Connect with us

અમરેલી

અમરેલીમાં ટીઆરબી જવાનો બાઈક પર બેસી રહેતા ટ્રાફિક સમસ્યા

Published

on

અમરેલી શહેરની મુખ્ય બજારોમાં ટ્રાફિક સમસ્યા એટલી હદે વિકરાળ બનેલ છે કે રાહદારીઓ તેમજ વાહનચાલકોને પસાર થવું મુશ્કેલ બનેલ છે ટીઆરબી જવાનો ટ્રાફિક સમસ્યા હલ કરવાના બદલે બાઈક ઉપર બેસી મુક પ્રેક્ષકો બની રહેલ છે.જાહેર માર્ગો ઉપર આડેધડ પાર્કિંગ અને ફૂટપાથ ઉપર રેકડીઓના જામેલાના કારણે ટ્રાફિક સમસ્યા વકરેલ છે.
અમરેલી શહેરના ટ્રાફિક થી સતત ધમધમતા હાર્દસમા ટાવર રોડ, હરી રોડ,રાજકમલ ચોક,ભીડભંજન મહાદેવ ચોક, પોસ્ટ ઓફિસ, ટેલીફોન ઓફિસ, નાગનાથ બસ સ્ટેશન, શાક માર્કેટ સહિત ના વિસ્તારના જાહેર માર્ગો ઉપર ટ્રાફિક પોલીસ કે ટીઆરબી નું અસ્તિત્વ જ ન હોય તેમ ટ્રાફિક સમસ્યા એ રાહદારીઓને બાન માં લીધેલ છે. આડેધડ વાહન પાર્કિંગ તેમજ રાહદારીઓ માટે ખાસ બનાવવામાં આવેલ ફૂટપાથ પર રેકડીઓના જમેલાના કારણે ટ્રાફિક સમસ્યા વિકરાળ બનેલ છે. શહેરના નાગનાથ બસ સ્ટેન્ડ શાકમાર્કેટ રાજકમલ ચોક ભીડભંજન મહાદેવ ચોક સહિતના સતત ટ્રાફિકથી ધમધમતા પોઇન્ટ ઉપર ટીઆરબી જવાનો રાહદારીઓ વાહન ચાલકો ને ટ્રાફિક સમસ્યા માંથી ઉગારવાના બદલ બાઈક ઉપર બેસી મોબાઇલમાં મસ્ત બની રાહદારીઓને ટ્રાફિક સમસ્યાને હવાલે કરી રહેલ હોય તેવા દ્રશ્યો સામે આવી રહેલ છે. શહેરના રાજકમલ ચોક થી ટાવર સુધીના મુખ્ય રોડ ઉપર એક સમયે ટ્રાફિક સમસ્યા ઝીરો હતી જ્યારે આજે ટ્રાફિક સમસ્યાની હાર માળા વચ્ચે રાહદારીઓ વાહન ચાલકો અટવાઈ ગયેલ છે.

અમરેલી

અમરેલીની એક્સિસ બેંકમાં બનાવટી દસ્તાવેજથી 18 શખ્સોએ રૂા. 1.72 કરોડની લોન લઈ લીધી

Published

on

By

 

  • એક શખ્સ રૂા. 20 લાખની લોન લેવા આવ્યો ને કૌભાંડનો ભાંડો ફૂટ્યો, 1.56 કરોડની ચીટિંગની ફરિયાદ

અમરેલીની એક્સિસ બેન્કની લોન ડિપાર્ટમેન્ટ શાખામાંથી છેલ્લા ત્રણ વર્ષમાં બે મહિલા સહીત અઢાર શખ્શોએ બનાવટી દસ્તાવેજો રજુ કરી રૂૂ 1.72 કરોડની પર્સનલ લોન લઇ બેન્કના હપ્તા રેગ્યુલર ન ભરતા બેન્ક સાથે રૂૂ 1.56 કરોડની છેતરપિંડી કર્યાની તેમજ એક શખ્શ દ્વારા બનાવટી દસ્તાવેજો રજુ કરી રૂૂ 20 લાખની લોન મેળવવાની પ્રયાસ કરવા અંગેની ફરિયાદ અમરેલી સિટી પોલીસમાં નોંધાયેલ હતી.પ્રાપ્ત વિગત મુજબ અમદાવાદ એક્સિસ બેંકમાં ફાયનાસીયલ ક્રાઇમ ઇન્ટેલીઝન્ટ યુનિટમાં સિનિયર મેનેજર તરીકે ફરજ બજાવતા મોહમંદ ઈમ્તિયાઝ મોહમદ ઝમીલ મુનશી એ અમરેલી સીટી પોલીસમાં ફરિયાદ નોંધાવતા જણાવેલ હતું કે અમરેલી એક્સિસબેંક દ્વારા ફક્ત નોકરિયાત વર્ગને પર્સનલ લોન આપવામાં આવે છે.

