Connect with us

કચ્છ

કચ્છના ગરીબ ખેડૂતોના નામે 11 કરોડના ચૂંટણી બોન્ડ ખરીદાયાનો ધડાકો

Published

on

  • વળતરની રકમ ખેડૂતોને આપવાના બદલે બોન્ડ ખરીદીને ભાજપને દાન આપી દીધું
  • જમીન સંપાદન કરનારા તત્કાલિન ના.કલેક્ટર ડો.વી.કે.જોષી, વેલસ્પન કંપનીના અધિકારી સોઢા અને અંજાર શહેર પ્રમુખ હેમંત ઉર્ફે ડેની રજનીકાંત શાહ સામે ચોંકાવનારી પોલીસ અરજી

ઈલેક્ટોરલ બોન્ડને લઈને અત્યાર સુધી એવી વાતો બહાર છે, જેમાં મોટી મોટી કંપનીઓએ ફાયદો મેળવવા માટે કરોડો રૂૂપિયાના બોન્ડ લઈને રાજકીય પાર્ટીઓને ખુશ કરી છે. જેમાં મોટા ભાગનું ભંડોળ સત્તાપક્ષ ભાજપને મળ્યું છે. પરંતુ ઈલેક્ટોરલ બોન્ડને લઈને ગુજરાતના કચ્છ જિલ્લામાંથી પ્રથમ નજરે જ માન્યામાં ન આવે તેવી વાત જાણવા મળી છે.

એક ગરીબ દલિત ખેડૂત પરિવારે 11 કરોડનું માતબર કહી શકાય તેવું ભંડોળ ઈલેક્ટોરલ બોન્ડ સ્વરૂૂપે લઈને સત્તા પક્ષ ભાજપને આપ્યું છે. સુપ્રિમ કોર્ટના આદેશના પગલે જયારે સ્ટેટ બેન્ક ઓફ ઇન્ડિયાએ બોન્ડ ખરીદનારા લોકોનું લિસ્ટ સાર્વજનિક કરવામાં આવ્યું અને તેમાં ગુજરાતના કચ્છ જિલ્લાના અંજાર તાલુકાના ખેડૂત પરિવારના નામ જોવા મળ્યા ત્યારે બોન્ડ્ઝનું લિસ્ટ જોનાર સૌ કોઈની આંખો પહોળી થઇ ગઈ હતી. સમગ્ર મામલાની છાનબીન કરતા ખબર પડી કે, વેલસ્પન કંપનીના એક ઉચ્ચ અધિકારીએ અંજારના જમીન સંપાદન અધિકારી એવા અંજારના તત્કાલીન નાયબ કલેક્ટર અને અંજાર ભાજપના શહેર પ્રમુખ સાથે મળીને આ ગરીબ દલિત ખેડૂત પરિવારને ફોસલાવી લલચાવીને 11 કરોડના ઈલેક્ટોરલ બોન્ડ ખરીદને ભાજપમાં પોતાની વાહવાહી મેળવી છે. જેમાં હવે સમગ્ર મામલો પોલીસમાં પહોંચ્યો છે.

કચ્છ અંજારના બિપિન મણિલાલ વેગડ તેમજ અંજાર તાલુકાના વરસામેડી ગામના સવાભાઈ કારાભાઇ મણવર દ્વારા પોલીસને લેખિતમાં કરવામાં આવેલી અરજીમાં એવો દાવો કરવામાં આવ્યો છે કે, અંજાર શહેર ભાજપના પ્રમુખ હેમંત ઉર્ફે ડેની રજનીકાંત શાહ, જમીન સંપાદન અધિકારી એવા અંજારના તત્કાલીન નાયબ કલેક્ટર ડો. વિ.કે.જોશી ઉર્ફે વિમલભાઈ કિશોરચંદ્ર જોશી તેમજ વેલસ્પન અંજાર SEZ લિમિટેડના સિગ્નેચરી ઓથોરિટી મહેન્દ્રસિંહ ફતેહસિંહ સોઢા સહિતના લોકોએ ગરીબ દલિત ખેડૂતોને જમીન સંપાદનની પ્રક્રિયાથી લઈને વળતરમાં મળેલા કરોડો રૂૂપિયાને ઈલેક્ટોરલ બોન્ડમાં દોઢી રકમ મળશે તેવી વાત કરીને લલચાવી ફોસલાવીને છેતરપિંડી કરી છે. કર્યાનો આક્ષેપ છે.

