Connect with us

અમરેલી

શિકાર કરવા આવેલો સિંહ પૂરાઇ ગયો

Published

on


અમરેલી જિલ્લામાં સિંહોની સંખ્યા વધી રહી હોવાના કારણે હવે સિંહો જંગલ વિસ્તાર છોડીને ગ્રામ્ય વિસ્તારમાં ઘુસી રહ્યા છે. જેના અનેક વીડિયો અવાર-નવાર સામે આવતા હોય છે. ત્યારે સિંહનો વધુ એક વીડિયો હાલ સોશિયલ મીડિયામાં વાયરલ થયો છે. જેમાં એક સિંહ શિકાર કરવા પશુના તબેલામાં ઘૂસ્યો હતો. જે બાદ એક વાછરડાનો શિકાર કરી મિજબાની માણી હતી. જોકે, તે અંદર જ ફસાઈ ગયો હતો. જેથી બહાર નિકળવા માટે ધમાલ કરી હતી. આ દરમિયાન ગાયે હુંકાર કરતા તે ગભરાઈ ગયો હતો. જોકે. અંતે સ્થાનિકોએ તેને બહાર કાઢ્યો હતો.


ધારીના મોરઝર ગામમાં પશુ બાંધવા માટે ફરજા છે તે પશુના ફરજોમાં શિકાર કરવા માટે આવેલો સિંહ ઘૂસી ગયો હતો. જે બાદ સિંહે પશુવાડામાં એક વાછરડીનો શિકાર કર્યો હતો. જોકે, થોડીવાર મિજબાની માણીને સિંહે બહાર નિકળવાનો પ્રયાસ કર્યો હતો. પશુ માટેનો ફરજા બધી બાજુથી બંધ હોવાથી સિંહ અંદર જ પુરાઈ ગયો હતો. સિંહની સાથે અંદર પશુઓ પણ હાજર હતા. સિંહે બહાર નિકળવા માટે અનેક પ્રયાસો કર્યા હતા છતાં સિંહ બહાર નિકળી શક્યો હતો. ફરજામાંથી બહાર નિકળવા માટે સિંહે રીતસર ધમપછાડા કર્યા હતા તેમજ તડફડિયા માર્યા હતા.


આ ઘટનાની જાણ સ્થાનિકોને થતા તાત્કાલીક દોડી આવ્યાં હતા. જ્યા આવીને નજર કરતા પશુઓ સાથે સિંહ પર ફરજામાં પુરાયેલો જોવા મળ્યો હતો. તેમજ સિંહે એક પશુનું મારણ કર્યું હોવાનું પણ જોવા મળ્યું હતું. અંતે સ્થાનિકોએ દરવાજો ખોલી દેતા સિંહ ઝડપથી ભાગી ગયો હતો. જેને પગલે અન્ય પશુઓ બચી ગયા હતા. તેમજ સ્થાનિકોએ પણ રાહત અનુભવી હતી. આ ઘટનાનો વીડિયો પણ સ્થાનિકોએ મોબાઈલમાં કેદ કર્યો હતો. જે બાદ તે વીડિયો સોશિયલ મીડિયામાં વાયરલ થયો હતો. ખેડૂતો પોતાના પશુ માટે ફરજા અને વાડાઓ પેક રાખે છે. જેથી પશુનો શિકાર ન થાય, પરંતુ અહીં તો સિંહ તે ફરજામાં જ ઘુસી ગયો હતો જેને પગલે દોડધામ મચી ગઈ હતી.


ધારીના મોરઝર, માણાવાવ, આંબરડી, ગોપાલગ્રામ સહિત આસપાસના ગ્રામ્ય વિસ્તારમાં વહેલી સવારે અને મોડી રાતે શિકારની શોધમાં સિંહો રહેણાંક વિસ્તાર સુધી ઘૂસી જવાની ઘટનાઓ રોજ બરોજ બની રહી છે. જેના કારણે ગ્રામ્ય વિસ્તારના લોકોમાં ફફડાટ વ્યાપ્યો છે.

