Connect with us

સુરેન્દ્રનગર

સુરેન્દ્રનગર સી.યુ. શાહ હોસ્પિટલમાં વૃદ્ધા ઓપરેશન બાદ ભાનમાં નહીં આવતાં મોત: તબીબી બેદરકારીનો આરોપ

Published

on

થાનના જામવાડી ગામના વૃદ્ધાના મગજનું સુરેન્દ્રનગર ખાતે આવેલી સી.યુ. શાહ મેડિકલ હોસ્પિટલમાં ઓપરેશન કરાવ્યા બાદ વૃદ્ધા ભાનમાં આવ્યા ન હતા. સી.યુ. શાહ મેડિકલ હોસ્પિટલ દ્વારા બેભાન હાલતમાં રજા આપી દેવાતા વૃદ્ધાને રાજકોટ ખસેડવામાં આવ્યા હતા. જ્યાં વૃધ્ધાનું મોત નિપજતા પરિવારમાં શોકની લાગણી પ્રસરી છે. સી.યુ. શાહ મેડિકલ હોસ્પિટલના તબીબોની બેદરકારીના કારણે વૃદ્ધાનું મોત નીપજ્યું હોવાનો પરિવાર દ્વારા આક્ષેપ કરવામાં આવ્યો છે.
આ બનાવ અંગે પોલીસમાંથી જાણવા મળતી વિગત મુજબ થાન તાલુકાના જામવાડી ગામે રહેતા મુક્તાબેન દેવજીભાઈ ઉઘરેજા નામના 72 વર્ષના વૃધ્ધાને બીમારી સબબ સુરેન્દ્રનગર ખાતે આવેલી સી.યુ.શાહ હોસ્પિટલમાં દાખલ કરવામાં આવ્યા હતા. જ્યાં વૃદ્ધાના મગજનું ઓપરેશન કરાવ્યા બાદ વૃદ્ધાને બેભાન હાલતમાં તાત્કાલિક સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતા. વૃદ્ધાના મોતથી પરિવારમાં અરેરાટી સાથે ગમગીની છવાઈ જવા પામી હતી. પોલીસે જરૂૂરી કાર્યવાહી કરી વૃદ્ધાના મૃતદેહને પોસ્ટ મોર્ટમ માટે મેડિકલ કોલેજ ખાતે ખસેડાયો હતો. પ્રાથમિક પૂછપરછમાં મૃતક વૃદ્ધાને ડાયાબીટીસની બીમારી સબબ સારવાર માટે સુરેન્દ્રનગર ખાતે આવેલી સી.યુ.શાહ હોસ્પિટલમાં દાખલ કરવામાં આવ્યા હતા. જ્યાં તબીબોએ વૃદ્ધાના મગજની નસ ફાટી ગઈ હોવાથી ઓપરેશન કરવાનું કહેતા પરિવારની મંજૂરીથી તા.23 ના રોજ વૃદ્ધાના મગજનું ઓપરેશન કરવામાં આવ્યું હતું. ઓપરેશન બાદ વૃદ્ધા ભાનમાં નહીં આવતા તબીબોએ વૃદ્ધાને બેભાન હાલતમાં રજા આપી દીધી હતી. વૃદ્ધાને બેભાન હાલતમાં પરિવાર સારવાર માટે રાજકોટ સિવિલ હોસ્પિટલમાં લાવતા મોત નીપજ્યું હતું. સુરેન્દ્રનગર સી.યુ.શાહ હોસ્પિટલના તબીબોની બેદરકારીના કારણે વૃધ્ધાનું મોત નીપજ્યું હોવાનો પરિવાર દ્વારા આક્ષેપ કરવામાં આવ્યો છે. આક્ષેપના પગલે પોલીસે વધુ તપાસ હાથ ધરી છે.