બિપિન મણિલાલ વેગડ તેમજ સવાભાઈ કારાભાઇ મણવર પરિવાર વતી ન્યાય માટેની લડત ચલાવી રહેલા અંજારના ધારાશાસ્ત્રી ગોવિંદભાઇ દાફડાએ વાતચીતમાં સમગ્ર મામલાની શરૂૂઆત કયાંથી થઇ અને મામલો 11 કરોડના ચૂંટણી બોન્ડ્ઝ સુધી કેવી રીતે પહોંચ્યો તેની ચોંકાવનારી હકીકતો અંગેનો પર્દાફાશ કર્યો હતો. એડવોકેટ દાફડાએ કહ્યું કે, વરસામેડી ગામના સવાભાઈ કારાભાઇ મણવર તેમજ ખમું કારાના પરિવારને તેમની જમીન સંપાદન કરીને વેલસ્પન SEZ લિમિટેડ કંપની દ્વારા જમીન સંપાદન અધિકારીના માધ્યમથી 16 કરોડ 61 લાખ આપવાનો એવોર્ડ મળ્યો હતો. વેલસ્પન SEZ દ્વારા અગાઉ 2.80 કરોડનું વળતર અગાઉથી ચૂકવી દેવામાં આવ્યું હોવાથી એવોર્ડ મળ્યા બાદ તેમને આશરે 13.81 કરોડ ચૂકવવાના થતા હતા.

ધારાશાસ્ત્રી દાફડાએ ઉમેર્યું કે, વળતર મળવાનું હતું તેના એક સપ્તાહ પહેલાથી વેલસ્પન SEZ લિમિટેડ કંપનીના ઓફિસર મહેન્દ્રસિંહ ફતેહસિંહ સોઢાએ કંપનીના વરસામેડી ખાતે આવેલા વેલહોમ નામના ગેસ્ટહાઉસમાં મિટિંગો રાખીને ખેડૂત પરિવારને સમજાવી રહ્યા હતા કે, આટલી મોટી રકમ જો તમારા બેન્ક એકાઉન્ટમાં રાખશો તો ઈન્ક્મટેક્સ સહિતના સરકારી ડિપાર્ટમેન્ટ તમને હેરાન કરી શકે છે. માટે વળતરની કરોડો રૂૂપિયાની રકમથી જો ઈલેક્ટોરલ બોન્ડ ખરીદશો તો કાયદાકીય માથાકૂટમાંથી બચી જશો અને રકમ પણ દોઢી થઈને તમને મળશે. વેલસ્પન કંપનીના ગેસ્ટહાઉસમાં મળતી આ મિટિંગ દરમિયાન અંજાર ભાજપ શહેરના પ્રમુખ હેમંત ઉર્ફે ડેની રજનીકાંત શાહ પણ હાજર રહેતા હતા અને ગાંધીનગર સ્ટેટ બેન્ક ઓફ ઇન્ડિયામાંથી ઈલેક્ટોરલ બોન્ડ લેવામાં આવ્યા ત્યાં સુધી સતત તેઓ માર્ગદર્શન કરી રહ્યા હતા. પરંતુ ત્રણેક મહિનાનો સમય પસાર થતા ખેડૂતના પરિવારજનોને શંકા ગઈ એટલે તેમણે બોન્ડની રકમ કયારે મળશે તે અંગે પૂછવાનું શરુ કરી દીધું હતું. ત્યારે વેલસ્પન SEZ લિમિટેડ કંપની અધિકૃત ઓફિસર મહેન્દ્રસિંહ ફતેહસિંહ સોઢાએ એમ કહી દીધું કે, હવે તમને રૂૂપિયા મળશે નહીં. એટલે કિસાન પરિવારે સતત માહિતી મેળવવાનો પ્રયાસ કર્યો હતો. દરમિયાન સુપ્રિમ કોર્ટના આદેશને પગલે જયારે SEZ બોન્ડ ખરીદનારા લોકોનું લિસ્ટ જાહેર કર્યું ત્યારે ખબર પડી કે, તેમની જમીનના વળતરના કરોડો રૂૂપિયા તો ઈલેક્ટોરલ બોન્ડ સ્વરૂૂપે સત્તા પક્ષ ભાજપના એકાઉન્ટમાં જમા થઇ ગયા છે.