જેમાં લોન લેનાર કર્મચારી જે તે કંપની કે સરકારી કચેરીમાં નોકરી કરતો હોય તે અંગેના બેન્ક દ્વારા આધાર પુરાવા લેવામાં આવે છે આવી કર્મચારી તરીકે ની પર્સનલ લોન લેનારા કલ્પેશ બાલાભાઈ સોલંકી , રે દામનગર ,અલ્પેશ જીતેન્દ્રભાઈ મજેઠીયા રે અમરેલી , કેતન મધુભાઈ રાઠોડ રે બાબરા , હિમ્મતસિંગ નંદલાલ ડામોર રે ભુરખિયા , કિશન ભરતભાઈ ગોહિલ રે આંબરડી , નીકિતાબેંન શૈલેષભાઇ લુણાગરિયા રે ભુરખિયા , પૂજાબેન કલ્પેશભાઈ સોલંકી રે ચરખા , જનક સોમજીભાઈ વાડોદરિયા રે ચરખા , ભીખુપરી નટુપરી ગોસાઈ રે લુણકી , વાલજી મધુભાઈ પંચાસરા રે પીપળવા , રાકેશ ભરતભાઈ હિરપરા રે ભુરખિયા , પાયલ ઉમેશભાઈ કથીરિયા રે ચાવંડ , પાર્થ ચીમનભાઈ સુખડીયા રે આંબરડી , મીનાબેન ભાવેશકુમાર લશ્કરી રે ભુરખિયા , મનસુખ જીણાભાઇ શેખડા રે પાડરશીંગા , જીગ્નેશ હિંમતભાઇ જાગાણી રે પાડરશીંગા , અંકુર ભરતભાઈ ધાનાણી રે જેશીંગપરા અમરેલી , આંનદ કિરીટકુમાર જોશી રે રાજકોટ સહિતના અઢાર શખ્શોએ છેલ્લા ત્રણ વર્ષમાં રૂૂ પાંચ લાખ થી લઇ પંદર લાખ સુધીની પર્સનલ લોન લીધેલ હતી આ તમામ શખ્શોએ પર્સનલ લોન લીધા બાદ રેગ્યુલર લોનના હપ્તા ભરવામાં નિષ્ફળ જતા બેન્ક દ્વારા રેગ્યુલર હપ્તા ભરવા અંગે કાર્યવાહી હાથ ધરવામાં આવેલ હતી.

જેમાં લોન મેળવનાર ના મોબાઈલ ઉપર સંપર્ક કરવામાં આવતા સંપર્ક થઇ શકેલ ન હતો.જેથી બેન્કના જવાબદાર કર્મચારી દ્વારા આવા લોન ધારકોએ રજુ કરેલ ડોક્યુમેન્ટની ચકાસણી કરવામાં આવેલ હતી જેમાં આ અઢાર લોન ધારકો માંથી એકપણ લોન ધારક કોઈ કંપનીમાં કે સરકારી નોકરી ન કરતો હોવાનું જાણવા મળેલ હતું તેમજ લોન ધારકોએ બેંકમાં રજુ કરેલ રહેઠાણના પુરાવા પણ બોગસ હોવાનું ખુલેલ હતું તેમજ કર્મચારી તરીકે ની પર્સનલ લોન મેળવવા માટે જે આધાર પુરાવા રજુ કરવામાં આવેલ હતા તે તમામ આધાર પુરાવા બનાવટી હોવાનું જણાય આવેલ હતું આ અઢાર લોન ધારકોએ કુલ રૂૂ 1.72.45.000 ની પર્સનલ લોન લીધેલ હતી.

