એ ડિવિઝનના એમ.કે.મોવલિયાને ક્રાઈમ બ્રાંચ અને રીડરમાં બે પીએસઆઈ મુકાયા

સતત બીજા દિવસે માગણી મુજબની બદલીના હુકમ કરતા પોલીસ કમિશનર બ્રજેશકુમાર ઝા

રાજકોટમાં શહેર પોલીસ વિભાગમાં બદલી બઢતીનો દોર યથાવત હોય તેમ પોલીસ કમિશનર દ્વારા પીઆઈ અને ત્યાર બાદ એએસઆઈ ,હેડ કોન્ટેબલ અને કોન્ટેબલની માંગણી મુજબ બદલી કર્યા બાદ બીજા દિવસે 16 પીએસઆઈની માંગણી મુજબની આંતરિક બદલીના હુકમ કર્યા છે.

પોલીસ કમિશનર બ્રજેશ કુમાર ઝા દ્વારા ગત માસે હેડ કોન્સ્ટેબલને એએસઆઈ તરીકે અને પોલીસ કોન્સ્ટેબલને હેડ કોન્સ્ટેબલ તરીકે બઢતી સાથે બદલી કર્યા બાદ 11 પી.આઈની બદલી કરી હતી. ત્યારબાદ ગઈકાલે 44 પોલીસ કમર્ચારીઓને માંગણી મુજબ બદલી કરી આપ્યા બાદ સતત બીજા દિવસે બદલીના હુકમો કરવામાં આવ્યા છે. જેમાં 16 પીએસઆઇની આંતરિક બદલી કરવમાં આવી છે. આ બદલીમાં એ ડિવિઝનના પીએસઆઈ એમ.કે.મોવલીયાને ક્રાઈમ બ્રાંચ,માલવીયાનગરના પી.એસ.આઈ સી. એચ.વાછાણી ને ટ્રાફિક શાખામાં, ભકિતનગર પોલીસ મથકના પી. જી રોહડીયાને ગાંધીગ્રામ, ટ્રાફિક શાખાના સી.વી.ચુડાસમાને થોરાળા,કંટ્રોલના પીએસઆઈ કે.એસ.મિશ્રાને ટ્રાફિકમાં,પ્રનગરના પીએસઆઈ કે.એસ.ભગોરાને ટ્રાફિક શાખામાં, રીડર બ્રાંચના પીએસઆઈ જે.આર.સોલંકીને બી ડિવિઝન, એરપોર્ટ પોલીસ મથકના પીએસઆઈ એ.કે.રાઠોડને ટ્રાફિક શાખા, ગાંધીગ્રામ પોલીસ મથકના પીએસઆઈ વી.એચ.પરમારને બી ડિવિઝન, યુનિવર્સિટી પોલીસ મથકના પીએસઆઈ બી.આર. ભરવાડને તાલુકા પોલીસ મથકમાં, યુનિવર્સિટી પોલીસ મથકના પીએસઆઈ વી.એન.બોદરને ટ્રાફિક શાખા, બી ડિવિઝન પોલીસ મથકના પીએસઆઈ એમ.આઈ.શેખને તાલુકા પોલીસ સ્ટેશન, ટ્રાફિક શાખાના પીએસઆઈ જે.જી.રાણાને આજીડેમ પોલીસ સ્ટેશન, સાયબર ક્રાઈમ પોલીસ મથકના પીએસઆઈ આઈ.આઈ. કટીયાને ટ્રાફિક શાખા, એમઓબીના પીએસઆઈ એસ.એમ. વઘાસીયાને રીડર બ્રાંચ અને એસ.એસ. સ્કવોડના પીએસઆઈ સી.એમ.કુંભાણી રીડર બ્રાંચમાં મુકવામાં આવ્યા છે.

હૃદયની નળીઓની બીમારીની સારવારની મેડીક્લેઇમની પુરતી રકમ નહિ ચૂકવ્યાની વીમા કંપની સામેની ફરિયાદમાં ગ્રાહક તકરાર નિવારણ ફોરમ દ્વારા સારવાર ખર્ચ 6 ટકા વ્યાજ સહિત ચૂકવી દેવા યુનાઇટેડ ઇન્સ્યોરન્સ કંપનીને હુકમ કર્યો છે.