ગુજરાત

સુરેન્દ્રનગરના ખાખરાથળમાં ભેખડ ઘસી પડતા યુવકનું મોત

Published

on

By

સુરેન્દ્રનગર જિલ્લાના થાન મૂડી પંથકમાં ગેર કાયદેસર કાર્બોસેલનો કાળો કારોબાર ચાલી રહ્યો છે.અને આ ગેરકાયદેસર કાળા કારોબારમાં ખનીજ માફિયાઓ બેફામ થઈ રહ્યા છે તેને સુરેન્દ્રનગર જિલ્લાના આવા પંથકમાં પેટાળમાંથી કાર્બોસેલ મળી આવે છે ત્યારે ગેરકાયદેસર કાર્બોસેલ બહાર કાઢી અને કરોડો રૂૂપિયાની આવક ખનીજ માફીઆઓ કરી રહ્યા છે પરંતુ હવે સ્થાનિક તંત્ર અને પોલીસ વિભાગ તેમના સામે કેમ કાર્યવાહી નથી કરતો તેની સામે પણ ગંભીર સવાલ ઊભા થઈ રહ્યા છે.

ત્યારે આવી ગેરકાયદેસર ચાલતી ખાણમાં દુર્ઘટના સર્જવાના કારણે છેલ્લા એક મહિનામાં સાત લોકોના મોત નીપજ્યા છે ત્યારે સુરેન્દ્રનગર જિલ્લાના ખાખરાથળ ગામે ગીર કાયદેસર ચાલતી કાર્બોસેલ ની ખાણમાં દુર્ઘટના સર્જાય છે કામ કરતાં મજૂરનું મોત નીપજવા પામ્યું છે મળતી વિગત અનુસા આ ખાખરાથળ નો સર્વે નંબર ની વાડી છે સુરાભાઈ કોળી ની વાડી જુની રામાપીર ની લીઝ પાસે કાનભાઈ ની વાડી પાસે ખેડૂત ની માલિકી ની જમીન માં કોલસાની ગેરકાયદેસર ખાણો ધમધમી રહી છે એટલે આ જમીન થાનગઢ તાલુકાના ખાખરાથળ ગામની આવે છે.

આજ સંદર્ભે રાયસંગપર ગામના યુવકનું મોત નીપજ્યા બાદ પોલીસ વિભાગે હજુ સુધી કોઈ કાર્યવાહી નથી કરી અને હજુ સુધી કોઈ પણ પ્રકારની વિગતો પોલીસ પાસે ન હોવાની વિગતો સૂત્ર પાસેથી પ્રાપ્ત થઈ રહી છે પરંતુ સવાલ એ છે કે હવે ખનીજ માફિયાઓ આવા મજૂરોના મોતના સોદાગર બની રહ્યા છે છતાં પણ તંત્ર બહેરૂૂ મૂંગુ બની અને તેમની સામે જોઈ રહ્યું છે. હવે સવાલ એ છે કે આવા ખનીજ માફિયા ઉપર ક્યારે કાર્યવાહી થશે કારણ કે છેલ્લા એક મહિના ઉપર સાત લોકોના મોત નીપજ્યા છે આ ઘટનામાં પણ હજુ પણ બે મજૂરોની હાલત ગંભીર હોવાની વિગતો પ્રાપ્ત થઈ રહી છે.

વેલાળા વીડ થાનગઢ કોલસાની ગેરકાયદેસર ખાણો ઉપર મોટી રેડ પાડવામાં આવેલ છે.જેમાં મામલતદાર પ્રાંત ચોટીલા અને પોલીસ ના સમાચાર છે જેમાં 13 ચરખી મશીન 4 ટ્રેકટર 2 કંમ્પ્રેશર સહિત નો મુદામાલ સહિત જીલેટીન જથ્થો જપ્ત કર્યાની વિગતો સૂત્રો પાસેથી મળી રહી છે ત્યારે હવે આવી દુર્ઘટના બાદ ખાણ ખનીજ વિભાગ અને પોલીસ વિભાગથી આ દોડી જઈ રહ્યું છે અને ગેરકાયદેસર ચાલતી ખોદકામની કામગીરી અટકાવવાનો પ્રયાસ હાથ ધરી રહ્યું છે પરંતુ અત્યાર સુધી ક્યાં હતા તે સવાલ છે અને અત્યાર સુધી કેમ કાર્યવાહી ના કરી તેની સામે પણ સવાલ છે હાલની પરિસ્થિતિ મુજબ રાયસંગપર ગામના યુવકના મોત બાદ આ મુદ્દે અને ગંભીર સવાલ ઊભા થઈ રહ્યા છે.