જમીન સંપાદિત કરીને એવોર્ડની પ્રક્રિયા એક વર્ષમાં સંપન્ન કરી દેવી જરૂૂરી હોય છે. અને આ કિસ્સામાં ઓલરેડી ડેપ્યુટી કલેક્ટર જોશી બેથી વધુ વખત એક્સટેન્શન લઇ ચુક્યા હતા. એટલે નવા આવેલા અધિકારી મેહુલ દેસાઈએ 17મી ઓગસ્ટ,2023ના રોજ એક વર્ષની નિયત મર્યાદા પુરી થાય તે પહેલા જ 14મી ઓગસ્ટ,2023ના રોજ કચ્છ કલેક્ટરની પૂર્વ મંજૂરીની અપેક્ષાએ લેન્ડ વેલ્યુએશન કમિટીના જુના ઓર્ડરને ધ્યાનમાં લીધા વિના તાબડતોડ જમીનનું મૂલ્ય 76 કરોડને બદલે 16 કરોડ ઠેરવીને એવોર્ડ જાહેર કરી દે છે. જેટલી રકમ સરકાર એવોર્ડ થકી નક્કી કરે એટલી રકમ જે તે કંપનીને સરકારમાં જમા કરવી પડે. અને તે રકમ પછી જેમને વળતર આપવાનું હોય તેને ચેક દ્વારા આપવામાં આવતું હોય છે.

આ ઘટનામાં જેમના પણ નામ આવે છે, આક્ષેપો થાય છે તેવા લોકોનો સંપર્ક કરીને હકીકત જાણવાનો પ્રયાસ કર્યો હતો. ત્યારે અંજાર પોલીસ સ્ટેશનના ઇન્સ્પેક્ટર શૈલેન્દ્રભાઈ ડી. સિસોદિયાથી કરવામાં આવી હતી. તો એમ કહ્યું કે, અમને ફરિયાદ સંદર્ભે કોઈ દસ્તાવેજ આપવામાં આવ્યા નથી. ત્યારબાદ તેમણે કહ્યું કે, અમુક ડોક્યુમેન્ટ જ આપવામાં આવ્યા છે. તપાસ હાલમાં ચાલુ છે. સંબંધિત સરકારી વિભાગોમાંથી પણ પુરાવા સ્વરૂૂપે દસ્તાવેજ મેળવવા પડશે. અને ત્યારબાદ ખબર પડશે કે હકીકત શું છે.

