિંહ નોંઘુભા વિરુદ્ધ ભરવાડ સમાજના ધનાભાઈ ચિથરભાઈ ચોસલા, દેવાભાઈ ભૂરાભાઈ, વિપુલભાઈ ધારાભાઈ, વિશાલ રાણાભાઈ, ધીરુભાઈ અને જેસાભાઈ તથા ફરિયાદી પોતાને ઇજા કર્યાની ફરિયાદ નોંધાવી છે.


ઇન્વેસ્ટિગેશન ઓફિસર ડી.યૂ.સુનેસરા એ જણાવ્યું હતુ કે સાંજન 7.30 સુધીમાં 22 પૈકીના 14 આરોપીઓને ફરિયાદ મુજબના હથિયારો સાથે ઝડપી લેવામાં આવ્યા છે.જે ઇજાગ્રસ્ત છે તેઓને હોસ્પિટલથી રજા આપવામાં આવશે બાદ ધરપકડ કરવામાં આવશે.એલ.સી.બી,તળાજા,મહુવા પોલીસની સંયુક્ત ટીમ દ્વારા આરોપીઓની ધરપકડ થી લઈ આવતીકાલે કોર્ટમાં રજૂ કરવા,બંદોબસ્ત જાળવવા સુધીની કાર્યવાહી કરવામાં આવી છે. બનાવને લઈ જિલ્લા પોલીસ વડા એ પણ મુલાકાત લઈ કડક કાર્યવાહીના આદેશ આપેલ હતા. સ્થળ મુલાકાત દરમિયાન રોડ પર જીવલેણ હુમલો કરવાના ઇરાદે મરચા પાઉડર નો ઉપયોગ થયો હોવાનું જોવા મળેલ હતું.

પોલીસે કલમ અને આરોપીઓને લઈ બેલેન્સ જાળવ્યું

જૂથ અથડામણને લઈ પોલીસ ઉપર એલિગેશન ન થાય તે માટે પોલીસે બંને પક્ષે 11-11 વ્યક્તિઓ વિરુદ્ધ ગુન્હો નોંધ્યો છે.કુલ બાવીસ આરોપીઓ છે. બંને પક્ષ વિરુદ્ધ કલમ 307, 323, 337, 504, 506(2), 114, 143, 147, 148 અને 149 મુજબ કાર્યવાહી કરી છે.આવતીકાલે ઝડપાયેલા તમામ આરોપીઓને તળાજા કોર્ટમાં રજૂ કરવામાં આવશે. ઉલ્લેખનીય છેકે બનાવના પગલે રાત્રે થોડો સમય પોલીસ ઓછી પડી હતી. જેને લઈ રેફરલ હોસ્પિટલ ખાતે હોમગાર્ડ સિવાય કોઈ બંદોબસ્તમા જોવા મળ્યું ન હતું. એ.એસ.પી જૈન,મહુવા,એલ.સી.બી ની ટીમ સહિતનો પોલીસ કાફલો આવ્યા બાદ મહુવા ચોકડીએ આવેલ તમામ દુકાનો બંધ કરાવી હતી. શોભાવડ જતા રોડ પર પણ ચુસ્ત બંદોબસ્ત ગોઠવી દેવામાં આવ્યો હતો.

ગુજરાત

રાજકોટના TRP ગેમ ઝોનમાં લાગી ભીષણ આગ, અનેક લોકો ફયાસા હોવાની આશંકા, જુઓ વિડીયો

Published

on

By

રાજકોટ શહેરમાંથી એક મોટા સમાચાર સામે આવી રહ્યા છે. રાજકોટના નાના મવા રોડ પર આવેલા TRP ગેમઝોનમાં ભીષણ આગ લાગી છે. ગેમઝોનમાં લોકો ફસાયા હોવાની શંકા વ્યક્ત કરવામાં આવી છે. આગ લાગતા ત્યાં હાજર પ્રત્યક્ષદર્શીએ દાવો કર્યો છે કે 10થી 12 લોકોને બહાર કાઢવામાં આવ્યા છે. આગ લાગતા ફાયરબ્રિગેડની 8 ટીમો ઘટનાસ્થળ પર પહોંચી છે. આગના ધૂમાડા 3 કિલોમીટર સુધી દેખાઈ રહ્યા છે. ફાયરબ્રિગેડ અને એમ્બ્યુલન્સ ઘટનાસ્થળ પર હાજર છે. ગેમઝોનમાં આગ લાગવાનું કારણ હજુ સુધી બહાર નથી આવ્યું. પ્રાપ્ત માહિતી અનુસાર ૨ બાળકોના મોત થયા હોવાનું સામે આવ્યું છે.