 

Continue Reading

ક્રાઇમ

વઢવાણમાં સગા ફુવા સહિતના પાંચ લોકોએ સગીરાને પીંખી

Published

on

By

  • સગીરાને 6 માસનો ગર્ભ રહી જતા કાંડ બહાર આવ્યું, પોક્સો સહિતની કલમો હેઠળ ફરિયાદ નોંધાઈ

સુરેન્દ્રનગરમાં સંબંધોને શર્મસાર કરતી ઘટના સામે આવી છે. વઢવાણમાં રહેતી 16 વર્ષની સગીરા પર સગા ફુવા સહીત પાંચ શખ્સોએ દુષ્કર્મ આચર્યાની ઘટના સામે આવતા અરેરાટી મચી ગઈ છે. હાલમાં આ મામલે પોલીસ મથકે ફરીયાદ નોંધાઈ છે. દુષ્કર્મની ઘટનાને પગલે લોકોમાં ભારે રોષ જોવા મળી રહ્યો છે. જો કે, ચોંકાવનારી વાત એ છે કે, સગીરાને 6 મહિનાનો ગર્ભ રહી જતાં આ સમગ્ર કાંડનો પર્દાફાશ થયો હતો. પરિવારજનોને જ્યારે આ વાતની જાણ થતાં તેમના પગ નીચેથી જમીન સરકી ગઈ હતી. જે બાદ તાત્કાલીક પરિજનોનએ સમગ્ર મામલે પોલીસ ફરિયાદ નોંધાવી હતી.

સગીરાના ફુવા તેમજ અન્ય 4 શખ્સોએ સગીરાને જાનથી મારી નાખવાની ધમકી આપી અનેક વખત દુષ્કર્મ આચર્યું હોવાનો ફરિયાદમાં ઉલ્લેખ કરવામાં આવ્યો છે. વઢવાણ પોલીસ ટીમ દ્વારા ભોગ બનનાર સગીરાને મેડિકલ તપાસ માટે સરકારી હોસ્પિટલ લઇ જવામાં આવી હતી. હાલમાં વઢવાણ પોલીસે દુષ્કર્મ અંગેની પોસકો, જાનથી મારી નાખવાની ધમકી સહિતની કલમો હેઠળ ફરીયાદ નોંધી વધુ તપાસ હાથ ધરી છે.

Continue Reading

ક્રાઇમ

લીંબડીમાં ATM કાપી લાખોની ચોરી

Published

on

By

  • બસ સ્ટેન્ડ રોડ પર આવેલ SBIનું ATM કટરથી કાપી વીસેક લાખની રકમ લઈ તસ્કરો ફરાર, પોલીસ તંત્રમાં દોડધામ

સુરેન્દ્રનગર જિલ્લાના લીંબડી બસ સ્ટેન્ડ રોડ ઉપર એસબીઆઇ વિભાગના એટીએમાં તસ્કરોએ ત્રાંટકી એટીએમ મશીનથી કાપી અને તેમાંથી અંદાજે રૂા. 20 લાખની ચોરી કરતા ભારે સનસનાટી મચી જવા પામી છે.
મળતી માહિતી મુજબ સુરેન્દ્રનગર જિલ્લાના લીંબડી બસ સ્ટેન્ડ રોડ ઉપર એસ.બી.આઈ વિભાગનું એટીએમ આવેલું છે ત્યારે આ એટીએમ ને તસ્કરો દ્વારા મધરાત્રીએ નિશાન બનાવવામાં આવ્યું છે કટર જેવા મશીનોથી આ એટીએમ કાપી અને ત્યારબાદ આ અંગે તસ્કરોએ ચોરી કરી નાશી છુટ્યા હતાં. અંગે ઘટનાની જાણ થતા સૌપ્રથમ લીમડી પીએસઆઇ ત્યારબાદ લીંબડી ડીવાયએસપી ચેતનભાઇ મુધવા અને મોટી ચોરીની ઘટના હોવાના કારણે સુરેન્દ્રનગર જિલ્લા પોલીસવડા ગીરીશભાઈ પંડ્યા ઘટના સ્થળે દોડી ગયા હતાં.

