Connect with us

ગુજરાત

કરોડોની જમીનના બોગસ દસ્તાવેજ કરે તે પહેલા આખી ટોળકી ઝડપાઇ

Published

on

ગાંધીનગરના ખોરજ ગામની કરોડો રૂપિયાની કિંમતની એક જમીનના બોગસ દસ્તાવેજ કરવા આવેલી એક આખી ગેંગને સબ રજિસ્ટ્રાર કચેરીમાંથી જ ઝડપી લેતા ભારે ખળભળાટ મચેલ છે.
12 જેટલા ભૂમાફિયાઓએ ખેડૂતના નામના નકલી આધારકાર્ડ, પાનકાર્ડ સહિતના ઓળખપત્રો કઢાવી ખેડૂત બની બેઠા હતા અને બેંકોમાં પણ બોગસ ખાતા ખોલાવી લીધા હતા. જો કે, આ ટોળકી બોગસ દસ્તાવેજ રજિસ્ટ્રાર કરાવે તે પહેલા જ પોલીસ ત્રાટકી હતી અને આખી ટોળકીને સબ રજીસ્ટ્રાર કચેરીમાંથી જ ઝડપી લીધી હતી.
પોલીસની પ્રારંભિક તપાસમાં બહાર આવેલી વિગતો મુજબ, ચૂંટણી કાર્ડ સહિતના આઈ.ડી કાર્ડમાં ચેડાં કરાયા હતા. જેમાં અસલ ખેડૂતના નામ ઉમેરીને નકલી ખેડૂતના ફોટોગ્રાફ લગાવવામાં આવ્યા હતા. અમદાવાદના પૂર્વ ગ્રેટ ગેમ્બલર મહેન્દ્ર પટેલ ઉર્ફે ક્લગીનાં પુત્રને ખોરજની જમીન બતાવી રૂૂ. બે કરોડ પડાવી લેવાનો કારસો ભૂમાફિયાઓએ ઘડ્યો હતો. નકલી ખેડૂતો ઊભા કરી જમીન બારોબાર વેચી દેવાના કારસા અંગે જાણ થતાં તેમણે પોલીસને જાણ કરી હતી અને આરોપીઓને રંગેહાથ ઝડપી લેવાયા હતા.
ઉલ્લેખનીય છે કે, ગાંધીનર તાલુકાના ખોરજ ગામની 5100 ચો.મી જમીનનાં કરેલા ખોટા દસ્તાવેજમાં ફરીવાર સહીઓ કરવા બોગસ ખેડૂતો પહોંચ્યા ત્યારે એલબીની ટીમ ત્રાટકી હતી. પોલીસે !! ભૂમાફિયાઓની ધરપકડ કરી 12 વિરુદ્ધ ગુનો નોંધ્યો હતો. આરોપીઓએ સાહેદ સંદીપ મહેન્દ્રભાઈ પટેલને ખોરજ ગામે આવેલ નગર રચના યોજના નં-303ના ફાઈનલ પ્લોટ નં- 71/1 ની 5144 ચો.મી. ખેતીની જમીન ત્રણ માસ અગાઉ બતાવી હતી. રેકોર્ડ ઉપરના જમીન માલીકોના જાણ બહાર તેઓના નામે બનાવટી આઈ.ડી.પ્રૂફ બનાવી રજિસ્ટર બાનાખત કરી અપાયો હતો. બાદમાં સપ્લિમેન્ટરી કરાર કરી આરોપીઓએ સંદીપ મહેન્દ્રભાઈ પટેલ પાસેથી ચેક દ્વારા બાનાપટે મળનાર રૂ.બે કરોડના ચેકના નાણાં હડપ કરવા આઈ.ડી. એફ.સી.બેન્કમાં બોગસ ખેડૂતના ખાતા પણ ખોલાવ્યા હતા. અસલ ખેડુત તથા સાહેદ સંદીપ મહેન્દ્રભાઈ પટેલ સાથે ખોટા દસ્તાવેજો આધારે છેતરપીંડી કરવા જતા એલ.સી.બી.ની ટીમે આરોપીઓને ખોટા દસ્તાવેજો સાથે ઝડપી પાડયા હતા. અસલ ખેડૂત જીતેન્દ્ર દશરથજી મકવાણાએ આ મામલે આરોપીઓ વિરુદ્ધ ફરિયાદ આપતા સેકટર-7 પોલીસે ગુનો નોંધ્યો હતો.
આ ટોળકી ખોટા દસ્તાવેજો દ્વારા જમીન હડપી લેવા અથવા ખરીદનાર પાસેથી બાના પેટે રકમ પડાવી લેવાના ગુના આચરતી હતી. આ કેસમાં મહિલાઓ સિવાયના આરોપીને ચાર દિવસા રીમાન્ડ મંજૂર કરાવી પોલીસે વધુ તપાસ હાથ ધરી છે.