અમરેલી

ખાંભાના હનુમાનપુર ગામે વીજશોકથી બે સગાભાઇ અને ભત્રીજાના મોતથી માતમ

Published

on

By

અમરેલીના ખાંભા તાલુકાના હનુમાનપુર ગામમાં મકાનના કામ દરમિયાન રેતી વોશ કરતી સમયે મશીનમાં વીજકરંટ લાગતા બે ભાઈ અને ભત્રીજાના મોત નિપજ્યા હતા. એક જ પરિવારના ત્રણ લોકોના મોત થતા પરિવાર પર આભ ફાટ્યું છે. પોલીસે આ મામલે વધુ તપાસ હાથ ધરી છે.


અમરેલી જિલ્લામાં આવેલ ખાંભાના હનુમાનપુર ગામમાં રહેણાંક વિસ્તારમાં મકાનનું કામ ચાલતું હોવાને કારણે બોરીચા પરિવારના લોકો રેતી વોશ કરી રહ્યા હતા. ત્યારે મશીનમાં પથુભાઈ બોરીચા, માનસુબાઈ બોરીચા અને ભવદીપ બોરીચાને વીજકરંટ લાગતા ત્રણેયના મોત નિપજ્યા હતા. ઘટનાની જાણ થતા ખાંભા પોલીસ ઘટનાસ્થળે દોડી ગઈ હતી. કાઠી સમાજના આગેવાનો હોસ્પિટલ પર દોડી ગયા હતા. આ સમગ્ર ઘટના કઈ રીતે બની તે અંગે પોલીસ દ્વારા હાલ વધુ તપાસ હાથ ધરવામાં આવી છે.


રેતી વોશિંગના મશીનમાં વીજ કરંટ લાગતા જે ત્રણ લોકોના મોત નિપજ્યા છે. તેમાં પથુભાઈ અને માનકુભાઈ બે સગાભાઈઓ છે. જ્યારે ભવદીપ બોરીચા તેનો ભત્રીજો થતો હોવાનું જાણવા મળ્યું છે.

Continue Reading

અમરેલી

અમરેલીના દામનગરમાં ચાલતા જુગાર પર ધારાસભ્યની રેડ

Published

on

By

શોપિંગ સેન્ટરમાં ઓનલાઇન જુગાર રમાડતા હોવાની રાવ: વીડિયો વાઇરલ


અમરેલી જિલ્લાના લાઠી-બાબરા વિસ્તારના દામનગર વિસ્તારમાં એક શોપિંગ સેન્ટરમાં ઓનલાઇન જુગારધામ ચાલતું હોવાની ફરિયાદો ધારાસભ્ય જનક તળાવીયાને મળતાં તેઓએ સ્થાનિકો સાથે ગતરાત્રે જનતા રેડ કરી હતી અને બાદમાં પોલીસ બોલાવતાં પોલીસે ઇલેક્ટ્રિક સામગ્રી જપ્ત કરી હતી. આ જનતા રેડનો વીડિયો પણ ધારાસભ્ય દ્વારા વાયરલ કરવામાં આવ્યો હતો અને બાદમાં ધારાસભ્યે જણાવ્યું હતું કે, અમે રેડ કરી તો કેટલાક શખ્સો ફરાર થઇ ગયા હતા. જોકે, આ અંગે ઉુજઙએ હાઇકોર્ટના ચુકાદા સાથે જણાવ્યું હતું કે આ જુગારધામ નથી, છતાં કાયદાકીય સલાહ લઇને આગળની તપાસ કરાવામાં આવશે.