આ લોન લીધા બાદ લોન ધારકોએ શરૂૂઆત માં રેગ્યુલર હપ્તાઓ ભરેલ હતા બાદમાં હપ્તાઓ ભરવાનું બંધ કરી દીધેલ હતું જેમાં કુલ રૂૂ 1.56.78.401 જેવી માતબર રકમની છેતરપિંડી વિશ્વાસઘાત કરવા અંગેની ફરિયાદ નોંધાવેલ હતી તેમજ મયુર અરવિંદભાઈ જાગાણી રે પાડરશીંગા વાળા શખ્શે બોગસ દસ્તાવેજો રજુ કરી રૂૂ વિસ લાખની લોન લેવાનો પ્રયાસ કરેલ હતો.ત્યારે એક્સિસ બેન્ક ની લોન શાખામાં એકી સાથે ઓગણીશ શખ્શો એ બનાવટી દસ્તાવેજો ના આધારે લીધેલ પર્સનલ લોન થી ભારે ચકચાર સાથે આવી ઘટનામાં બેન્ક ના કર્મચારી પણ સંડોવાયેલ હોવાની ભારે ચર્ચા ઉઠેલ હતી ઘટનાની મહિલા સી ટી પી એસ આઈ કે એમ પરમારે તપાસ હાથ ધરેલ હતી.

Continue Reading

અમરેલી

સૌરાષ્ટ્રમાં વિદેશી દારૂ સપ્લાય કરનાર કુખ્યાત બુટલેગર ધીરેન કારિયા ઉજ્જૈનથી ઝડપાયો

Published

on

By

અમરેલી પોલીસને મોટી સફળતા મળી છે. રાજ્યના 11 જિલ્લામાં પ્રોહિબિશનના કુલ 59 ગુનાઓમાં આરોપી અને 18 ગુનાઓમાં વોન્ટેડ એવા કુખ્યાત આરોપીની પોલીસે ધરપકડ કરી છે. માહિતી મુજબ, મધ્યપ્રદેશના ઊજ્જૈનથી વોન્ટેડ બુટલેગર ધીરેન અમૃત કારિયાની ધરપકડ કરવામાં આવી છે. પોલીસે આરોપીની ધરપકડ કરીને આગળની કાર્યવાહી હાથ ધરી છે.

અમરેલીની કઈઇ ના એસ.પી. હિમકરસિંહની ટીમે મોટી સફળતા મેળવી છે. છેલ્લા ઘણા સમયથી પોલીસને હંફાવતો આરોપી મધ્યપ્રદેશમાં હોવાની બાતમી મળતા કાર્યવાહી કરી ટીમે સૌરાષ્ટ્રના સૌથી મોટા દારૂૂના સપ્લાયર અને રાજ્યના 11 જિલ્લામાં પ્રોહિબિશનના કુલ 59 ગુનાઓમાં આરોપી અને 18 ગુનાઓમાં વોન્ટેડ એવા કુખ્યાત ધીરેન અમૃતલાલ કારિયાની ધરપકડ કરી છે. માહિતી મુજબ, બાતમીના આધારે અમરેલી પોલીસે કાર્યવાહી કરીને મધ્યપ્રદેશના ઉજ્જૈનમાંથી લિસ્ટેડ આરોપી ધીરેન કારિયાની ધરપકડ કરી છે.

ધીરેન મૂળ જુનાગઢ છે.પ્રાપ્ત અહેવાલ અનુસાર, આરોપી સામે રાજ્યના અમરેલી, ભાવનગર, જુનાગઢ, દ્વારકા, જામનગર, ગાંધીનગર, પોરબંદર, રાજકોટ અને નર્મદા જિલ્લામાં અલગ અલગ ગુનાઓ નોંધાયા છે. અમરેલી એસ.પી. હિમકરસિંહે સમગ્ર ગુન્હાની વિગત આપી હતી. આરોપીને ઝડપી પોલીસે આગળની કાર્યવાહી હાથ ધરી છે. જૂનાગઢના કુખ્યાત બુટલેગર ધીરેન કારીયાના પત્ની ભાજપના નગરસેવિકા હોવાનું જાણવા મળ્યું છે. જ્યારે પકડાયેલા બુટલેગરને આજે અમરેલી પોલીસે રિમાન્ડની માંગણી સાથે કોર્ટમાં રજુ કરવાની કાર્યવાહી હાથ ધરી છે.

