Connect with us

Uncategorized

બ્રેસલ્સમાં આતંકી હુમલામાં બે સ્વિડીશ નાગરિકનાં મોત

Published

on

બેલ્જિયમની રાજધાની બ્રસેલ્સમાં બે સ્વીડિશ નાગરિકોની ગોળી મારીને હત્યા કરવામાં આવી છે. સોમવારે સાંજે બંને દેશો વચ્ચે મેચ રમાવાની હતી ત્યારે આ ઘટનાને અંજામ આપવામાં આવ્યો હતો. બેલ્જિયમના વડાપ્રધાને આ ઘટનાને આતંકવાદી ગણાવી છે.
અહેવાલ અનુસાર, હુમલાખોરો ઘટનાને અંજામ આપ્યા બાદ સ્કૂટર પર ફરાર થઈ ગયા હતા અને હજુ પણ પોલીસની પકડમાંથી બહાર છે. આ ઘટના બાદ બેલ્જિયમે બ્રસેલ્સમાં ટેરર એલર્ટ વધારી દીધું છે. દરમિયાન, સોશિયલ મીડિયા પર એક વીડિયો જાહેર કરીને, એક વ્યક્તિએ દાવો કર્યો કે તે બ્રસેલ્સની ઘટનાનો હુમલાખોર છે અને તે ઈસ્લામિક સ્ટેટ (ISIS)નો છે.
બેલ્જિયમના એક અખબારે કહ્યું કે સંભવ છે કે પીડિતો ફૂટબોલ સમર્થકો હતા. બેલ્જિયમ સોમવારે સાંજે યુરો 2024 ક્વોલિફાઇંગ મેચમાં સ્વીડનની યજમાની કરી રહ્યું હતું. સુરક્ષાના કારણોસર મેચ અધવચ્ચે જ અટકાવી દેવામાં આવી હતી.
બેલ્જિયમ પોલીસના પ્રવક્તાએ જણાવ્યું હતું કે રાજધાની બ્રસેલ્સ નજીક ગોળીબારની ઘટનામાં બે લોકો માર્યા ગયા હતા, પરંતુ વધુ વિગતો આપવાનો ઇનકાર કર્યો હતો.
આ સિવાય અખબારની વેબસાઈટ પર એક વીડિયો પણ પોસ્ટ કરવામાં આવ્યો છે, જેમાં નારંગી રંગનું જેકેટ પહેરેલો એક વ્યક્તિ રોડ ઈન્ટરસેક્શન પર સ્કૂટર પર રાઈફલ ચલાવે છે અને પછી બિલ્ડિંગમાં ઘૂસી જાય છે. જે બાદ તે ત્યાંથી ભાગી જાય છે. અખબારે દાવો કર્યો છે કે ત્યાં હાજર સાક્ષીએ કહ્યું કે હુમલાખોરે ગોળીબાર કરતા પહેલા નઅલ્લાહુ અકબરથની બૂમો પાડી હતી.
આ સિવાય જાહેર કરાયેલા વીડિયોમાં કથિત શૂટરે કહ્યું, નસ્ત્રઅલ્લાહુ અકબર. મારું નામ અબ્દેસલામ અલ ગિલાની છે અને હું અલ્લાહ માટે લડી રહ્યો છું. હું ઈસ્લામિક સ્ટેટનો છું. જે અમને પ્રેમ કરે છે તેને અમે પ્રેમ કરીએ છીએ અને અમે તેને નફરત કરીએ છીએ. અમને નફરત કરે છે. અમે અમારા ધર્મ માટે જીવીએ છીએ અને અમે અમારા ધર્મ માટે મરીએ છીએ.
બેલ્જિયમના વડાપ્રધાન એલેક્ઝાન્ડર ડી ક્રૂએ ટ્વીટ કરીને જણાવ્યું કે હુમલો કરાયેલા લોકો સ્વીડિશ હતા. તેણે કહ્યું કે કથિત હુમલાખોરે પોતાનું નામ અબ્દેસલામ અલ-ગુલાની આપ્યું અને પોતાને અલ્લાહ માટે લડવૈયા ગણાવ્યો. આ સિવાય તેણે આ ઘટનાનો ભોગ બનેલા લોકોની સંખ્યા બેને બદલે ત્રણ ગણાવી હતી.