લાઠી-બાબરના ધારાસભ્ય જનક તળાવીયાને દામનગર પોલીસ સ્ટેશન વિસ્તારમાં આવેલા એક શોપિંગ સેન્ટરમાં ઓનલાઈન જુગાર રમાડતા હોવાની ફરિયાદ મળતા ધારાસભ્યે જનતા રેડ કરી દામનગર પોલીસને બોલાવી હતી. પોલીસે સ્થળ પરથી ઇલેક્ટ્રિક સામગ્રી જેમાં કઊઉ ઝટ,ઈઙઞ, કીબોર્ડ, મોબાઈલ ચાર્જર, વાઇફાઇ મોડેમ સહિત કુલ.રૂૂ.11,400નો મુદ્દાદામાલ અને દુકાનમાં રહેલા ટેબલ ઉપર પ્લાસ્ટિકના યંત્રના કાર્ડ નંગ 21 તથા ટેબલના ખાનામાંથી રોકડ રૂ.8,720, મળી કુલ રૂ.20,120નો મુદામાલ સી.આર.પી.સી.કલમ 102 મુજબ જપ્ત કરી આગળતની તપાસ હાથ ધરી છે. આ રેડ અંગે ધારાસભ્ય જનક તળાવીયાએ જણાવ્યું હતું કે, હું દામનગર વિસ્તારમાં મુલાકાતે હતો, અગાઉ પણ ત્યાંના લોકોની દારૂૂ-જુગાર અંગેની ઘણીબધી રજૂઆતો હતી. અગાઉ પણ મેં ખાનગી રાહે તપાસ કરાવી હતી. જોકે, કંઇ ધ્યાને આવ્યું નહોતુ. પરંતુ ગઈકાલે ફરી મને ત્યાંથી જાણ કરવામાં આવી કે યંત્રની આડમાં જુગારધામ ચાલે છે. જેથી મેં ખુદ જઇને રેડ કરી હતી. જ્યારે રેડ કરી ત્યારે ત્યાંથી લોકો બધુ ખુલ્લું મુકીને ભાગી ગયા હતા. બાદમાં મેં પોલીસને જાણ કરતાં પોલીસ તુરંત સ્થળ પર આવી હતી અને રોકડ સહિતની સામગ્રી જપ્ત કરી હતી. જનક તળાવીયાએ વધુમાં કહ્યું કે ધારાસભ્ય તરીકે પોલીસને હું ખાસ વિનંતી કરું છું કે મારા વિસ્તારમાં દારૂૂ જુગાર જેવી પ્રવૃતિ ચલાવવા નહીં દઉ. ફરીથી ક્યાયં મારે ખુદ રેડ કરવી પડે તેવા દિવસો ન આવે જેનું પોલીસ તંત્ર ધ્યાન રાખે.


આ અંગે અમરેલી ઉુજઙ રાઠોડે જણાવ્યું હતું કે, ધારાસભ્યની રેડ અને જુગારધામ બાબતે વીડિયો વાયરલ થતાં પોલીસે સ્થળ પર જઇને તપાસ કરી તો જુગાર રમવાવાળા કે રમાડવાવાળા કોઇ હાજર નહોતા. પોલીસે સ્થળ પરથી કેટલાક યંત્ર, સાધનો અને રોકડ રકમ સીઆરપીસી 102 મુજબ કબ્જે કર્યા છે. આ ઉપરાંત દુકાનદારની પૂછપરછ કરી તો દુકાન માલિકે જણાવ્યું હતું કે, ઓનલાઈન બાબતે પોતે એચ.એચ. ફ્રેન્ચાઇસીઝ રાખેલ છે અને કરાર કરેલો છે. ઓનલાઈન માર્કેટીંગ મુજબ અને ગુજરાત હાઇકોર્ટમાં અલગ અલગ પિટિશન દાખલ થયેલી છે. જેના ઓર્ડરમાં સ્પષ્ટ છે કે ઓનલાઈન વાસ્તુ યંત્ર અને ઓનલાઈન વસ્તુ પૂજા યંત્ર વેચાણ અને મનોરંજન તરીકે ગણવામાં આવે છે, જે જુગારની વ્યાખ્યામાં આવતું નથી. તેમ છતાં આ બાબતે કાયદાકીય સલાહ લઈ નિયમ મુજબ કાર્યવાહી કરવામાં આવશે.