Continue Reading

અમરેલી

દીપડાના મોઢામાંથી 8 વર્ષના પુત્રને ઝૂંટવી ભાગવા જતાં પિતા ફેન્સિંગ તારમાં ઘૂસી ગયા: બંનેને ઈજા

Published

on

By

 

  • અમરેલીના જાળીયા ગામની ઘટના: ઈજાગ્રસ્ત પિતા-પુત્રને સારવારમાં ખસેડાયા

અમરેલી તાલુકાના જાળીયા ગામે ખેત મજુરી અર્થે આવેલો પરિવાર રાત્રિના ખુલ્લામાં સુતો હતો ત્યારે મધરાત્રે દીપડાએ હુમલો કરી આઠ વર્ષના બાળકને ઉપાડીને ભાગ્યો હતો. પુત્રને બચાવવા પિતાએ પાછળ દોડી દીપડાના મોંઢામાંથી આઠ વર્ષના પુત્રને ઝુટવી લઈ ભાગવા જતાં પિતા પુત્ર સાથે ફેન્સીંગ તારમાં ઘુસી ગયા હતાં. પિતા-પુત્રને ઈજા પહોંચતાં તાત્કાલીક સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં.
આ બનાવ અંગે પોલીસમાંથી જાણવા મળતી વિગત મુજબ, મુળ મધ્યપ્રદેશના અલીરાજપુર જિલ્લાના વતની અને હાલ અમરેલી તાલુકાના જાળીયા ગામે રહેતા કિશોરભાઈ ઠુંમરની વાડીએ ખેત મજુરી અર્થે આવેલો શ્રમિક પરિવાર રાત્રિનાં વાડીએ ખુલ્લામાં સુતો હતો ત્યારે રાત્રિનાં બે વાગ્યાના અરસામાં દીપડો ત્રાટકયો હતો અને શ્રમિક પરિવારના અજય રાજુભાઈ અજનાર નામના આઠ વર્ષના માસુમને ઉપાડી ચાલતો થયો હતો. ઘટનાના પગલે આસપાસ સુતેલા પરિવારના લોકો જાગી જતાં તેમણે રાડારાડી કરી હતી અને આઠ વર્ષના માસુમ અજય અજનારના પિતા રાજુભાઈ અજનારે દીપડાને પડકાર્યો હોય તેમ પુત્રને બચાવવા દીપડા પાછળ દોટ મુકી હતી અને દીપડાના મોંઢામાંથી આઠ વર્ષના પુત્રને ઝુંટવી પિતા રાજુભાઈ અજનાર ભાગ્યા હતાં તે દરમિયાન રાજુભાઈ અજનાર અંધારાના કારણે ફેન્સીંગ તારમાં ફસાઈ ગયા હતાં. પુત્ર અજય અજનાર અને પિતા રાજુભાઈ રમેશભાઈ અજનાર (ઉ.27)ને ઈજા પહોંચતાં તાત્કાલીક સારવાર માટે અમરેલી સિવિલ હોસ્પિટલમાં દાખલ કરવામાં આવ્યા હતાં. જ્યાં તેમની તબિયત નાજુક જણાતા વધુ સારવાર માટે રાજકોટ સિવિલ હોસ્પિટલમાં દાખલ કરવામાં આવ્યા હતાં.

પ્રાથમિક પુછપરછમાં દીપડાએ કરેલા હુમલામાં ઘવાયેલા આઠ વર્ષનો માસુમ બે ભાઈ એક બહેનમાં મોટો હતો અને તેનો પરિવાર બે દિવસ પૂર્વે જ મધ્યપ્રદેશથી ખેત મજુરી અર્થે જાળીયા ગામે આવ્યો હતો અને માસુમ બાળક પરિવાર સાથે સુતો હતો ત્યારે નિંદ્રાધીન માસુમ બાળકને દીપડાએ ગરદનથી પકડી ભાગ્યો હતો જેના કારણે માસુમ બાળકને ગરદનના ભાગે ઈજા પહોંચી હોવાનું અને પુત્રને બચાવવા ગયેલા પિતા ફેન્સીંગ તારમાં ફસાતા ઈજા પહોંચી હોવાનું જાણવા મળ્યું છે. આ બનાવ અંગે અમરેલી તાલુકા પોલીસે નોંધ કરી વધુ તપાસ હાથ ધરી છે.

Continue Reading

Trending