ગુજરાત

ખંભાળિયા નગરપાલિકાના વાર્ષિક બજેટમાં શિક્ષણ, તબીબી સેવાઓ અને સ્વચ્છતાને પ્રાધાન્ય

Published

on

By

 

 

ખંભાળિયા નગરપાલિકામાં આજરોજ જનરલ બોર્ડમાં રજૂ કરવામાં આવેલા વર્ષ 2024-25 ના બજેટમાં અનેકવિધ પાયાની જરૂરિયાતોને પ્રાધાન્ય આપવામાં આવ્યું છે.ખંભાળિયા નગરપાલિકાના નવનિયુક્ત એકાઉન્ટ ધવલભાઈ ગોસ્વામી દ્વારા તૈયાર કરવામાં આવેલા આગામી વર્ષના બજેટમાં વર્ષ દરમિયાન કર અને ભાડાની રૂપિયા 4.56 કરોડની ઉપજ, વિવિધ ગ્રાન્ટના રૂપિયા 50 કરોડ તેમજ વ્યાજના રૂપિયા 55 કરોડ અને રૂપિયા 4.28 કરોડની પરચુરણ ઉપજ, વિગેરે મળી વર્ષ દરમ્યાન કુલ 69,51,53,500 ની ઉપજ અંદાજવામાં આવી છે.

નગરપાલિકામાં આગામી વર્ષ દરમિયાન જાહેર બાંધકામ માટે રૂપિયા 28.29 કરોડ, પબ્લિક હેલ્થ એન્ડ સેનિટેશન માટે 13.11 કરોડ, જનરલ એડમિનિસ્ટ્રેશન માટે 2.71 કરોડ, શિક્ષણ અને સામાજિક કાર્યો માટે 28 લાખ, વોટર વકર્સની કામગીરી માટે 16.70 કરોડ સહિત વર્ષ દરમિયાન 70,18,58,000 નો ખર્ચ અંદાજવામાં આવ્યો છે.આમ, નગરપાલિકા માટે ચાલુ વર્ષની 23.09 કરોડની ઉઘડતી સિલક સાથે 69.51 કરોડની અંદાજિત ઉપજ માફીને કુલ 92,61,31,749 ની અંદાજિત આવક પછી 70,18,58,000 નો અંદાજિત ખર્ચ બાદ કરતાં 22,42,73,749 ની અંદાજિત સિલક આ બજેટમાં દર્શાવવામાં આવી છે. આ બજેટને જનરલ બોર્ડમાં મંજૂરી સાંપળી છે.

Continue Reading

ગુજરાત

ખંભાળિયાની નગરપાલિકાની જનરલ બોર્ડમાં 22.43 કરોડના પૂરાંતલક્ષી બજેટને મંજૂરી

Published

on

By

 

ખંભાળિયા નગરપાલિકાની સામાન્ય સભા આજરોજ સાંજે પાલિકાના સભાગૃહ ખાતે યોજવામાં આવી હતી. જેમાં આગામી વર્ષ 2024-25 માટેનું રૂપિયા 22.43 કરોડનું પુરાંતલક્ષી બજેટ રજૂ કરાયું હતું. આ સહિત કુલ 35 જેટલા ઠરાવો સર્વાનુમતે મંજૂર કરાયા હતા.