ચાર ઇસમો ઇકો કાર લઈ અને લીંબડી બસ સ્ટેન્ડ રોડ ઉપર આવેલા એટીએમમાં રાત્રે આવ્યા અને ત્યારબાદ ઇકો કારના પાછળના ભાગેથી ગેસ કટર ના મશીનો ઉતારવામાં આવ્યા અને એટીએમમાં લઈ જવામાં આવ્યા આજ મામલે તપાસ કરવામાં આવતા જે એટીએમમાં નાખવામાં આવેલા કેમેરા છે તેમના ઉપર સ્પ્રે લગાવી દેવામાં આવ્યા હતા એટલે સમગ્ર જે એટીએમ નું બિલ્ડીંગ આવેલું છે ત્યાં ધુમાડા થઈ ગયા હતા અને આ ચાર ઈસમો દ્વારા ગેસ કટરથી એટીએમ થોડા સમયમાં કાપી નાખવામાં આવ્યું હતું અને ત્યારબાદ જે તેનો પૈસા ભરેલો સ્પેરપાર્ટ છે તે ઇકો કારના પાછળના ભાગે મૂકી અને આ ચાર લોકો ફરાર બન્યા છે. હવે આ સંદર્ભે લોકલ ક્રાઈમ બ્રાન્ચ અને સ્થાનિક પોલીસ તપાસ હાથ ધરી રહી છે પરંતુ આ ચાર ઈસમો કોણ હતા અને ક્યાંથી આવ્યા હતા તે કોઈ હજુ સુધી વિગતો બહાર આવી નથી.

આ અંગે તપાસ હાથ ધરવામાં આવી છે હજુ સુધી તસ્કરોનો પોલીસને કોઈ પતો નથી લાગ્યો ત્યારે આ અંગે તાત્કાલિક પણે તપાસ હાથ ધરવામાં આવી રહી છે આજુબાજુના સીસીટીવી ફૂટેજ લેવામાં આવી રહ્યા છે અને આ અંગે તપાસ હાથ ધરવામાં આવી છે ત્યારે હજુ સુધી આ પ્રકારની કોઈ પણ વિગતો સામે આવી નથી અને પોલીસે હજુ સુધી કોઈ ચોરો ઝડપથી આપણને નથી હાલની પરિસ્થિતિ મુજબ આ મામલે એસબીઆઇ વિભાગના અધિકારીઓનો સંપર્ક સાધવામાં આવ્યો છે અને તેમને પણ ત્યાં બોલાવી લેવામાં આવ્યા છે.

લીમડી બસ સ્ટેન્ડ રોડ ઉપર આવેલા એસબીઆઇના જે એટીએમ આવેલું છે તેમાં 17 ફેબ્રુઆરીના રોજ એસબીઆઇ બેન્ક દ્વારા 40 લાખ રૂૂપિયાની રોકડ રકમ નાખવામાં આવી હતી હવે આ રોકડ રકમ નાખ્યા બાદ તસ્કરો દ્વારા આજે 20 ફેબ્રુઆરીના રોજ આ એટીએમ ને નિશાન બનાવવામાં આવ્યું છે અને એટીએમ કટરથી કાપી અને તેમાં પડેલ રોકડ રકમની ચોરી કરવામાં આવી છે અને આ મામલે હાલ તપાસ ચાલુ છે ત્યારે કેટલી રકમ ચોરીમાં ગઈ છે તે અંગે પોલીસ વિભાગ પણ તપાસ કરી રહી છે. અંદાજિત 20 લાખથી વધુની રકમની ચોરી થયા હોવાની ચર્ચા છે પરંતુ હજુ સુધી ફાઈનલ આંકડો બહાર નથી આવ્યો આ સંદર્ભે તપાસ ચાલુ છે.

Continue Reading

Trending