Continue Reading
Click to comment

Leave a Reply

Your email address will not be published. Required fields are marked *

Uncategorized

પ્રાથમિક આરોગ્ય કેન્દ્રો રામભરોસે, ડોકટરોની 1249 જગ્યાઓ ખાલી

Published

on

By

એક તરફ, ગુજરાતમાં શાળાઓમાં વિદ્યાર્થીઓને અભ્યાસ કરાવનારાં શિક્ષકો જ નથી. બીજી તરફ, રાજ્યના પ્રાથમિક આરોગ્ય કેન્દ્રોની પણ આ દશા છે કેમકે, અહીં દર્દીઓની સારવાર કરનારાં ડોક્ટરો નથી. સરકારી આંકડા જ કહે છેકે, ગુજરાતમાં પ્રાથમિક આરોગ્ય કેન્દ્રોમાં આજે 1249 ડોક્ટરોની જગ્યાઓ ખાલી પડી છે.

ઉંચા પગાર સહિતની સવલતોને પગલે ડોક્ટરોને સરકારી દવાખાના-હોસ્પિટલો કરતાં ખાનગી-કોર્પોરેટ હોસ્પિટલમાં નોકરી કરવામાં વધુ રસ છે. ખુદ સરકારે બોન્ડ વસૂલીને કડક સૂચના આપી હોવા છતાંય ડોક્ટરો ફરજ પર હાજર જ થતા નથી. લાખો રૂૂપિયા બોન્ડ આપવા તૈયાર છે પણ ડોક્ટરો ગામડાઓમાં સરકારી હોસ્પિટલમાં નોકરી કરવા ઈચ્છુક નથી. આ સંજોગોમાં એવા ગામડાઓના પ્રાથમિક આરોગ્ય કેન્દ્રોની દશા દયનીય થઈ છે.

વર્ષ 2022ની સ્થિતીએ ગુજરાતમાં ગ્રામિણ આરોગ્ય કેન્દ્રમાં 1376 ડોક્ટરોની જગ્યાઓ સામે માત્ર 127 ડોક્ટરોની જગ્યાઓ ભરાઈ છે. જયારે 1249 ડોક્ટરોની જગ્યાઓ ખાલી પડી છે. આરોગ્ય વિભાગ પણ એ વાત કબૂલી રહ્યું છે કે, ગામડાઓમાં ડોક્ટરો નોકરી કરવા તૈયાર નથી. આ કારણોસર આરોગ્ય કેન્દ્રમાં ડોક્ટરોની જગ્યાઓ ભરાતી નથી. વર્ષ 2005માં પ્રાથમિક-સામૂહિક આરોગ્ય કેન્દ્રનિસંખ્યા કુલ મળીને 7274 હતી તે વર્ષ 2022માં વધીને 9132 સુધી પહોંચી છે. સરકારે કોન્ટ્રાકટરોને બખ્ખાં કરાવીને આરોગ્ય કેન્દ્રો તો બાંધી દીધા પણ આજેય તેમાં પુરતો સ્ટાફ નથી પરિણામે ડોક્ટરો-સ્ટાફના અભાવે ગામડાના દર્દીઓને સારવાર મેળવવા નાછુટકે શહેરોમાં આવવુ પડે છે.