ખંભાળિયા નગરપાલિકાના પ્રમુખ રચનાબેન મોહિતભાઈ મોટાણીને અધ્યક્ષ સ્થાને આજરોજ સાંજે 4 વાગ્યે નગરપાલિકા કચેરીના સભાગૃહ ખાતે જનરલ બોર્ડની બેઠક યોજવામાં આવી હતી. આ બેઠકમાં એજન્ડામાં દર્શાવવામાં આવેલા વિવિધ પ્રકારની ખરીદી, ઘી નદીમાંથી ગાંડી વેલના નિકાલ, પશુઓના ત્રાસને કાબુમાં લેવા માટેના એક્શન પ્લાન, રામનગરમાં ગૌશાળા માટેની જગ્યા માટેની પ્રક્રિયા, સહિતના 35 જેટલા મહત્વના ઠરાવો રજૂ કરવામાં આવ્યા હતા. જેને સર્વ સંમતિથી મંજૂરી મળી હતી.

આ મહત્વની બેઠકમાં નગરપાલિકાના એકાઉન્ટન્ટ દ્વારા રજુ કરવામાં આવેલું 2024-25 માં રૂ. 22,42,73,449 ની પુરાંત દર્શાવતું બજેટ પણ રજૂ કરવામાં આવ્યું હતું. જેને પણ મંજુર રાખવામાં આવ્યું હતું.આ સામાન્ય સભા નગરપાલિકાના ચીફ ઓફિસર ભરતકુમાર વ્યાસની ઉપસ્થિતિમાં સંપન્ન થઈ હતી. જેનું સંચાલન કમિટી ક્લાર્ક રાજુભાઈ વ્યાસ દ્વારા કરવામાં આવ્યું હતું.

Continue Reading

ગુજરાત

કોંગ્રેસને વધુ એક ફટકો!! દિગ્ગજ નેતા અર્જુન મોઢવાડિયાએ ધારાસભ્ય પદેથી આપ્યું રાજીનામું, અધ્યક્ષ શંકર ચૌધરીએ સ્વીકાર્યું

Published

on

By

 

રાહુલ ગાંધીની ન્યાય યાત્રા પહેલા કોંગ્રેસને બે મોટા ઝટકા લાગ્યા છે. કોંગ્રેસના ધારાસભ્ય અર્જુન મોઢવાડિયાએ ધારાસભ્ય પદ પરથી વિધાનસભાના અધ્યક્ષ શંકર ચૌધરીને રાજીનામું આપી દીધું છે. ત્યારે હવે તેઓ કોંગ્રેસના તમામ હોદ્દોઓ તેમજ પ્રાથમિક સભ્ય પદ પરથી પણ રાજીનામું આપી દીધું છે. અને કહ્યું કે સ્વેચ્છાએ રાજીનામું આપું છું.

તું. આ રાજીનામા પછી વિધાનસભામાં કોંગ્રેસનું સંખ્યાબળ 14 થઈ ગયું છે. કોંગ્રેસમાંથી મોઢવાડિયાએ ધારાસભ્યપદેથી રાજીનામું આપતા હવે પોરબંદરની પેટા ચૂંટણી પણ આવશે.સૂત્રોના જણાવ્યાનુસાર, વર્ષ 2022માં કોંગ્રેસના ઉમેદવાર તરીકે ચૂંટણી જીતેલા મોઢવાડિયા પેટા ચૂંટણીમાં ભાજપના ઉમેદવાર બની શકે છે. ધારાસભ્ય બન્યા પછી તેમને ભાજપમાં મહત્ત્વની જવાબદારી મળે એવી પણ ચર્ચા છે. ગુજરાત કોંગ્રેસમાં એક સાંધો તો તેર તૂટે જેવી સ્થિતિ છે.

કોંગ્રસને એક જ દિવસમાં બે મોટા ઝટકા લાગ્યા છે, પહેલા અમરેલીના રાજુલાના પૂર્વ ધારાસભ્ય અમરીશ ડેરે રાજીનામું આપ્યું હતું, ત્યારે હવે પોરબંદરના ધારાસભ્ય અને પક્ષના વર્ષોથી અડિખમ વફાદાર નેતા અર્જૂન મોઢવાડિયાએ પણ કોંગ્રેસનો સાથે છોડી દીધો છે અને ધારાસભ્ય પદેથી રાજીનામું આપી દીધું છે.

 

 

Continue Reading

Trending