Continue Reading

અમરેલી

બગસરામાં પાલિકાની બેદરકારીથી બજારમાં ગટરના પાણી ઊભરાયા

Published

on

By

મંદિરે જવું મુશ્કેલ, સાતલડી નદીમાં ભળતું દુષિત પાણી


લોકોના આસ્થાનું પ્રતીક એવા બગસરાના રત્નેશ્વર મહાદેવ મંદિર સામે ઉભરાતી ગટરોના લીધે ભાવિકોમાં રોષ જોવા મળ્યો છે બગસરામાં છેલ્લા ઘણા સમય થયા આસ્થાનું પ્રતિક એવા રત્નેશ્વર મહાદેવ મંદિર સામે ગટરો ઉભરાવાથી ભાવિકમાં કચવાટ જોવા મળી રહ્યો છે તંત્ર દ્વારા આળસ ખંખેરી તાકીદે સફાઈ કરવામાં આવે એવી માંગણી ઉઠી છે.


વિગત અનુસાર બગસરા ગામની ગંગા જેવી પવિત્ર ગણાતી સાતલડી નદીને દૂષિત કરવાનું જાણે બીડું ઉઠાવ્યું હોય તેમ પાલિકા દ્વારા અવાર નવાર ગટરના દૂષિત પાણીને નદીમાં ઠાલવવામાં આવી રહ્યુ છે પાલિકાના સત્તાધીશોને જાણે એક લક્ષ્ય હોય તેમ આ નદીને ગમે તેમ કરીને દૂષિત કરવી તેવું લાગી રહયું છે. જ્યારે છેલ્લા બે વર્ષથી બગસરામાં પત્રકાર એકતા પરિષદ દ્વારા સાતલડી નદીને સફાઈ કરવામાં આવી છે ત્યારે તંત્ર દ્વારા આ સફાઈ ઉપર મીંડું વળી દેતા હોય તેવું લાગી રહયું છે બીજી બાજુ ભાવિકોને પોતાના ઈષ્ટદેવ એવા મહાદેવના મંદિરે જવામાં ગટરના વહેતા પાણીમાંથી પસાર થઈ જવું પડે છે જેના લીધે ભાવિકો માં રોષ જોવા મળી રહ્યો છે પાલિકા દ્વારા ગટરના સફાઈના અભાવે છેલ્લા ઘણા સમયથી ગટરના પાણી જાણે રોડ ઉપર ફુવારો છૂટતો હોય તેવી રીતે બહાર આવી રહ્યું છે આ દુગઁધ યુકત પાણી બહાર આવતા પાલિકા દ્વારા સફાઈ કરવાની તો દૂર પણ બગસરાની ગંગા જેવી પવિત્ર ગણાતી સાતલડી નદીમાં ઠાલવવાનું કામ ચાલુ કરેલ છે ત્યારે આ પાણી એટલું વાસ મારતું હોય છે જે પાણીને નદીમાં ઠાલવવા થી નદીનું પાણી પણ દુર્ગંધ યુકત થઈ ગયું છે જ્યારે આ નદીના પેલે પાર રહેતા લોકોને બેઠા પુલ પરથી પસાર થવું પણ જાણે માથાના દુ:ખાવા સમાન થય ગયુ છે જેના લીધે લોકો દ્વારા અનેક વખત પાલિકાને જાણ કરવામાં આવી છે પરંતુ પાલિકાના સત્તાધીશો તો બસ જાણે બગસરાની જનતાની કાય પડી ના હોય તેવું લાગી રહયું છે તો આવા દૂષિત પાણી નદીમાં ઠાલવવાથી અનેક પ્રકારના રોગ ચાળાની પણ વકી સર્જાય રહેલ છે આવા માથું ફાડી નાખી તેવી વાસ મારતા પાણી નદીમાં જમા થવાથી મચ્છર જન્ય રોગો પણ વધુ પડતાં થય સકે તેમ છે તો આ ગટરના પાણીને યોગ્ય રીતે સફાઈ કરીને ગટરનું પાણી ગટરમાં રહે તે રીતે પાલિકા દ્વારા ચોક્કસ પગલાં લે તેવી લોકોમાં માંગ ઉઠી છે.

Continue Reading

Trending