જેમની ઉપર જમીન સંપાદનની પ્રક્રિયા સંબંધે આક્ષેપો થયા છે તે અંજારના તત્કાલીન નાયબ કલેક્ટર ડો. વિમલ જોશી જેઓ હાલમાં ગુજરાત ગેસ ઈગૠ સ્ટેશન કંપનીમાં પ્રતિનિયુક્તિ ઉપર ફરજ બજાવી રહેલા ૠઅજ કેડરના ઓફિસર જોશીએ કહ્યું કે, સર્વે નંબર કહો તો ખબર પડે. જયારે તેમને જમીનના સર્વે નંબર આપવામાં આવ્યા તો તેમણે કહ્યું કે, તેઓ અંજારમાં આવ્યા તે પહેલાથી આ જમીન સંપાદનની પ્રક્રિયા ચાલુ હતી. તેમણે આ હુકમ કર્યો નથી. તેમની ટ્રાન્સફર બાદ એવોર્ડ જાહેર કરવામાં આવ્યો છે. ડો. જોશીએ તેમની સામે થયેલા એક કોર્ટ કેસ સંદર્ભે પણ ઉમેર્યું કે, તેમની સામે અંજારના બિપિન મણિલાલ વેગડની સર્વે નંબર 404વળી જમીન અંગે અંજારની કોર્ટ દ્વારા તપાસનો તેમજ પાંચ હજારના જામીન ઉપર મુક્ત કરવાનો જે હુકમ થયો છે તેમાં તેમને ગુજરાત હાઇકોર્ટે એક દિવસમાં સ્ટે આપી દીધો છે.

વેલસ્પન કંપનીના ગેસ્ટહાઉસમાં થયેલી મિટિંગ દરમિયાન હાજર રહેતા હતા અને ગાંધીનગર સ્ટેટ બેન્ક ઓફ ઇન્ડિયામાંથી ઈલેક્ટોરલ બોન્ડ લેવામાં આવ્યા ત્યાં સુધી સતત વેલ્સપનના અધિકારીને માર્ગદર્શન કરતા હોવાનો આરોપ જેમના ઉપર મુકવામાં આવ્યો છે તે અંજાર ભાજપ શહેરના પ્રમુખ હેમંત ઉર્ફે ડેની રજનીકાંત શાહનો જયારે સંપર્ક કરીને હકીકત જાણવાનો પ્રયાસ થયો ત્યારે તેમણે માત્ર એટલું જ કહયું કે, મને કઈંજ ખ્યાલ નથી.

પોલીસ સમક્ષ કરવામાં આવેલી ફરિયાદમાં જેમનો રોલ આ પ્રકરણમાં મુખ્ય હોય તેવું દેખાય રહ્યું છે તે વેલસ્પન SEZ લિમિટેડ કંપની અધિકૃત ઓફિસર મહેન્દ્રસિંહ ફતેહસિંહ સોઢાનો સંપર્ક કરવામાં આવતા તેઓ મળી શક્યા ન હતા.

 

જમીનનું મૂલ્ય નક્કી થયું હતું 76 કરોડ, એવોર્ડમાં રકમ જાહેર થઇ 16 કરોડ

કચ્છમાં આવેલી વેલસ્પન ગ્રુપની કંપનીને તેમના પ્રોજેક્ટના વિસ્તરણ માટે જમીનની જરૂૂર હતી. જેમાં અંજાર તાલુકાના વરસામેડી ગામના સવાભાઈ કારાભાઇ મણવર ના પરિવારજનોની જમીન વચ્ચે આવતી હતી. આ જમીન નવી શરત તેમજ જમીનના ટોચ મર્યાદાના કાયદા હેઠળ આવતી હોવાને પગલે તેને સીધી રીતે બજારમાં વેચી કે ખરીદી શકાય તેમ ન હતું. દરમિયાન વેલસ્પન ગ્રુપ દ્વારા સરકારમાં રજૂઆત કરવામાં આવી કે, તેમને તેમાં ભવિષ્યના SEZ માટે જમીનની જરૂૂર છે. માટે તેને સરકારના નિયમ મુજબ સંપાદિત કરીને તેમને આપવામાં આવે. એટલે જમીન સંપાદિત કરવાની પ્રક્રિયા શરુ કરવામાં આવી હતી. જેમાં કચ્છ કલેક્ટર કક્ષાએ જમીન મૂલ્યાંકન સમિતિ દ્વારા જમીનનું મૂલ્ય 76 કરોડ રૂૂપિયા આકારવામા આવ્યું હતું. કંપનીને આટલી મોંઘી જમીન લેવી પરવડે તેમ ન હતું. એટલે પછી શરુ થયો સરકારી કાવાદાવાનો ખેલ. એવોર્ડની પ્રક્રિયા થોડા સમય માટે ભેદી સંજોગોમાં અટકી ગઈ હતી. એડવોકેટ ગોવિંદભાઇ દાફડાએ કહ્યં કે, જો મૂલ્યાંકન સમિતિએ નક્કી કરેલી કિંમત મુજબ એવોર્ડની પ્રક્રિયા સંપન્ન કરવામાં આવી હોત તો સરકારને 70 ટકા પ્રીમિયમ લેખે કરોડો રૂૂપિયાની આવક પણ થાય તેમ હતું. દરમિયાન થોડા સમય બાદ તત્કાલીન અંજારના નાયબ કલેક્ટર અને જમીન સંપાદન અધિકારી વિમલ જોશી દ્વારા પ્રક્રિયા ફરી