Continue Reading

Uncategorized

કેડિલાના રાજીવ મોદી સામે સુપ્રીમમાં અરજીના 12 કલાક પહેલાં સમરી ભરી દેવાઇ

Published

on

By

  • દુષ્કર્મ થયા હોવાનો સ્વીકાર પણ રાજીવ સામે પુરાવા ન હોવાનો રીપોર્ટ રજૂ કરાયો, વધુ સુનાવણી બીજી માર્ચે થશે

કેડિલા ફાર્માના CMD વિરુદ્ધ દુષ્કર્મના બલ્ગેરિયન યુવતીના આક્ષેપના મામલે હવે નવો વળાંક આવ્યો છે. સોલા પોલીસ દ્વારા યુવતીની ફરિયાદના સંદર્ભમાં ચીફ જ્યુડિશિયલ મેજિસ્ટ્રેટ સમક્ષ નએથ સમરી ભરી દેવામાં આવી છે.
આ એ સમરીમાં કહેવામાં આવ્યું છે કે, યુવતીએ કરેલી ફરિયાદ તો સત્ય છે પરંતુ આરોપી વિરુદ્ધ કાર્યવાહી કરવા માટેના પૂરતાં પુરાવા મળી આવ્યા નથી. પોલીસના ઉચ્ચ અધિકારીએ પણ એ સમરી ભરી દેવાઇ હોવાનું જણાવ્યું છે. જ્યારે કે પીડિતાના એડવોકેટે જણાવ્યું છે કે સુપ્રીમ કોર્ટમાં સુનાવણીના 12 કલાક પહેલાં એ સમરી ભરી દેતાં સુપ્રીમ સમક્ષનો કેસ અર્થહીન થતાં પરત ખેંચી લેવામાં આવ્યો છે.

અલબત્ત, સમરી રિપોર્ટ મેજિસ્ટ્રેટ દ્વારા હાલ મંજૂર કરવામાં આવ્યો નથી અને હવે આ મામલે બીજી માર્ચના રોજ સુનાવણી રાખવામાં આવી છે.અતિ ચર્ચાસ્પદ આ કેસમાં મળતી માહિતી મુજબ 20મી ફેબ્રુઆરીના રોજ સુપ્રીમ કોર્ટ સમક્ષ બલ્ગેરિયન યુવતીએ સીબીઆઇ તપાસની માંગ કરતી અરજીની સુનાવણીના ઠીક 12 કલાક પહેલાં 19મી ફેબ્રુઆરીએ સોલા હાઇકોર્ટ પોલીસ સ્ટેશને આ પ્રકરણમાં એ સમરી રિપોર્ટ કર્યો હતો.

જેની જાણ ફરિયાદી યુવતીને ઇ-મેઇલના માધ્યમથી કરવામાં આવી હતી અને યુવતીએ એડવોકેટને જાણ કરી હતી. જેથી 20મી ફેબ્રુઆરીના રોજ સુપ્રીમ કોર્ટ સમક્ષ યુવતી તરફથી સીબીઆઇ તપાસની માંગ કરતી અરજી પરત ખેંચી લેવામાં આવી હતી.

બલ્ગેરિયન યુવતીના એડવોકેટ રાજેશ મિશ્રાએ કહ્યું હતું કે પોલીસને અમે તમામ પુરાવા આપ્યા છે અને ખુદ પોલીસે આરોપીની કલાકો સુધી પૂછપરછ કરી છે. તેમ છતાંય કોગ્નિઝેબલ ગુનામાં પુરાવા મળતાં નથી અને તેથી આરોપી વિરુદ્ધ કાર્યવાહી થઇ ન શકે એ મતલબની એ સમરી ભરી છે.

હવે અમે મેજિસ્ટ્રેટ સમક્ષ નએથ સમરી વિરુદ્ધ વાંધા અરજી દાખલ કરીને તેની સામે કેસ લડીશું. બીજી માર્ચે મેજિસ્ટ્રેટ સમક્ષ કેસની મુદત હોવાની જાણ યુવતીને કરી દેવાઇ છે અને તેને સોગંદનામું વગેરે કરવા માટે ભારત આવવા માટેની જાણ કરવામાં આવી છે.

બીજી તરફ એડવોકેટે એમ પણ કહ્યું છે કે, જો પોલીસને તપાસ છતાંય આરોપી સામે કાર્યવાહી કરવા માટેના મજબૂત પુરાવા ન મળ્યા હોય તો હવે અમે વધુ તપાસ અને તપાસને ઈઇઈંને સોંપવાની માગ સાથે હાઇકોર્ટ સમક્ષ કેસ કરીશું.

