પ્રયાગરાજ મહાકુંભમાં શ્રદ્ધાળુઓના ધસારાને ધ્યાનમાં રાખીને, મુખ્યમંત્રી યોગી આદિત્યનાથે સોમવારે મોડી રાત્રે પોલીસ અને વહીવટી અધિકારીઓ સાથે બેઠક યોજી. આ બેઠકમાં મુખ્યમંત્રીએ માઘી પૂર્ણિમાના અવસરે યોજાનાર અમૃત સ્નાન માટેની વ્યવસ્થાઓની સમીક્ષા કરી. મહાકુંભનું પાંચમું માઘી પૂર્ણિમા સ્નાન કાલે થશે. એવામાં મુખ્યમંત્રીએ વધુ સારી ટ્રાફિક અને ભીડ વ્યવસ્થાપન યોજના લાગુ કરવા સૂચનાઓ આપી છે.
સોમવારે રાત્રે વીડિયો કોન્ફરન્સિંગ દ્વારા યોજાયેલી બેઠક દરમિયાન, મુખ્યમંત્રી આદિત્યનાથે તૈયારીઓની સમીક્ષા કરી. સરકારી સ્તરના વરિષ્ઠ અધિકારીઓની હાજરીમાં, પ્રયાગરાજ, કૌશાંબી, કાનપુર, સુલતાનપુર, અમેઠી, વારાણસી, અયોધ્યા, મિર્ઝાપુર, જૌનપુર, ચિત્રકૂટ, બાંદા, પ્રતાપગઢ, ભદોહી, રાયબરેલી, ગોરખપુર, મહોબા અને લખનૌ જેવા જિલ્લાઓ/ઝોન/રેન્જમાં તૈનાત વરિષ્ઠ પોલીસ અધિકારીઓ અને વિભાગીય કમિશનરો અને જિલ્લા વહીવટી અધિકારીઓને કાર્યક્રમનું સુચારુ સંચાલન સુનિશ્ચિત કરવા માટે અનેક માર્ગદર્શિકા જારી કરવામાં આવી છે.
મુખ્યમંત્રીએ કહ્યું કે છેલ્લા અઠવાડિયા દરમિયાન પ્રયાગરાજ આવતા ભક્તોની સંખ્યામાં નોંધપાત્ર વધારો થયો છે. જાહેર પરિવહનની સાથે, મોટી સંખ્યામાં ખાનગી વાહનો પણ આવી રહ્યા છે અને સ્નાન પર્વ દરમિયાન આ સંખ્યા વધુ વધવાની ધારણા છે. આને ધ્યાનમાં રાખીને, એક સુવ્યવસ્થિત ટ્રાફિક અને ભીડ વ્યવસ્થાપન યોજના અમલમાં મૂકવી જોઈએ. તેમણે અધિકારીઓને ગેરમાર્ગે દોરનારી કે ખોટી માહિતી ફેલાવનારાઓ સામે કડક કાર્યવાહી કરવાનો પણ નિર્દેશ આપ્યો.
મુખ્યમંત્રીએ કહ્યું કે 5 લાખથી વધુ વાહનોની ઉપલબ્ધ પાર્કિંગ ક્ષમતાનો સંપૂર્ણ ઉપયોગ થવો જોઈએ અને એ વાત પર ભાર મૂક્યો કે નિયમોનું ઉલ્લંઘન કરીને કોઈપણ વાહનને મેળા પરિસરમાં પ્રવેશવા દેવા જોઈએ નહીં. બાળકો, સ્ત્રીઓ અને વૃદ્ધોને મદદ કરો. જરૂૂર મુજબ શટલ બસોનો ઉપયોગ કરો. તેની સંખ્યા વધારવી જોઈએ અને લોકોને પાર્કિંગના નિયમોનું પાલન કરવા માટે પ્રોત્સાહિત કરવા રસ્તાઓ પર વાહનોની લાંબી લાઈનો ન લાગવા દેવી ક્યાંય પણ ટ્રાફિક જામની સ્થિતિ ન થવી જોઈએ. રસ્તા પર ગમે ત્યાં વાહનો પાર્ક કરવા ન દો. ટ્રાફિક જામને કોઈપણ કિંમતે અટકાવવો જ જોઈએ.
મુખ્યમંત્રીએ કહ્યું, પ્રયાગરાજના રેલ્વે સ્ટેશનો પર મોટી સંખ્યામાં શ્રદ્ધાળુઓ પવિત્ર સ્નાન કર્યા પછી ઘરે પરત ફરી રહ્યા છે. તેમની સલામત મુસાફરી સુનિશ્ચિત કરવાની આપણી જવાબદારી છે, રેલવે સાથે સંકલન કરીને ટ્રેનોનું અવિરત સંચાલન સુનિશ્ચિત કરવું જોઈએ અને વધારાની બસો તૈનાત કરવી જોઈએ. મહાકુંભમાં આવતા લાખો ભક્તો વારાણસી, અયોધ્યા અને મિર્ઝાપુરની યાત્રા પણ કરી રહ્યા છે. આને ધ્યાનમાં રાખીને, ત્રણેય મુખ્ય ધાર્મિક શહેરોમાં કડક સુરક્ષા અને ભીડ નિયંત્રણના પગલાં અમલમાં મૂકવા જોઈએ.