શરુ કરવામાં આવે છે. જેમાં બિપિનભાઈ વેગડ તેમજ રૂૂગનાથ મહાદેવ મંદિરના પૂજારી શંભુ શંકરના વારસદારોએ વાંધો ઉઠાવવામાં આવે છે. તેમના વાંધાને ડેપ્યુટી કલેક્ટર દ્વારા ગ્રાહ્ય રાખવામાં આવ્યા ન હતા. આ સમય સમયગાળા દરમિયાન ડેપ્યુટી કલેક્ટર જોશીની અમદાવાદ ખાતે છઅઈ તરીકે ટ્રાન્સફર થઇ જાય છે અને તેમના સ્થાને ડેપ્યુટી કલેક્ટર તરીકે મેહુલ દેસાઈ નામના અધિકારીની નિયુક્તિ થાય છે.

જેમણે એવોર્ડ આપ્યો તે ઓફિસરને તો જમીન મૂલ્યાંકન સમિતિએ નક્કી કરેલા 76 કરોડની ખબર જ નથી !
સમગ્ર પ્રકરણમાં જેમની સહીથી જમીન સંપાદિત કરીને એવોર્ડ આપવામાં આવ્યો હતો તેમને જિલ્લા કલેક્ટરના અધ્યક્ષ સ્થાનેથી મળેલી જમીન મૂલ્યાંક સમિતિએ જે ભાવ નક્કી કર્યો એ વાત ખબર જ નથી. અંજારના તત્કાલીન કલેક્ટર અને હાલમાં કચ્છમાં જ નાયબ ચૂંટણી અધિકારી તરીકે ફરજ બજાવી રહેલા અધિકારી મેહુલ દેસાઈએ સમગ્ર પ્રક્રિયા નિયમ મુજબ ત્રણ વિકલ્પોને ધ્યાનમાં લઈને ભાવ નક્કી કર્યા હોવાનો દાવો કર્યો હતો. દેસાઈએ એમ પણ કબલ્યું કે, જમીન મૂલ્યાંકન સમિતિએ ઉક્ત જમીનનો ભાવ 76 કરોડ નક્કી કર્યા હતા તે તેમના ધ્યાનમાં નથી.

Continue Reading
Click to comment

Leave a Reply

Your email address will not be published. Required fields are marked *

અમરેલી

કાળઝાળ ગરમી વચ્ચે કચ્છ અને અમરેલી સહિતના જિલ્લામાં ભારે પવન સાથે વરસાદ, ખેડૂતોની ચિંતામાં વધારો

Published

on

By

 

ગુજરાતના ઘણા વિસ્તારોમાં સાઈક્લોનિક સર્ક્યુલેશન સક્રિય થયું છે. જેને લઇને રાજ્યના હવામાન વિભાગ દ્વારા માવઠાની આગાહી કરવામાં આવી હતી. હવામાન વિભાગની આગાહી મુજબ આગામી 48 કલાક સુધી રાજ્યના કેટલાક જિલ્લાઓમાં કમોસમી વરસાદ પડવાની શક્યતા છે. ત્યારે આ આગાહીને લઈને આજે અમરેલી અને કચ્છ જિલ્લામાં પવન સાથે ક્યાંક ધોધમાર તો ક્યાંક હળવો વરસાદ પડ્યો. ભરઉનાળે ચોમાસા જેવો માહોલ જામતા ખેડૂતોની ચિંતામાં વધારો થયો છે. ખાસ કરીને ખેડૂતોને કેરીના પાકમાં નુકસાસની ભીતિ જોવા મળી રહી છે.