આ કેસની હકીકત મુજબ રાજકોટના પરેશ દાવડાએ યુનાઈટેડ ઈન્ડીયા ઈન્સ્યોરન્સ કંપનીની ફેમિલી મેડીકેર પોલીસી 2014થી 100 ટકા મેડિકલ રિસ્ક કવર સાથે લીધી હતી. દરમિયાન પરેશભાઈ દાવડાને છાતીમાં દુ:ખાવાના રિપોર્ટ કરાવાતા હદયની અમુક નળીઓ સુકાઈ ગયેલ હોય તેની બાયપાસ સર્જરી અમદાવાદ ખાતે ખાનગી હોસ્પીટલમાં કરાવવામાં આવી હતી. ત્યારબાદ પરેશભાઈએ સારવાર ખર્ચનું કલેઈમ ફોર્મ જરૂરી પેપર્સ સાથે વીમાકંપની મોકલી આપ્યું હતું. પરંતુ વીમા કંપનીએ જુદા જુદા કારણો ઉભા કરી કુલ સારવાર ખર્ચનો મેડીક્લેમ પૈકી રૂા.દોઢ લાખ ચુકવેલ ન હતા. જેથી પરેશભાઈએ વકીલ શુભમ પી. દાવડા મારફત ગ્રાહક તકરાર નિવારણ કમિશનમાં ફરિયાદ કરવામાં આવી હતી. જે કેસ ચાલી જતા ગ્રાહક તકરાર નિવારણ આયોગે વીમા કંપનીના કૃત્યને સ્પષ્ટ રીતે અયોગ્ય વેપાર નીતિ-રીતી અને એકટની કલમ 2(46) (6) અન્વયે ખોટુ, ભુલ-ભરેલું, ગેરકાયદેસરનું અને બદઈરાદાનું ઠરાવી ક્લેઇમમાંથી કપાત કરેલ રકમ રૂ.દોઢ લાખ 6 ટકા ચડતા વ્યાજ સાથે અને ફરીયાદ ખર્ચ રૂા.5000 ચુકવવા આદેશ કર્યો હતો.
આ કેસમાં ફરીયાદી વતી બાલાજી એસોસીએટસના શુભમ પી. દાવડા અને મિહીર પી. દાવડા રોકાયા હતા.

દારૂૂના દુષણના કારણે અનેક પરિવારોના માળા પીંખાયા હોવાની અનેક ઘટનાઓ પ્રકાશમાં આવી છે ત્યારે વધુ એક બનાવવામાં ભગવતીપરાના પ્રૌઢને દારૂૂનો દૈત્ય ભરખી ગયો છે. પ્રૌઢના મોતથી પરિવારમાં શોકની લાગણી પ્રસરી છે.

આ બનાવ અંગે પોલીસમાંથી જાણવા મળતી વિગત મુજબ ભગવતીપરા વિસ્તારમાં રહેતા જુમાભાઇ નરમહમદભાઈ સર્વદી નામના 46 વર્ષના પ્રૌઢ પોતાના ઘરે હતા. ત્યારે સાંજના ચારેક વાગ્યા અરસામાં બેભાન હાલતમાં ઢળી પડ્યા હતા. જુમાભાઇ સર્વદીને તાત્કાલિક સારવાર માટે સિવિલ હોસ્પિટલમાં ખસેડવામાં આવ્યા હતા. ત્યાં તેમની સારવાર કારગત નીવડે તે પૂર્વે જ મોત નિપજતા પરિવારમાં શોકની લાગણી પ્રસરી છે. પ્રાથમિક પૂછપરછમાં મૃતક પ્રૌઢ ચાર ભાઈ બે બહેનમાં નાના હતા અને તેમને સંતાનમાં એક પુત્ર અને બે પુત્રી છે જુમ્માભાઈ સર્વદીનું દારૂૂ પીવાની કુટેવના કારણે મોત નીપજયુ હોવાનું જાણવા મળ્યું છે.

આ ઉપરાંત અન્ય બનાવમાં જામનગર રોડ ઉપર આવેલા વાલ્મિકી વાસમાં રહેતા રમેશભાઈ ધનજીભાઈ ટીમાણીયા નામના 59 વર્ષના વૃદ્ધ પોતાના ઘરે હતા ત્યારે સાંજના સાતેક વાગ્યાના અરસામાં શ્વાસની બીમારી સબબ બેભાન હાલતમાં ઢળી પડતા તાત્કાલિક સારવાર માટે સિવિલ હોસ્પિટલમાં ખસેડાયા હતા જ્યાં તેમનું મોત નિપજતા પરિવારમાં ગમગીની છવાઈ જવા પામી હતી. પ્રાથમિક પૂછપરછમાં મૃતક રમેશભાઈ ટીમાણીયાને સંતાનમાં એક પુત્ર અને બે પુત્રી હોવાનું જાણવા મળ્યું છે. ઉપરોક્ત બન્ને બનાવ અંગે પોલીસે નોંધ કરી વધુ તપાસ હાથ ધરી છે.