રાજકોટ શહેર ભાજપ પ્રમુખ મુકેશ દોશીએ આગના બનાવને પગલે ઘટનાસ્થળે દોડી ગયા હતા. તેમણે જણાવ્યું હતું કે, થોડીવાર પહેલા આગના બનાવની જાણ થતાં આવ્યો છું. આવ્યા પછી ગંભીરતા જોતા લાગે છે કે કાંઈક જાનહાનિ થઈ છે, ઈશ્વરને પ્રાર્થના કે બધા સલામત રીતે બહાર આવે. બાળક કે કોઈ વાલીને કોઈ નુકસાન ન થાય. અંદર કેટલા છે એની માહિતી નથી મળી રહી. હાલની પ્રાયોરિટી આગ બુઝાવવાની છે અને સલામત લાવવાની. જવાબદારોને છોડવામાં નહીં આવે તેની ખાતરી આપું છું. તંત્રમાં અધિકારીઓ જવાબદાર હશે તેમને કોઈ બાંધછોડ ન કરાય.

https://www.facebook.com/reel/323686807288108

Continue Reading

ગુજરાત

એક દી’માં 18.70 કરોડની વિક્રમી વેરા વસૂલાત

Published

on

By

દોઢ માસમાં 2.57 લાખ કરદાતાઓએ રૂા.181 કરોડ કોર્પોરેશનની તિજોરીમાં ઠાલવ્યા

રાજકોટ મહાનગરપાલિકા દ્વારા હાલ નવા નાણાકીય વર્ષના શરૂૂઆતના તબક્કાથી જ વેરા વસુલાત ઝુંબેશ મ્યુનિસિપલ કમિશ્નર આનંદ પટેલના આદેશ તથા નાયબ મ્યુનિસિપલ કમિશ્નરશ્રી ચેતન નંદાણીના નેતૃત્વમાં હાથ ધરવામાં આવી છે. જેમાં રાજકોટ મહાનગરપાલિકાની વેરા વસુલાત શાખાના સહાયક કમિશનર સમીર ધડુકના માર્ગદર્શનમાં ઝુંબેશના રૂૂપમાં મિલકત વેરા વસુલાતની કામગીરી કરવામાં આવી રહી છે. જે અન્વયે વિવિધ સરકારી વિભાગો તેમજ ત્રણેય ઝોન કક્ષાએ મેનેજર-ટેક્ષ દ્વારા શહેરમાં વેરા વસુલાતની કામગીરી દરમ્યાન તા.24/05/2024ના રોજ સાંજે 6:00 વાગ્યા સુધીમાં (એક જ દિવસમાં) રાજકોટ મહાનગરપાલિકામાં અંદાજીત રૂૂ. 18.70 કરોડ વિક્રમી વેરાની વસુલાત થયેલ છે. દરમ્યાન રાજકોટ મહાનગરપાલિકા દ્વારા તા.08/04/2024થી તા.24/05/2024 દરમ્યાન 257559 કરદાતાઓએ રૂૂ.181.30 કરોડનો વેરો ભરપાઈ કર્યો છે.


આજની આ વેરા વસુલાત ઝુંબેશ દરમ્યાન શહેરના વિવિધ સ્થળોએ રહેલા મોબાઇલ ટાવરના ટેક્સ પેટે રૂૂ.6.64 કરોડની વસુલાત થયેલ છે.