આજે સવારથી વાદળછાયા વાતાવરણ વચ્ચે બપોર પછી અમરેલી અને કચ્છ જિલ્લાના કેટલાક વિસ્તારોમાં કમોસમી વરસાદ પડ્યો છે. જેમાં અમરેલી, ધારી અને ગીરના પાતળા, તરશિંગડા, રાજસ્થળી, ગઢીયા અને ચાવંડ સહિતના આસપાસના વિસ્તારમાં કમોસમી વરસાદ વરસ્યો છે. બીજી તરફ કચ્છના ભુજ તાલુકામાં વરસાદી માહોલ છવાયો છે. રાપર, અંજાર તાલુકામાં પણ કમોસમી વરદા ખાબક્યો હતો. લોડાઈ, ખેંગારપર, મોખાણા, નાડાપા સહિતના વિસ્તારમાં વરસાદ વરસ્યો છે. ગાજવીજ સાથે ભારે વરસાદ પડતાં કચ્છના ખેડૂતોની ચિંતામાં વધારો થયો છે.

હવામાન વિભાગની આગાહી મુજબ આગામી 48 કલાક ઉત્તર ગુજરાતના વિવિધ જિલ્લાઓમાં છુટાછવાયા હળવા વરસાદની શક્યતા છે, જેમાં આજે 13 એપ્રિલના રોજ સાબરકાંઠા, બનાસકાંઠા, મહીસાગર, અરવલ્લી, દાહોદ અને કચ્છમાં છુટાછવાયા વરસાદની શક્યતાઓ છે. જ્યારે આવતીકાલે 14 એપ્રિલના રોજ બનાસકાંઠા, સાબરકાંઠા અને કચ્છમાં હળવો વરસાદ વરસી શકે છે. 48 કલાક બાદ રાજ્યભરમાં મહત્તમ તાપમાનનો પારો ઉચકાતા ગરમીનો અનુભવ થશે. હવામાન વિભાગની આગાહી અનુસાર બે દિવસ બાદ રાજ્યભરનું મહત્તમ તાપમાન રાઈઝિંગ ટેન્ડેન્સીમાં રહેતા બેથી ચાર ડિગ્રી જેટલો વધારો થઈ શકે છે.

Continue Reading

કચ્છ

ભુજ નજીક ગમખ્વાર અકસ્માત: 3નાં મોત

Published

on

By

  • વહેલી સવારે પધ્ધર નજીક પુલના ડિવાઈડરમાં તુફાન ઘૂસી ગઈ: પાંચ વ્યક્તિઓને ઈજા

રાજ્યના ધોરીમાર્ગ પર સર્જાતા ગમખ્વાર અકસ્માતમાં હજુ બે દિવસ પહેલા જ ધોરાજી પાસે ટાયર ફાટતા કાર પુલની રેલીંગ તોડી 40 ફૂટ ઉંડી નદીમાં ખાબકતા ચાર વ્યક્તિના ડુબી જવાથી મોત થયા હતા જે ઘટનાની હજુ શાહી પણ સુકાઈ નથી ત્યાં આજે વહેલી સવારે ભૂજ-ભચાઉ હાઈવે ઉપર પુરઝડપે આવતી તુફાન કારના ચાલકે સ્ટેયરીંગ પરથી કાબુ ગુમાવી દેતા તુફાન પુલની રેલીંગ સાથે ધડાકાભેર અથડાઈ પડતા ત્રણ વ્યક્તિના ઘટના સ્થળે જ કમકમાટી ભર્યા મૃત્યુ નિપજ્યા હતાં.