પોલીસની એ સમરીનો કાયદાકીય અર્થ શું?
એ સમરી રિપોર્ટ પોલીસ ત્યારે કરતી હોય જ્યારે ફરિયાદમાં તો સત્ય હોય છે પરંતુ એ સાબિત થઇ શકે તેમ હોતી નથી. એ સમરીનો કાયદાકીય અર્થ થાય છે કે ગુનો સાચો હોય પણ વણશોધાયેલો હોય. જેમાં આરોપીની જાણ તો હોય પરંતુ તેને મેજિસ્ટ્રેટ સમક્ષ કાર્યવાહી માટે મોકલી શકાય તે માટે પૂરતો પુરાવો ન હોય.

Continue Reading

Uncategorized

મહિલા પ્રીમિયર લીગનો કાલથી પ્રારંભ, 5 ટીમો વચ્ચે 22 મેચ રમાશે

Published

on

By

  • ઉદ્ઘાટન સમારોહમાં કાર્તિક આર્યન સહિતના સ્ટાર્સ જમાવટ કરશે

મહિલા પ્રીમિયર લીગની ટૂર્નામેન્ટ 23 ફેબ્રુઆરીથી 17 માર્ચ સુધી રમાશે. ગત્ત વર્ષની જેમ આ વર્ષે પણ કુલ 5 ટીમ 22 મેચ રમશે. આ વખતે એક મોટો બદલાવ જોવા મળશે. ગત્ત વર્ષે મુંબઈ અને નવી મુંબઈના 2 સ્ટેડિયમમાં આ લીગ રમાઈ હતી.મહિલા પ્રીમિયર લીગની બીજી સીઝન 23 ફેબ્રુઆરીથી શરુ થશે. ગત્ત વખતની વિજેતા મુંબઈ ઈન્ડિયન્સ અને દિલ્હી કેપિટલ્સ વચ્ચે આ ટૂર્નામેન્ટની પહેલી મેચ બેંગ્લુરુના એમ ચિન્નાસ્વામી સ્ટેડિયમમાં રમાશે.આ મેચ પહેલા બીસીસીઆઈએ એક ધમાકેદાર ઉદ્ધાટન સમારોહનું આયોજન કરવા જઈ રહ્યું છે. જેમાં બોલિવુડનો પણ તડકો જોવા મળશે. આ લીગમાં બોલિવુડ અભિનેતા કાર્તિક આર્યન પરફોર્મ કરતો જોવા મળશે. મહિલા પ્રીમિયર લીગનો ઉદ્ધાટન સમારોહ 23ના સાંજે 6:30 કલાકે શરુ થશે. જેમાં કાર્તિક આર્યન સહિત બોલિવુડ સ્ટાર્સ જોવા મળશે.

આ ટૂર્નામેન્ટ 23 ફેબ્રુઆરીથી 17 માર્ચ સુધી રમાશે. ગત્ત વર્ષની જેમ કુલ 5 ટીમ 22 મેચ રમશે. આ વખતે આ લીગની મેજબાની બેંગ્લુરુ અને દિલ્હીને આપવામાં આવી છે. ટૂર્નામેન્ટની શરુઆત 11 મેચ બેંગ્લુરુના રોજ રમાશે. ત્યારબાદ તમામ 5 ટીમ દિલ્હી આવશે. જ્યાં એક એલિમિનેટર સહિત ફાઈનલ મેચ રમાશે. 24 દિવસ સુધી ચાલનારી આ ટૂર્નામેન્ટમાં એક પણ ડબલ હેડર મેચ રમાશે નહિ.,દરરોજ એક જ મેચ થશે. એલિમિનેટર 15 માર્ચે અને ફાઈનલ 17 માર્ચે દિલ્હીમાં રમાશે.

Continue Reading

Trending