જયારે હાઈ વેલ્યુ ટેક્સ પેયર પાસેથી રૂૂ.8.90 કરોડના વેરાની રકમ વસુલ કરવામાં આવેલ છે. હાલ અર્લી બર્ડ ડિસ્કાઉન્ટ સ્કીમ ચાલી રહી છે જે અન્વયે 31-મે સુધીમાં એડવાન્સ વેરો ભરપાઈ કરનાર કરદાતાને મળવાપાત્ર મહત્તમ 22% ડિસ્કાઉન્ટ મેળવવા મ્યુનિસિપલ કમિશ્નરશ્રી આનંદ પટેલ દ્વારા અનુરોધ કરવામાં આવે છે.

Continue Reading

ગુજરાત

સિનિયર ફોટોગ્રાફરના પુત્ર અને બજાજ કેપિટલના બ્રાંચ મેનેજરનું હાર્ટએટેકથી મૃત્યુ

Published

on

By


રાજકોટ સહિત રાજ્યભરમાં કાળઝાળ ગરમી વચ્ચે હૃદયરોગના હુમલાનો ખતરો યથાવત હોય તેમ અનેક માનવ જીંદગી કાળના ખપરમાં હોમાઈ રહી છે ત્યારે વધુ એક કરૂણ ઘટનામાં રાજકોટના સિનિયર ફોટોગ્રાફરના પુત્ર અને બજાજ કેપીટલના બ્રાંચ મેનેજરનું હૃદયરોગના હુમલાથી મૃત્યુ નિપજ્યું હતું. યુવકના મોતથી બે માસુમ બાળકોએ પિતાનું છત્ર ગુમાવતા પરિવારમાં અરેરાટી સાથે કરૂણ કલ્પાંત સર્જાયો હતો.

આ બનાવ અંગે પોલીસમાંથી જાણવા મળતી વિગત મુજબ, રાજકોટમાં માધાપર ચોકડી પાસે સ્વામીનારાયણ મંદિર પાછળ આવેલ જીહિત પાર્કમાં રહેતા સિનિયર ફોટોગ્રાફર પ્રવિણભાઈ સેદાણીના પુત્ર અને બજાજ કેપિટલના બ્રાંચ મેનેજર સંદીપભાઈ પ્રવિણભાઈ સેદાણી (ઉ.39) પોતાના ઘરે હતાં ત્યારે બપોરના બારેક વાગ્યાના અરસામાં બેભાન હાલતમાં ઢળી પડયા હતાં. યુવકને બેભાન હાલતમાં તાત્કાલીક સારવાર માટે સિવિલ હોસ્પિટલમાં ખસેડવામાં આવ્યા હતાં. જ્યાં ફરજ પરના તબીબે સંદીપભાઈ સેદાણીનું હૃદયરોગના હુમલાથી મૃત્યુ નિપજ્યું હોવાનું જાહેર કરતાં પરિવારમાં અરેરાટી સાથે ગમગીની છવાઈ જવા પામી હતી. જાણ થતાં સેદાણી પરિવાર અને પત્રકારો સિવિલ હોસ્પિટલ ખાતે પરિવારને શાંત્વના પાઠવવા દોડી ગયા હતાં.
પ્રાથમિક પુછપરછમાં મૃતક સંદીપભાઈ સેદાણીના પિતા રાજકોટના ‘જય હિન્દ’ ન્યુઝ પેપરમાં સિનિયર ફોટોગ્રાફર તરીકે ફરજ બજાવે છે. મૃતક સંદીપભાઈ સેદાણી બે ભાઈમાં મોટા હતાં અને તેમને સંતાનમાં એક પુત્ર અને એક પુત્રી છે. સંદીપભાઈ સેદાણી બજાજ કેપિટલમાં બ્રાંચ મેનેજર તરીકે ફરજ બજાવતાં હતાં. સંદીપભાઈ સેદાણીનું હૃદયરોગના હુમલાથી મોત નિપજ્યું હોવાનું જાણવા મળ્યું છે. આ બનાવ અંગે ગાંધીગ્રામ પોલીસે નોંધ કરી વધુ તપાસ હાથ ધરી છે.

Continue Reading

Trending