આ બનાવની જાણ થતા પોલીસ કાફલો ઘટના સ્થળે જઈ તુફાન ફસાયેલા લોકોને બહાર કાઢી તાત્કાલીક સારવાર અર્થે ભૂજ હોસ્પિટલમાં ખસેડ્યા હતાં.આ ગોજારા અકસતની જાણવા મળતી માહિતી મુજબ ભૂજ-ભચાઉ હાઈવે પર પધ્ધર ગામ નજીક વહેલી સવારે પુરઝડપે આવતી તુફાનજીપના ચાલકને ઝોકું આવી જતાં સ્ટેયરીંગ પરથી કાબુ ગુમાવી દીધો હતો અને પુલ ઉપર જ તુફાન જીપ ધડાકાભેર રેલીંગમાં ઘુસી ગઈ હતી. આ ગમખ્વાર અકસ્માતમાં તુફાનમાં બેઠેલા ત્રણ વ્યક્તિના ઘટના સ્થળે જ મૃત્યુ નિપજ્યા હતાં.

આ બનાવની જાણ થતાં પધ્ધર પોલીસ સ્ટાફ ઘટના સ્થળે દોડી જઈ તુફાનજીપમાં ફસાયેલા પાંચ મુસાફરોને ઈજાગ્રસ્ત હાલતમાં 108 મારફત ભૂજ જી.કે. હોસ્પિટલમાં ખસેડ્યા હતા. જ્યારે મૃતકોની ઓળખ મેળવવાની કાર્યવાહી હાથ ધરી છે.

Continue Reading

કચ્છ

ભુજમાં દસ-દસ દિવસે પાણી વિતરણથી ભારે હાલાકી

Published

on

By

  • લોકો ટેન્કર મંગાવવા મજબુર, ધારાસભ્યનો ઉડાઉ જવાબ

કચ્છના ભૂજમાં સ્થાનિક પ્રશાસનના પાપે જળસંકટ પેદા થયું છે. મળતી જાણકારી અનુસાર, છેલ્લા છ દિવસથી ભૂજની જનતાને પાણી મળી રહ્યું નથી. ભૂજોડી નજીક પાણીની લાઈનમાં ભંગાણ સર્જાતા પાણી પુરવઠો ઠપ્પ થયો હતો. સ્થાનિક પ્રશાસનના જવાબદારી અધિકારીઓએ હાથ અધ્ધર કરી દેતા જળસંકટ પેદા થયું હતું. લોકો 1200 રૂપિયાના ખર્ચે પાણીના ટેન્કરો મંગાવવા માટે મજબૂર બન્યા હતા.

છેલ્લા 6 દિવસથી ભુજ શહેરની જનતાને પાણી ના મળતા ઇમરજન્સી જેવી સ્થિતિ સર્જાઇ હતી. નર્મદા પાઇપલાઇન પર આધાર રાખતા ભૂજમાં આગામી સમયમાં પાણીની કટોકટી વધુ ઘેરી બની શકે છે. એક તરફ ગરમી અને બીજી તરફ પાણી નાં મળતા લોકો પરેશાન થયા હતા.ભૂજ નગરપાલિકાના વિપક્ષના નેતા કિશોરદાને કહ્યું હતું કે છેલ્લા 10 દિવસથી પાણી મળી રહ્યું નથી.ભાજપ તેમના મળતીયાઓને પાણી આપી રહ્યું છે. ભૂજ નગરપાલિકાના શાસકોએ ભ્રષ્ટાચાર કર્યો છે. ધારાસભ્ય ઉડાવ જવાબ આપી રહ્યા છે. ભૂજના ધારાસભ્ય કેશુભાઇ પટેલે કહ્યું હતું કે પાઈપ લાઈન લીકેજ થઈ ગઈ છે.બે દિવસમાં પાણી પૂરવઠો યોગ્ય રીતે મળતો થશે. લિકેજ લાઈનને બાયપાસ કરવામાં આવી રહી છે.

Continue Reading

Trending